ۋاڭيى تورى خەۋىرى، :
ئالدىنقى يىلى 10-ئايدىن باشلاپ، گۇگۇل Android6.0 نىڭ يېڭىلانغان نۇسخىسىنى چىقىرىشقا باشلىدى، ئەمما تارقىتىلغىلى يېرىم يىلدىن ئاشسىمۇ، بۇ سىستېما نەشىرىنىڭ بازار ئۈلۈشى يەنىلا %2.3 بولدى، Android6.0 سىستېمىسىنى ئىشلىتەلەيدىغان ماشىنا تېخىمۇ ئاز، بىراق يېقىندا سامسۇڭ يانفونى ئابونتلىرىغا خۇش خەۋەر يېتىپ كەلدى، S6، S6 Edge،S6 Edge+ دىن كېيىن، سامسۇڭنىڭ چوڭ ئېكرانلىق بايراقدار Galaxy Note 5 نىڭ جۇڭگو نۇسخىسى (SM-N9200) بۈگۈن ئاخىرى ئاندرويىد 6.0.1 نىڭ نەشىر كۆتۈرۈش تەۋسىيەسىنى تاپشۇرىۋالدى.
ئىلگىرىكى سامسۇڭنىڭ بىرقانچە نۇسخا بايراقدار يانفونى بىلەن ئوخشاش، بۇ قېتىمقى نەشىر يېڭىلاش بولىقىنىڭ سىغىمى 1042.11MB غا يېتىدۇ، كونكىرت يېڭىلاش مەزمۇنى ۋاقتىنچە تېخى ئېلان قىلىنمىدى، ئەمما قاچىلاش بولىقى ۋە سامسۇڭنىڭ بايراقدار قاتارىنىڭ ئوخشاش سەپلىمىسىدىن قارىغاندا، بۇ قېتىملىق يېڭىلاشنىڭ مەزمۇنى S6 قاتارى بىلەن پەرقلەنمەيدۇ: پۈتۈنلەي يېڭى بولغان TouchWiz يۈزى، يېڭى لايىھە ھەمدە ئەمەلىي قوللىنىشچانلىقىنى يۇقىرى كۆتۈرۈش؛ تېز سۈرئەتتە ئۇلىنىش، ئېغىز ئۇلىنىشى تېخىمۇ قولاي بولۇش؛ بارماق ئىزى ئارقىلىق سۈرەت، PIN، شىفىرنى بىرلەشتۈرۈپ ئېكراننى قۇلۇپلاپ قوغداش؛ توك تېجەش ھالىتىدە ئارقا سۇپا سانلىق مەلۇماتىنى ئىشلىتىشنى چەكلەش، ئۇدا ئىشلەش ۋاقتىنى ئۇزارتىش؛ پۈتۈنلەي يېڭى بولغان تىترەپ ئۇقتۇرۇش قىلىش شەكلى قاتارلىقلارنى ئۆز ئىچىگە ئالىدۇ.
بۇ بىرقەدەر يېڭى بولغان بايراقدار يانفوندىن سىرت، Galaxy A7، Galaxy A8، Galaxy Alpha، Galaxy Tab S ۋە Galaxy TabS2 ھەممىسى Android 6.0 نەشىر يېڭىلىشىغا ئېرىشىدۇ.
