لوك

لوكلوك بولسا لاكسىفىرا ئائىلىسىدىكى ھاشارات، شېللاق قۇرتنىڭ ئاجراتمىسى بولۇپ، دەرەخ شاخلىرىغا چاپلاشقان بولىدۇ. كۈزدە دەرەخنىڭ يېلىملىق شېخى كېسىۋېلىنىپ، يېلىمنى ئېلىنىپ، شېخى تاشلىۋېتىلىپ يىغۋىلىنىدۇ.  ئېلىمىزنىڭ يۈننەن ئۆلكىسى، سىچۈەن، گۇاڭدۇڭ ئۆلكىسى ھەمدە تايلاند، ھىندىنوزىيە، ھىندىستان، بىنگال، سىرلانكا قاتارلىق جايلاردىن چىقىدۇ.

جىگەرنى قۇۋۋەتلەش، پارقىرىتىش، بۇزۇق ماددىلارنى تارقىتىش، غەيرىي تەبىئىي خىلىتلارنى تازىلاش، بەلغەم بوشىتىش، ئارتۇق ھۆللۇكنى قۇرۇتۇش، قان توختىتىش خۇسۇسىيىتى بار.

خاس تەسىرى

جىگەرنىڭ توسالغۇسىنى ئېچىش، ئىممۇنىت كۈچىنى ئاشۇرۇش، ياللۇغلىنىشقا قارشى تۇرۇش، ئىششىق ياندۇرۇش، قىزىتما قايتۇرۇش، جىگەرنى قۇۋۋەتلەش.

ئەكىس تەسىرى

تالغا زىيان 

دەرەخ مېيى %65~80،  موم(蜡) %4~8، سۇ %1~4،  قەنت، ئاقسىل، تۇز %2~6، سۇدا ئېرىيدىغان پىگمېنت %0.6~3 قاتارلىقلار بار.

لوك1. يۇيۇلغان لەكتىن 1 گرام ئېلىپ، ئۆچكىنىڭ يېڭى سىقىلغان سۈتى بىلەن ئىچسە، قان تۈكۈرۈشنى ۋە بالىياتقۇدىن كەلگەن قاننى توختىتىدۇ.

2. يۇيۇلغان لەك بىلەن ئارپىبەدىياندىن 0.5 گرامدىن 2 گرامغىچە ئېلىپ، سىركە بىلەن ئىچىپ بەرسە ئورۇقلىتىدۇ.

3. بابۇنە 15 گرام، يۇيۇلغان لەك، كاسىنە يىلتىزى 7 گرامدىن، كەرەپشە 10 گرام. قايناتما تەييارلاپ ئىچسە پۈتۈن بەدەنلىك سۇلۇق ئىششىقنى قايتۇرۇپ، ھۆللۈكنى قۇرۇتىدۇ.

4. زۇپا 10 گرام، زىغىر 15 گرام، سەرپىستان 7 گرام، لەكى مەغىسول 5 گرام، قائىدە بويىچە تالقانلاپ، مۇۋاپىق مىقداردا ئىچىپ بەرسە، بەلغەم بوشىتىدۇ.

دورىلىق ئورنى

قۇرتنىڭ ئاجراتمىسى

مىقدارى

7~2 گرام

تۈزەتكۈچىسى

مەستىكى

ئورۇن باسارى 

توسالغۇلارنى ئېچىشتا ئىككىدىن ئۈچ ھەسسىگىچە رەۋەن، يېرىم ھەسسە ئاسارۇن، تۆتتىن بىر ھەسسە تاباشىر.

سوفۇپى لەك، قۇرۇسى لوك، مەجۇنى لوك.

پۈتۈن بەدەنلىك سۇلۇق ئىششىق، قورساققا سۇ يىغىلىش، يۆتەل، سېرىقلىق چۈشۈش، يەرقان، ئاشقازان ۋە جىگەر ئاغرىقى، بالىياتقۇدىن قان كېلىش، قان تۈكۈرۈش قاتارلىقلارغا ئىشلىتىلىدۇ.

كېلىش مەنبەسى (ئەسەر) 

ئۇيغۇر تېبابىتى خام دورىلار ئىلمى بىرىنچى توم(سىناق نۇسخا) شىنجاڭ تېببىي ئۇنىۋېرسىتېتى. ^[0]