دۆلىتىمىزدىكى تۇنجى ئەرزان باھالىق ئاۋىياتسىيە شىركىتى-جۇڭگو بىرلەشمە ئاۋىياتسىيەسى تۈنۈگۈن، 3-ئاينىڭ 29-كۈنىدىن باشلاپ، تۆۋەن تەننەرخلىق ئاۋىياتسىيە مۇلازىمىتى ئەندىزىسىنى ئومۇميۈزلۈك يۈرگۈزىدىغانلىقىنى ئېلان قىلدى، جۇڭگو بىرلەشمە ئاۋىياتسىيەسى قارمىقىدىكى بارلىق ھاۋا لىنىيەلىرىنىڭ ئادەتتىكى بۆلۈنمىسىدە ئەمدى ھەقسىز غىزا، ھەقسىز يۈك توشۇش ۋە ئورۇن تاللاش مۇلازىمىتى تەمىنلىمەيدىكەن. شۇنداقلا ئاۋىياتسىيە شىركىتىنىڭ سەۋەبسىز نۆۋەتچى ئايروپىلاننىڭ ئۇچۇش ۋاقتى كېچىكسە ياتاق ۋە غىزا مۇلازىمىتىمۇ تەمىنلىمەيدىكەن. جۇڭگو بىرلەشمە ئاۋىياتسىيەسىنىڭ بىلدۈرۈشىچە، ئەگەر قوشۇمچە مۇلازىمەتلەرنى سېتىۋالمىغاندا ئايروپىلان بېلەت باھاسى ئەسلىدىكى باھانىڭ ئوندىن بىرىگە توغرا كېلىدىكەن، بۇنىڭ بىلەن بىرگە جۇڭگو بىرلەشمە ئاۋىياتسىيەسى يەنە 8 يۈەنلىك ئايروپىلان بېلىتىنىمۇ ئوتتۇرىغا چىقىرىدىكەن.
