تۇرغۇنجان جۈمە 1979-يىلى 3-ئاينىڭ 27-كۈنى، ئۇچتۇرپان ناھىيەسىنىڭ ياكۆۋرۈك يېزىسىدا تۇغۇلغان. 2008-يىلى، شىنجاڭ لوقمان ھەكىم بىيو پەن-تېخنىكا چەكلىك شىركىتىنى قۇرغان بولۇپ، ھازىرغىچە شىركەتنىڭ لىدېرلىق ۋەزىپىسىنى ئۆتەپ كەلمەكتە. 

شەخس تارىخى

2000-يىلى، شىنجاڭ تېببىي ئۇنىۋېرسىتېتىنىڭ داۋالاش فاكۇلتېتىنى پۈتتۈرگەن. 

2001-يىلدىن 2002-يىلىغىچە، جۇڭگو جۇڭيى تېبابەت ئاكادېمىيەسىدە بىلىم ئاشۇرغان.

2002-يىلىدىن 2005-يىلىغىچە، كلىنىكىلىق داۋالاش بىلەن شۇغۇللانغان. 

2005-يىلىدىن 2008-يىلىغىچە، ئۇكرائىنا ۋېنسا خەلقئارالىق تېببىي پەنلەر ئۇنىۋېرسىتېتىنىڭ ماگىستىر ئاسپىرانتلىقىنى تاماملىغان.

2008-يىلى، شىنجاڭ لوقمان ھەكىم بىيو پەن-تېخنىكا چەكلىك شىركىتىنى ۋە تۇرغۇنجان شىپاخانىسىنى قۇرغان.

جۇڭگو سەھىيە مىنىستىرلىقى ۋە ساقلىقنى ساقلاش جەمئىيىتى ئېتىراپ قىلغان «ئالىي دەرىجىلىك ساقلىقنى ساقلاش يېتەكچىسى» ۋە «ئوزۇقلۇقشۇناس»، «ئوزۇقلۇقشۇناسلارنى تەربىيەلەش» سالاھىيىتىگە ئېرىشكەن.

كەسپى ساھەدىكى داڭلىق ماركىلىق كارخانىلارنى تاللاپ تەۋسىيە قىلىش پائالىيەت كومىتېتى تەرىپىدىن «ئىناق جۇڭگو 2012-يىللىق ساغلاملىق مەھسۇلاتلىرى ۋە ساقلىقنى ساقلاش ساھەسىدە ئون چوڭ كۆزگە كۆرۈنگەن يېڭىلىق ياراتقان كارخانىچى» دېگەن ناملارغا ئېرىشكەن.

2012-يىلى 9-ئاينىڭ 10-كۈنى، ئۈرۈمچى شەھەرلىك 6-باشلانغۇچ مەكتەپ، 21-باشلانغۇچ مەكتەپتىكى ئۆگىنىش نەتىجىسى ياخشى، ئەمما ئىقتىسادىي قىيىنچىلىقى بار 40 نەچچە ئوقۇغۇچىنىڭ مەكتەپ فورما پۇلى، سۇغۇرتا ھەققى، ئۇقۇش ماتېرىيال ھەققى، تاماق پۇلى قاتارلىق چىقىملىرىنى تۆلىگەن.