شىنجاڭ نوبېل مائارىپ پەن-تېخنىكا شىركىتىنىڭ لىدېرى ئابدۇراخمان سادىقتىن ئىگىلىنىشىچە، شىركەتنىڭ بىرلەشمە قۇرغۇچىسى ئابدۇقادىر جالالىددىن 3-ئاينىڭ 20-كۈنى ئۈرۈمچى ۋاقتى چۈشتىن كېيىن سائەت 2 دە نوبېل قوش تىل بالىلار باغچىسىدا «ئائىلە مەدەنىيىتى ۋە بالىلار» دېگەن تېمىدا ھەقسىز لېكسىيە سۆزلەيدىكەن.
ئابدۇراخمان سادىقنىڭ بۇ ھەقتە چۈشەندۈرۈشىچە، ئاتا-ئانىلار تەربىيەسى ئەمەلىيەتتە بالىلار تەربىيەسىنىڭمۇ ئالدىدا تۇرىدىغان بولۇپ، شەرت-شارائىتنىڭ يار بەرمەسلىكى تۈپەيلىدىن جەمئىيىتىمىزدە بۇ جەھەتتىكى تەربىيەلەش يېتەرلىك بولمىغان. شىركەت بۇ جەھەتتە ئاز تولا كۈچ چىقىرىش ئۈچۈن ئاتا-ئانىلار تەربىيەسىنى ئاساسىي مەقسەت قىلغان لېكسىيەنى ئۆتكەن يىلى 11-ئايدىن باشلاپ ئورۇنلاشتۇرغان بولۇپ، بۇندىن كېيىنمۇ ئاتا-ئانىلار تەربىيەسى جەھەتتە ئۈنۈم بېرەلەيدىغان مائارىپچىلارنى تەكلىپ قىلىپ، بۇ خىل لېكسىيەنى ھەر ئايدا بىر قېتىم ئورۇنلاشتۇرۇشنى پىلانلىغان.
