3-ئاينىڭ 20-كۈنى، خەلقئارا پۇتبول بىرلەشمىسى 2022-يىللىق قاتار دۇنيا لوڭقىسى پۇتبول مۇسابىقىسىنىڭ شۇ يىلى 11-ئايدا باشلىنىدىغانلىقىنى، ئاخىرىقى ھەل قىلغۇچ مۇسابىقە 12-ئاينىڭ 18-كۈنى ئۆتكۈزۈلىدىغانلىقىنى رەسمىي قارار قىلدى.
قاتارنىڭ ياز پەسىلى بەك ئىسسىق بولغاچقا، 2022-يىللىق دۇنيا لوڭقىسى پۇتبول مۇسابىقىسىنى ئۆتكۈزۈش ۋاقتى ئىزچىل تالاش-تارتىش قىلىنىپ كەلگەن ئىدى، ئالدىنقى ئايدا قاتار دۇنيا لوڭقىسى پۇتبول مۇسابىقىسى خىزمەت گۇرۇپپىسى دوھادا يىغىن ئېچىپ، دۇنيا لوڭقىسى پۇتبول مۇسابىقىسىنىڭ ئۆتكۈزۈلۈش ۋاقتىنى قىش پەسلىگە كېچىكتۈردى، ئاخىرىدا يىغىن ۋەكىللىرىنىڭ كۆپ قىسىمى بۇ قارارنى قوللىدى.
بۈگۈن، خەلقئارا پۇتبول بىرلەشمىسى مۇسابىقە ۋاقتىنى جەزملەشتۈرگەن بولۇپ، 2022-يىللىق دۇنيا لوڭقىسى پۇتبول مۇسابىقىسى 11-ئايدا باشلىنىدىكەن، ھەل قىلغۇچ مۇسابىقە 12-ئاينىڭ 28-كۈنى ئېلىپ بېرىلىدىكەن، بۇ ۋاقىت دەل قاتارنىڭ دۆلەت بايرىمىغا توغرا كېلىدىكەن.
بۇنىڭدىن باشقا، بۇ ۋاقىت يەنە ياۋروپادىكى ئاساسلىق مۇسابىقىلەرنىڭ قىزىغان ۋاقتىغا توغرا كېلىپ قالىدىغان بولغاچقا، خەلقئارا پۇتبول بىرلەشمىسى 2022-يىللىق دۇنيا لوڭقىسى پۇتبول مۇسابىقىسىنىڭ ۋاقتىنى ئەسلىدىكى 32 كۈندىن 28 كۈنگە قىسقارتقان.
