شايار تەبىئىي توغراقلىق باغچىسى

شايار تەبىئىي توغراقلىق باغچىسى ئاقسۇ ۋىلايىتىنىڭ شايار ناھىيەسى نۇرباغ يېزىلىق ھۆكۈمەت تۇرۇشلۇق جاينىڭ غەربىي شىمال تەرىپگە جايلاشقان، ناھىيە بازىرى بىلەن ئارىلىقى 16 كىلومېتىر. 

تەبىئىي توغراقلىق باغچىسىدا ئاساسلىقى تۈرلۈك جانلىقلار ۋە مەزمۇت بولغان توغراق بولغاچقا شۇنداق ئاتالغان. توغراقلىق كۆلىمى 1037 مو، جەنۇبتىن شىمالغا ئۇزۇنلۇقى 1050 مېتىر، شەرقتىن غەربكە كەڭلىكى 1652 مېتىر، تىك تۆت بۇلۇڭ شەكلىدە تارقالغان. 

تەبىئىي توغراقلىق باغچىسىدا شىنجاڭچە ئالاھىدىلىككە ئىگە يېپىنچا ئۆسۈملۈك، توغراقلىق، قۇملۇق، بوستانلىق قاتارلىق ئۇنىۋېرسال مەنزىرىلىلەر بار. پۈتكۈل توغراقلىق تەبىئىي بولۇپ، ئىپتىدائىي بۈك-باراقسان ئۆسۈش دەرىجىسى ئىنتايىن ئاز كۆرۈلىدۇ. توغراقلىق ئارىسىغا لاتا كىگىز ئۆيلەر، چىغىر يوللارمۇ جايلاشقان بۇلۇپ، چىغىر يولدا تىزىلغان ئەينەك پولات ئالاھىدە شىر، بۇغا. ئاققۇ قاتارلىق ھايۋانلارنىڭ ھەيكەللىرى ياسالغان بۇلۇپ، خۇددى تىرىكتەك كۆرۈنىدۇ.

ئورماننىڭ شەرقىدىكى قۇملۇق مەنزىرىسى تەخمىنەن 500 مو، يىراقتىن قارىغاندا خۇددى تەكلىماكان قۇملۇقى ئىخچام كۆرۈنۈشىدەك كۆرۈنىدۇ، شۇنىڭ بىلەن بىر ۋاقىتتا شۇنداقلا قۇم ھەيكەل، قۇملۇق ۋالىبولى، قۇم تېيىلىش، قۇم بىلەن داۋالاش قاتارلىق قۇملۇق تەنتەربىيە ئالاھىدىلىكلىرىمۇ بار. ^[0]