ۋاڭيى تورى خەۋىرى، :
بۇ يىللىق ئەتىيازلىق ئاخبارات ئېلان قىلىش يىغىنىدا ئالما پۈتۈنلەي يېڭى بولغان تۆت ديۇملۇق iPhone SE نى ئېلىپ كەلدى، ھەمدە بۇ يانفون 3-ئاينىڭ 24-كۈنى زاكاس قىلىشنى قوزغاتتى. خەۋەرگە ئاساسلانغاندا، نۆۋەتتە iPhone SE نىڭ دۆلەت ئىچىدىكى زاكاس مىقدارى 3.40 مىليوندىن ئاشقان، بۇنىڭ ئىچىدە ئەڭ قارشى ئېلىنغىنى ئەتىرگۈل رەڭلىك ۋە ئالتۇن رەڭلىك نۇسخىسى.
تارىختىكى ئەڭ ئەرزان iPhone بولۇش سۈپىتى بىلەن، iPhone SE تىپى 5s بىلەن ئوخشاش سىرتقى كۆرۈنۈش ۋە 6s بىلەن ئوخشاش سەپلىمىگە ئىگە، ئىقتىدارى ۋە باھاسى تەرەپتە ئىنتايىن رىقابەت كۈچى بار. يېڭىدىن گۈللەنگەن بازار سۈپىتىدىكى جۇڭگو، برازىلىيە، روسىيە، ھىندىستانمۇ iPhone SE ئېلان قىلىنغان ۋاقىتتا ئالمىنىڭ مۇھىم بازىرى دەپ قارالغان.
ئىلگىرى ۋال كوچىسى ئانالىزچىسى iPhone SE نىڭ بۇ يىللىق سېتىش مىقدارى 10-15 مىليون ئارىسىدا بولىدۇ دەپ مۆلچەرلىگەن، جۇڭگو نۇسخىسىنىڭ 3.40 مىليونلۇق زاكاس مىقدارى ئىشەنچىلىكمۇ-ئەمەس بىز تېخى بىلمەيمىز، لېكىن باشقا بازار تەرەپتىكى زاكاس ئەھۋالىنىڭ قانداقلىقى تېخى ئاشكارىلانمىدى، ئالما ئانالىزچىلارنىڭ مۆلچەرىگە يېتەلەمدۇ-يوق يەنىلا مال تارقىتىلغاندىن كېيىنكى سانلىق مەلۇماتنى كۈتۈشكە توغرا كېلىدۇ.
