ستانفورد خەلقئارا مەسلىھەتچىلىك تەتقىقات ئورنى

ئامېرىكىنىڭ مېنلوپارك شەھىرىدە قۇرۇلغان ستانفورد خەلقئارا مەسلىھەتچلىك تەتقىقاتى ئورنى پەن تەتقىقات ۋە مەسىلىھەتچىلىك مۇلازىمىتى بىلەن شۇغۇللىنىدىغان ئاپپارات. ئۇ1946-يىلى كالىفورنىيە شتاتىدىكى ستانفورد ئۇنىۋېرسىتېتى ۋە كارخانا ساھەسىدىكى بەزى زاتلارنىڭ تەكلىپى بىلەن قۇرۇلغان. 1956-يىلى تەتقىقات ئورنى ستانفورد ئۇنىۋېرسىتېتىدىن مۇستەقىل بولۇپ ئايرىلىپ چىققان. تەتقىقات ئورنىنىڭ21 رايوندا بۆلۈم، ئىشخانا ۋە تەجرىبىخانىسى بولۇپ، دۆلەت ئىچى ۋە سىرتىغا تارقىلىپ، ئىسمى-جىسمىغا لايىق خەلقئارا تەتقىقات ئاپپاراتىغا ئايلانغان.

ستانفورد خەلقئارا مەسلىھەتچىلىك تەتقىقات ئورنىدا ئەڭ ئىلغار تەتقىقات شارائىتى ۋە يۇقىرى سەۋىيىلىك تەتقىقات ئىختىساسلىقلىرى، زامانىۋىلاشقان تەتقىقات ئىشخانىسى، تەجرىبىخانا، تۈرلۈك ئۈسكۈنە ۋە مول ماتېرىياللار بار. تەتقىقات ئورنىنىڭ تەتقىقات دائىرىسى ئىنتايىن كەڭ بولۇپ، ئاساسەن ئېلېكترون قۇرۇلۇشى تەتقىقاتى بىلەن شۇغۇللانغاندىن باشقا، يەنە ئېنېرگىيە، بايلىق، ماتېرىيال، خەۋەرلىشىش، بىئو تېخنىكا، سىستېما قۇرۇلۇشى، سانائەت تېخنىكىسى، ئىقتىسادىي پىلان، خىمىيە ۋە نېفىت-خىمىيە سانائىتى، فىزىكا قاتارلىق جەھەتلەردىكى تەتقىقات خىزمىتى بىلەن شۇغۇللىنىدۇ.

 ئۇنىڭ مەسلىھەتچىلىك پائالىيىتى ئاساسەن باشقۇرۇش ۋە ئىقتىسادنى چۆرىدەپ ئېلىپ بېرىلىدۇ، يەنە ھەر خىل ئابۇنىچىلارنى مەزكۇر تەتقىقات ئورنىنىڭ ستراتېگىيىلىك يۆنىلىش، ئىگىلىك باشقۇرۇش تاكتىكىسى، باشقۇرۇش تەجرىبىسى ۋە يېڭى تېخنىكا، يېڭى بازارغا دائىر ئاخباراتلىرى بىلەن تەمىنلەيدۇ، خېرىدارلارغا ۋەكالىتەن ئاخبارات، ھۆججەتلەرنى تەييارلاش قاتارلىق ئاخبارات مۇلازىمىتى بىلەن شۇغۇللىنىدۇ، ھەر يىلى نەچچە مىڭ تۈرلۈك توختام تاپشۇرۇۋالىدۇ.

بۇ تەتقىقات ئورنىنىڭ پائالىيىتى پەن تەتقىقات بىلەن مەسلىھەتچىلىكتىن ئىبارەت ئىككى چوڭ تۈر، تۆت چوڭ گۇرۇپپىغا ئايرىلىدۇ، ھەربىر چوڭ گۇرۇپپا قارىمىقىدا بىرنەچچە شۆبە بۆلۈم بار.

 بىرىنچى چوڭ گۇرۇپپا فىزىكا، ھاياتلىق ئىلمى ۋە ئىجتىمائىي پەن گۇرۇپپىسى بولۇپ، قارىمىقىدا فىزىكا، سەھىيە ۋە جەمئىيەت سىستېمىسى، ھاياتلىق ئىلمىدىن ئىبارەت ئۈچ شۆبە بۆلۈم بار؛ 

ئىككىنچى چوڭ گۇرۇپپا قۇرۇلۇش تەتقىقات گۇرۇپپىسى بولۇپ، قارىمىقىدا كومپيۇتېر، تەتقىقات ۋە تەھلىل، سىستېما تېخنىكىسى، ئومۇملاشتۇرۇپ تەرەققىي قىلدۇرۇشتىن ئىبارەت تۆت شۆبە گۇرۇپپا بار؛ ئۈچىنچى چوڭ گۇرۇپپا باشقۇرۇش ۋە ئىقتىسادشۇناسلىق گۇرۇپپىسى بولۇپ، قارىمىقىدا سانائەت مەسلىھەتچىلىكى، باشقۇرۇش مەسلىھەتچىلىكى، خىمىيە ۋە ئېنېرگىيە، سىستېما مەسلىھەتچىلىكىدىن ئىبارەت تۆت شۆبە بۆلۈم بار؛ تۆتىنچى چوڭ گۇرۇپپا دۇنياۋى سودا مۇھىتى گۇرۇپپىسى بولۇپ، قارىمىقىدا دۇنيا سودا شۆبە بۆلۈمى بار.^[0]