ئوللىۋودنىڭ گۈزەل چولپىنى- كەترىنا كېيىف  ھەممەيلەن « نيۇ يورك» ناملىق فىلىمدىن تونۇغان بولسا كېرەك.

ئۇ 1984-يىلى 16- ئىيۇل ئەنگلىيەدە تۇغۇلغان، ھىندىستانلىق كىنو چولپىنى ۋە مودىل. ئۇ مودىل ساھەسىدە ئۇتۇق قازانغاندىن كېيىن، 2003-يىلى تۇنجى فىلىمى «بوئوم» دا رول ئېلىپ، كىنودا رول ئېلىش ھاياتىنى باشلىغان. 2009-يىلى « نيۇ يورك» فىلىمىدە باش رول ئالغان ھەمدە مۇشۇ فىلىمدە ئالغان رولى ئۇنىڭ كىنودا رول ئېلىش ھاياتىدىكى بۇرۇلۇش نۇقتىسى بولۇپ قالغان.

ئۇ بۇ كىنودا ياراتقان گۈزەل، ئەقىللىق ئوبرازى بىلەن بىراقلا تونۇلغان. ئۇ ئىلگىرى ھىندىستانلىق داڭلىق چولپان سالمانخان بىلەن نەچچە يىل مۇھەببەتلەشكەن بولۇپ، 2010-يىلى ئۇنىڭ بىلەن ئايرىلىپ كەتكەن. ئۇنىڭ ئاتا-ئانىسى كىچىكىدە ئاجرىشىپ كەتكەن بولۇپ، ئۇ ئىزچىل ئانىسى بىلەن بىللە تۇرۇپ كەلگەن. ئۇنىڭ ئانىسى ئادۋوكات ھەم ساخاۋەتچى،شۇڭا ئۇمۇ ئانىسىنىڭ تەسىرى ھەم قوللىشى ئاستىدا ساخاۋەت ئىشلىرى بىلەن شۇغۇللىنىدۇ.