27-مارت چەۋەنداز ئالىي مېھمانسارىيىنىڭ مەرىكە زالىدا ناھايىتى ئەھمىيەتلىك بولغان بىر قېتىملىق پائالىيەت ئېلىپ بېرىلدى، يەنى ئۈرۈمچى بوشلۇق مەدەنىيەت تەنتەربىيە چەكلىك شىركىتىنىڭ قۇرۇلغانلىقىنىڭ ئاخبارات ئېلان قىلىش يىغىنى ۋە ئۆمەر ئىسلام، مىردىيان ئەخمەت، ئابدۇرازاق ئەپەندى، ئەخمەت خېلىل، زۆھرەخان رەجەپ، ئادىل پەيزى، ئابدۈشۈكۈر مىجىت، يۈسۈپ ئىمىن ھاجىم، يارمۇھەممەد مۇئەللىم قاتارلىق ئون نەچچە تەنتەربىيە تۆھپىكارلىرىغا تون كىيگۈزۈش مۇراسىمى ئېلىپ بېرىلدى.
پائالىيەتكە داڭلىق رىياسەتچىمىز مەۋلۇت ئىبراھىم رىياسەتچىلىك قىلدى، ۋە بوشلۇق مەدەنىيەت تەنتەربىيە چەكلىك شىركىتىنىڭ ئومۇمىي ئەھۋالى تەپسىلىي چۈشەندۈرۈلدى.
ئۇستازلارغا تون كىيگۈزۈش مۇراسىمى باشلىنىشى بىلەن، شىنجاڭ بوكىس ھەرىكىتىنى باشقۇرۇش مەركىزىنىڭ دۆلەت دەرىجىلىك رېپىرى، ھەر تۈردىكى تەنتەربىيە مۇسابىقىلىرىنىڭ رىياسەتچىلىك ۋەزىپىسىنى ئۆز ئۈستىگە ئېلىپ خالىس خىزمەت قىلىپ خەلقىمىزنىڭ ئېتىراپ قىلىشىقا مۇيەسسەر بولغان ئەكبەر ئىسلام تۆھپىكار ئۇستازلارنىڭ ھەر بىرسىنى ئايرىم-ئايرىم ھالدا تەپسىلىي چۈشەندۈرۈپ، ئۇلارنىڭ كەسپىي ھاياتى، جەمئىيەتكە قوشقان تۆھپىسى قاتارلىقلارنى مۇئەييەنلەشتۈرگەندە پۈتۈن سورۇن ئەھلى كۆزلىرىگە ئىسسىق ياش ئالدى ۋە مەيدان كەيپىياتى ئەۋجىگە كۆتۈرۈلدى، جامائەت ئەربابلىرىدىن مىجىت ناسىر، يۈسۈپ ئەيسا، ئەدىبىي ئوبزورچى، يازغۇچى يالقۇن روزى، ساخاۋەتچى ئاتىلار كوللىكتىپىنىڭ مەسئۇلى ھەسەنجان ئابدۇراخمان، شائىر ياسىن زىلال، تالانتلىق رېژىسسور ،ئاكتىيور، كۈلدۈرگە چولپىنى ئابدۇكېرەم ئابلىز، ساخاۋەتچى كارخانىچى جۇڭپا گۇروھىنىڭ لىدىرى ماھىرجان قاتارلىق كارخانىچى ئۇستازلار قاتناشتى.
بۇ قېتىملىق پائالىيەتتە يەنە خەلقىمىزنىڭ تەن ساغلاملىقى ئۈچۈن ئۇيۇشتۇرۇلغان ھەر خىل چوڭ-كىچىك تىپتىكى تەنتەربىيە پائالىيەتلىرىنى سۈپەتلىك، پىلانلىق ئېلىپ بېرىش ۋە پىلانلاش ئۈچۈن قۇرۇلغان بوشلۇق مەدەنىيەت تەنتەربىيە چەكلىك شىركىتىنىڭ تەنتەربىيە كىيىملىرى بازارغا سېلىندى، ئۇندىن سىرت ھەر خىل تەنتەربىيە ئەسلىھەلىرىنىمۇ بوشلۇق مەدەنىيەت تەنتەربىيە چەكلىك شىركىتى بىلەن ئالاقىلىشىش ئارقىلىق سېتىۋالالايسىز.
