IT ئائىلىسى خەۋىرى 29-مارت خەۋىرى:
بۈگۈن چۈشتىن كېيىن شياۋمى 2016-يىللىق ئەتىيازلىق پەسىللىك پىكىر ئالماشتۇرۇش يىغىنىدا شياۋمى شىركىتىنىڭ باش ئىجرائىيە ئەمەلدارى لېي جۈن ئەڭ يېڭى مەھسۇلاتى مىجيا MIJIA بېسىملىق توك قازىنى رەسمىي ئېلان قىلدى. ئارقىدىن شياۋمى شىركىتىنى بىرلىكتە قۇرغۇچى ليۇ دې كۆپچىلىككە ئەڭ يېڭى مەھسۇلاتى مىجيا مەھسۇلاتلىرى ئاستىدىكى مەھسۇلات مىجيا IH بېسىملىق توك قازىنى ئېلان قىلدى.
بۇ مەھسۇلاتنى ئېلان قىلىشتىن بۇرۇن ليۇ دې ھازىر ياپونىيەدە بار بولغان يۇقىرى سەپلىمىلىك توك قازىنىنىڭ باھاسىنى، ھازىرقى دۆلىتىمىز ئىچىدىكى توك قازانلىرىنىڭ بازار ئەھۋالىنى چۈشەندۈرۈپ ئۆتتى. ئۇ ئارقىدىن يەنە شياۋمى توك قازىنى ياساش ئۈچۈن ئەجىر قىلغان چۈنمى تېخنىكىسىنى تىلغا ئېلىپ ئۆتكەن بولۇپ بۇ كوللىكتىپتىكى ئاساسلىق ئەزا تېڭ يىنى كۆپچىلىككە چۈشەندۈرۈپ ئۆتتى. ئىگىلىشىمىزچە بۇ توك قازىنى يانفون ئەپى ئارقىلىقمۇ كونترول قىلالايدىغان بولۇپ بۇ توك قازىنىغا جەمئىي 768 تال زاپچاس ئىشلىتىلگەن. باھاسى 999 يۈەن بولۇپ 4-ئاينىڭ 6-كۈنى رەسمىي سېتىلىشقا باشلىنىدىكەن.
