جۇڭگو ئاخبارات تورى 29-مارت خەۋىرى، ؛
كورىيە بىرلەشمە ئاگېنتلىقىنىڭ خەۋىرىگە قارىغاندا، چاۋشيەن دائىرىلىرى چاۋشيەن يېرىم ئارىلىنىڭ شەرقىي قىسىمدىكى دېڭىز رايونىدا بىر قىسقا مۇساپىلىك ئۇچقۇ قويۇپ بەرگەن.
كورىيە ھەربىي دائىرىلىرىنىڭ ئاخباراتچىسىنىڭ دېيىشىچە، شۇ جاي ۋاقتى 29-مارت چۈشتىن كىيىن، چاۋشيەن كاڭۋوندو ۋونسان بۆلىكىدىن چاۋشيەن يېرىم ئارىلىنىڭ شەرقىي قىسمىدىكى دېڭىز رايونىغا بىر قىسقا مۇساپىلىك ئۇچقۇ قويۇپ بەرگەن بولۇپ، لېكىن بۇ ئۇچقۇنىڭ كونكرېت زادى نېمە ئىكەنلىكىنى بىلمەيدىكەن.
كورىيە بىرلەشمە ئاگېنتلىقى ئارقىدىن يەنە خەۋەر بېرىپ «چاۋشيەن قويۇپ بەرگەن ئۇچقۇ قۇرۇقلۇققا چۈشۈپ كەتكەن بولۇشى مۇمكىن» دېگەن.
مۇشۇ ئاينىڭ 7-كۈنىدىن باشلاپ، كورىيە بىلەن ئامېرىكا ئارمىيەسى كورىيە چېگراسى ئىچىدە «كەسكىن قارار» ۋە «تاز قارا» ناملىق چوڭ تىپتىكى ھەربىي مانېۋىر ئۆتكۈزگەن. «كەسكىن قارار» مانېۋىرى 18-مارت ئاخىرلاشقان، «تاز قارا» مانېۋىرى بولسا 4-ئاينىڭ 30-كۈنىگىچە داۋاملىشىدىكەن.
بۇنىڭغا قارىتا، چاۋشيەن خەلق ئارمىيەسىنىڭ باش ئىشتابى 12-مارت بايانات ئېلان قىلىپ «ئامېرىكا بىلەن كورىيە ئۆتكۈزگەن بىرلەشمە ھەربىي مانېۋىرغا ئۆچ ئېلىش خاراكتېردىكى زەربە بېرىمىز» دېگەن.
مۇشۇ ئاي كىرگەندىن بۇيان، چاۋشيەن ئالدى-كەينى بولۇپ ئاللىقاچان بەش قېتىم قىسقا مۇساپىلىك باشقۇرۇلىدىغان بومبا قويۇپ بەرگەن.
3-ئاينىڭ 3-كۈنى چاۋشيەن يېرىم ئارالنىڭ شەرقىي قىسمىدىكى دېڭىز رايونىغا نۇرغۇنلىغان قىسقا مۇساپىلىك باشقۇرۇلىدىغان بومبا قويۇپ بەرگەن بولۇپ، بۇ چاۋشيەننىڭ بۇ يىل كىرگەن بۇيان تۇنجى قېتىم قىسقا مۇساپىلىك باشقۇرۇلىدىغان بومبا قويۇپ بېرىشى بولۇپ ھېسابلىنىدۇ.
بۇلاردىن باشقا، چاۋشيەن 2016-يىلى 1-ئاي ۋە 2-ئايدا ئارقا-ئارقىدىن «تۇنجى قېتىملىق ۋودورود بومبىسى قويۇپ بېرىشنى سىناق قىلىغان»لىقى ھەمدە «نۇرلۇق يۇلتۇز تۆتىنچى» سۈنئىي ھەمراھىنى قويۇپ بېرىپ، مۇۋەپپەقىيەت قازانغانلىقىنى جاكارلىغان.
