ئابدۇسەمى ئەركىن 1990-يىلى قەشقەر ۋىلايىتى مارالبېشى ناھىيەسىدە توغۇلغان،2006-يىلىدىن 2010-يىلىغىچە شىنجاڭ سەنئەت ئىنىستىتوتىنىڭ ئوتتۇرا تېخنىكومىدا ناخشا كەسپىدە ئوقۇغان،2010-يىلىدىن ھازىرغىچە شىنجاڭ سەنئەت ئىنىستىتوتىنىڭ مۇقام كەسپىدە ئوقۇۋاتىدۇ،ئۇ ئۆز كەسپىدە تېرىشىپ ئوقۇغاندىن سىرت ناخشا ئىجادىيتى ۋە ئاكورتلاشتۇرۇش خىزمىتى بىلەن شوغۇللۇنۇپ،خەلقىمىزنىڭ ياخشى كۆرىشىگە ئېرىشكەن بىر قىسىم نادىر ئىجادىيەتلەرنى بارلىققا كەلتۈردى.

مەسىلەن: ئابدۇغېنى ئابلىكىم ئىجراسىدىكى <<خەتلىرىمنى تاشلىۋەتمىگىن>>،ھەزرىتى ئەلى مۇھەممەتتۇرسۇن ئىجراسىدىكى <<سىنى بۈگۈن كۆرمىسەم بولماس>>،<<قاراقاش يار>>،زۇلھايات ئىسمايىل ئىجراسىدىكى<<يار دېمە>>قاتارلىق ئەسەرلىرى خەلقىمىزنىڭ ياقتۇرۇپ ئاڭلىشىغا ئېرىشكەن،ئۇنىڭدىن باشقا ئۆزى ئىجاد قىلىپ،ئۆزى ئورۇنلىغان ۋەكىللىك ناخشىلىرىدىن <<شامال>>،<<ئىنسان كىتەركەن ئادەم بۇلالماي>>،<<ئۆزۈڭ باھار ئەمەسمۇ>>،<<ساۋاقداش>>،<<سىزنى دەپ>>،<<تەسەللى>>قاتارلىق ئىجادىي ناخشىلىرى خەلقىمىزنىڭ ياقتۇرۇپ ئاڭلىشىغا ئېرىشكەن.

يىتىلىۋاتقان ياش ناخشىچى ئابدۇسەمى ئەركىن يالغۇز چوڭلار ۋە ياشلارنىڭ ناخشا ئىجادىيتى بىلەنلا شوغۇللۇنۇپ قالماستىن بالىلار ئىجادىيتى بىلەنمۇ شوغۇللىنىدىغان بولۇپ، شىنجاڭ تېلېۋېزىيە ئىستانسىسىنىڭ تەلەي يۇلتۇزى،مەشرەپ،يېڭى يىللىق سەنئەت كېچىلىكلىىردە ئۆزىنىڭ ناخشىلىرى بىلەن خەلقىمىزگە يېڭىلىقلارنى ئاتا قىلىۋاتىدۇ.شىنجاڭ تېلېۋېزىيە ئىستانسىسى بىلەن بۇغرا مەدەنىيەت تارقىتىش چەكلىك شىركىتى بىرلىشىپ ئۆتكۈزگەن <<يېپەك يولى ساداسى >>پروگراممىسىدا ئۆزىنىڭ شامال ناملىق يېقىملىق لىرىك كۈيىنى  ئورۇنلاپ،ئۇستازى ئابدۇللا ئابدۇرېھىم ئەپەندىمنىڭ گۇرۇپپىسىغا تاللانغان ھەمدە <<ئانام چىرايلىق >>ناملىق بۇ ناخشىنى بۇ پروگراممىغىمۇ قاتناشتۇرغان.

بىز ئاخىرىدا بىر تەرەپتىن ئالىي مەكتەپ ھاياتىدا ئۆزىنىڭ كەلگۈسى ئارمانلىرى ئۈچۈن تىرىشىپ ئوقۇۋاتقاچ يەنە بىر تەرەپتىن ناخشا-مۇزىكا كەسپىي بويىچە ئۈزلۈكسىز ئالغا ئىلگىرلەۋاتقان بۇ تېرىشچان ياشنىڭ بۇنىڭدىن كىيىنكى ئىجادىي ھاياتىغا يەنىمۇ زور ئوتۇقلارنى تىلەيمىز.

ئابدۇسەمى ئەركىننىڭ بارلىق ناخشللىرىنى ئاڭلىماقچى بولسىڭىز بۇ يەردىن بىۋاستە ئاڭلاڭ 

ئاڭلاش ئادىرىسى : /music/player.php?mid=780,782,781