دۇنيادىكى ھەممىباب ئاۋىياتسىيە تەرەققىيات تەجرىبىسىدىن پايدىلىنىپ، جۇڭگودىكى 2800 دىن ئارتۇق ناھىيەگە ھەممىباب ئايرودۇرۇم قۇرۇپ ناھىيەلەرنى تۇتاشتۇرۇش لايىھە پىلانى رەسمىي تۈردە ئوتتۇرىغا چىقتى. بۇ جۇڭگونىڭ پەرقنى تولۇقلاش، تۇتاشتۇرۇش، ئۇل مۇئەسسەسە قۇرۇلۇشى ۋە بىر پۈتۈن ئىستېمال ھالقىسىدىكى يەنە بىر قېتىملىق مەبلەغ سېلىش دولقۇنىنىڭ يېتىپ كەلگەنلىكىدىن دېرەك بېرىدۇ.
«بىر بەلباغ بىر يول» دا دېڭىز، قۇرۇقلۇق، ھاۋا يوللىرى تەڭ ئىلگىرىلىشى كېرەك بولۇپ، بۇ زامانىۋى قاتناش قوراللىرى ئارقىلىق تاماملىنىدۇ. جۇڭگو خەلق ئاۋىياتسىيەسىنىڭ باشلىقى لى جياشياڭ (李家祥) «بىر بەلباغ بىر يول» ھەممىباب ئاۋىياتسىيە تەرەققىيات ئىستراتېگىيەسى مۇنبىرىدە دېيىشىچە، «13-بەش يىللىق پىلان» مەزگىلىدە ئىلگىرى سۈرۈلىدىغان ھەممىباب ئايرودۇرۇم ئارقىلىق ناھىيەلەرنى تۇتاشتۇرۇش لايىھەسىنىڭ بازار شارائىتى تولۇق، بازار ئېھتىياجى ناھايىتى چوڭ ئىكەن.
