ئابدۇراخمان ناسىر 1982-يىلى 12-ئاينىڭ 12-كۈنى تۇرپاندا تۇغۇلغان. 2006-يىلى ۋۇخەن ئۇنىۋېرسىتېتىنى پۈتتۈرگەن. 2011-يىلىغا كەلگەندە، ئۈرۈمچى ئادىل خەلقئارا سودا چەكلىك شىركىتىنى قۇرغان بولۇپ، ھازىر شىركەتنىڭ باش دىرېكتورلۇق ۋەزىپىسىنى ئۆتەپ كەلمەكتە.

شەخس تارىخى

2006-يىلى 6-ئايدا ئوقۇشنى تاماملىغاندىن كېيىن، 2006-يىل 7-ئايدىن باشلاپ ئىلگىرى-كېيىن بولۇپ، ئۈرۈمچى ئاتلان خەلقئارا سودا چەكلىك شىركىتى، ئۈرۈمچى شېرىن بۇلاق يېمەك-ئىچمەك زاۋۇتى، شىنجاڭ سابا ئىمپورت-ئېكسپورت چەكلىك شىركىتى قاتارلىق ئورۇنلاردا ئىشلىگەن.

2011-يىلى، ئۈرۈمچى ئادىل خەلقئارا سودا چەكلىك شىركىتىنى قۇرغان.

2013-يىلى 3-ئايدا، «جۇڭگو شىنجاڭ خەلقئارا سودا ئۇيۇشمىسىنىڭ ھەيئەت ئەزاسى» بولۇش شەرىپىگە ئېرىشكەن.

2013-يىلى 5-ئايدا، جۇڭگو چىڭخەي خەلقئارا مۇسۇلمانچە يېمەكلىك ۋە بۇيۇملار يەرمەنكىسىدە، مۇسۇلمانچە يېمەكلىكلەر يەرمەنكىسى تەشكىللەش گۇرۇپپىسى تەرىپىدىن «ئەڭ مۇنەۋۋەر  كېلىشىم ئىمزالىغۇچى» دېگەن شەرەپكە ئېرىشكەن.