ۋاڭيى تورى خەۋىرى، :
كورىيە تاراتقۇلىرىنىڭ خەۋەر قىلىشىچە، تىجارەت ئەھۋالىنى ياخشىلاش ئۈچۈن، سامسۇڭ 18 يىلدىن بۇيان تۇنجى قېتىم تەتقىقاتقا مەبلەغ سېلىشنى ئازايتقان. يىل بېشىدىن بۈگۈنگىچە سامسۇڭ باش شىتابىدا جەمئىي 2480 خادىم قىسقارتقان. بۇنىڭدىن سىرت، سامسۇڭ يەنە ئامېرىكىدىكى ئېلېكترونلۇق ماتېرىيال تەتقىقات مەركىزى ۋە ئۇچۇر دېتالى تەتقىقات مەركىزىنى تاقىۋەتتى، تەتقىقات مەركىزىنىڭ سانى ئالدىنقى يىلدىكى 44 دىن 41 غا ئازلىدى. باش شىتابتىن سىرت، باشقا بۆلۈممۇ خادىم قىسقارتتى.
سامسۇڭ ئېلان قىلغان 2015-يىلى 4-پەسىللىك ۋە پۈتۈن يىللىق مالىيە دوكىلاتىدىن قارىغاندا، 2015-يىلى پۈتۈن يىلدا، سامسۇڭ كۆچمە بۆلۈمىنىڭ كىرىمى 87 مىليارد دوللار، تىجارەت كىرىمى 8.5 مىليارد دوللارغا يىتىپ، كىرىمى بۇلتۇرقى ئوخشاش مەزگىلدىكىدىن %7.3 تۆۋەنلىگەن، پايدا %30 تۆۋەنلىگەن. رىقابەتنىڭ كۈنسېرى كەسكىنلىشىشى ۋە ئېھتىياجنىڭ ئاستىلىشىغا ئەگىشىپ، سامسۇڭ بۇ يىللىق ئەقلىيفون ۋە تاختا كومپيۇتېرنىڭ سېتىلىش مىقدارىنىڭ يەككە خانلىق ساندا ئېشىشىنى مۆلچەرلىگەن. كۆرۈۋېلىشقا بولىدۇكى، سامسۇڭنىڭ بۇ يىلقى ئەھۋالى تازا ياخشى ئەمەس.
ئۆتكەلدىن ئۆتۈش ئۈچۈن، سامسۇڭ ئامالنىڭ بېرىچە شىركەتنىڭ تىجارەت كىرىمىنى يۇقىرى كۆتۈرىدۇ. مەسلەن پارچە زاپچاس كىرىمىنى يۇقىرى كۆتۈرۈش، Galaxy S قاتارىدىكى بايراقدار ئەقلىيفونغا ئورۇنلاشتۇرغان Exynos 7420 مەركىزى بىر تەرەپ قىلغۇچ ئارقىلىق پاتنېت ھوقۇق بېرىش تەننەرخىنى تۆۋەنلىتىش قاتارلىقلار. ئەقلىيفون، پارچە زاپچاس ۋە تېلېۋىزىيە كەسپىدىن سىرت، سامسۇڭ يەنە مەۋھۇم رىئاللىق ساھەسىگىمۇ مەبلەغ سالدى ھەمدە Gear VR مەۋھۇم رىئاللىق قالپىقىنى چىقاردى.
