خادىملار 12-ئاۋغۇست ناغرا، سۇناي چېلىش ماھارىتى بويىچە تەربىيەلەنمەكتە

    ئىختىيارىي مۇخبىرىمىز نىياز راھمان خەۋىرى، فوتوسى: كۇچا ناھىيەسىدە ئېلىپ بېرىلىدىغان ئاپتونوم رايونىمىز قۇرۇلغانلىقىنىڭ 60 يىللىقىنى تەبرىكلەش چوڭ چاسا پائالىيىتىگە تەييارلىق قىلىش ۋە ناغرا، سۇناي، داپ چېلىش ۋارىسلىرىنى كۆپلەپ يېتىشتۈرپ، ناھىيەنىڭ مەدەنىيەت ئىشلىرىنى ئىلگىرى سۈرۈشكە تۈرتكە بولۇش ئۈچۈن، 5-ئاۋغۇست بىرىنچى تۈركۈمدە يەتتە تەربىيەلەش نۇقتىسىدا 240 نەپەر ناغرا، سۇناي، داپ چېلىش قابىللىرىنى تەربىيەلەش كۇرسىدا ئومۇميۈزلۈك دەرس باشلاندى.

    ئىگىلىنىشىچە، 2-، 3-تۈركۈمدىكى ناغرا، سۇناي، داپ چېلىش قابىللىرىنى تەربىيەلەش كۇرسى 20-ئاۋغۇستقىچە داۋاملىشىغان بولۇپ، ئۈچ تۈركۈمدە جەمئىي 720 نەپەر ناغرا، سۇناي، داپ چېلىش قابىللىرى تەربىيەلىنىدىكەن.