بۈگۈن ئاسىيا ئەتىگەنلىك سودا بازىرى ۋاقتىدا، ئالتۇن باھاسى 5 دوللارغا يېقىن تۆۋەنلەپ 1208.5 دوللاردىكى تىرەش نۇقتىسىغا ئۇچرىغان بولۇپ، ئاساسلىقى يېقىنقى مەزگىللەردە ئامېرىكا فېدېراتسىيە زاپاس پۇل كومىتېتى ئەمەلدارنىڭ بايانى تۈرتكىسىدە دوللار ئۈزلۈكسىز يۇقىرى ئۆرلەپ ئالتۇن باھاسىغا بېسىم ئېلىپ كەلدى.
شۇنىڭ بىلەن بىر ۋاقىتتا، ئالدىنقى ھەپتە جۈمە كۈنى ئېلان قىلىنغان ئامېرىكا 4-پەسىللىك GDP سانلىق مەلۇمات نەتىجىسى ياخشى چىقىپ، ئامېرىكا ئىقتىسادىنىڭ جانلىنىش ۋەزىيىتى ياخشىلاندى، بۇنىڭ بىلەن ئامېرىكا فېدېراتسىيە زاپاس پۇل كومىتېتىنىڭ يىل ئىچىدە ئۆسۈم ئۆستۈرۈش مۆلچەرى يۇقىرى ئۆرلەپ ئالتۇن باھاسىغا بېسىم ئېلىپ كەلدى.
بۇ ھەپتە ئامېرىكا 3-ئايلىق غەيرى- يېزا ئىگلىك قاتارلىق بىر قاتار ئىقتىسادى سانلىق مەلۇماتلار ئېلان قىلىنغاندىن سىرت، ئامېرىكا فېدېراتسىيە زاپاس پۇل كومىتېتى رەئىسى يېلېن قاتارلىق ئەمەلدارلار نۇتۇق ئېلان قىلىدۇ؛ تەھلىلچىلەر مۇنداق دەپ كۆرسەتتى، بۇ ھەپتە ئالتۇن باھاسى 1200 دوللاردىكى ئۆتكەلدە تىرەش نۇقتىسىغا ئۇچرىشى مۇمكىن.
بۇ ھەپتە بازارنىڭ دىققتىدە بولدىغىنى ئامېرىكا فېدېراتسىيە زاپاس پۇل كومىتېتى رەئىسى يېلېن (Jannet Yellen) قاتارلىق ئەمەلدارلارنىڭ نۇتۇق سۆزى ۋە 4-ئاينىڭ 1-كۈنى ئېلان قىلىنىدىغان ئامېرىكا 3-ئايلىق غەيرى- يېزا ئىگلىك سانلىق مەلۇماتى. گەرچە ئالدىنقى ھەپتە ئامېرىكا فېدېراتسىيە زاپاس پۇل كومىتېتىنىڭ بىر قانچە ئەمەلدارلىرى، ئامېرىكنىڭ بۇ يىل ئىچىدە ئۆسۈم قوشۇش قېتىم سانى بازار مۆلچەردىن ئېشىپ كەتكەنلىكىدىن بېشارەت بەرگەن بولسىمۇ، لېكىن ئەزەلدىن ئىقتىسادى سانلىق مەلۇماتلارغا نىسبەتەن، بولۇپمۇ ئىشقا ئورۇنلاشتۇرۇش جەھەتتىكى كۆرسەتكۈچىنىڭ ئىشقا ئورۇنلاشتۇرۇش بازار ئەھۋالىنى تەڭشىشىگە قارىتا ئامېرىكا فېدېراتسىيە زاپاس پۇل كومىتېتى ئۈچۈن ئېيتقاندا، 3-ئايلىق غەيرى- يېزا ئىگلىك دوكلاتى مۇقەررەر ئامېرىكا فېدېراتسىيە زاپاس پۇل كومىتېتىنىڭ 4-ئايدا ئۆسۈم ئۆستۈرۈش ھەرىكتى قوللىنىش- قوللانماسلىقىدىكى مۇھىم پايدىلىنىدىغان مۇھىم كۆرسەتكۈچكە ئايلىنىدۇ.
ئەسكەرتىش:
ئادەتتە 1 ئۇنسىيە ئالتۇن 31.1035 گىرامغا تەڭ؛
بۈگۈنكى خەلق پۇلى پېرېۋوت نىسبىتى 6.5232 يۈەن؛
ئەگەر ئىقتىساد تۈردىكى ئۇچۇرلارغا قىزىقسىز ياكى تەپسىلى چۈشىنىپ بېقىشنى خالىسىڭىز بىز بىلەن ئالاقىلاشسىڭىز بولدۇ؛
ئالاقىلىشىڭ: 0991-8588854 ، 0991-8588824 ، 4000991014
ئەسلى مەنبەنى چېكىپ كىرىپ ئىلكان تورنى زىيارەت قىلىڭ.
ئەسلى مەنبە: ئىلكان ئىقتىساد تورى
