ھازىرقى زامان تۇرمۇش شەكلى ئارام ئېلىش ۋاقتىنى قىسقارتماقتا

akbarjan

	ھازىرقى زامان تۇرمۇش شەكلى ئارام ئېلىش ۋاقتىنى قىسقارتماقتا شىنخۇا تورىنىڭ 30-مارتتىكى خەۋىرى، نۇر تورى تەرجىمىسى: پەن-تېخنىكىلىق مەھسۇلاتلارنىڭ چىقىرىلىشى كىشىلەرنىڭ تۇرمۇشىنى كۆپ قولايلاشتۇردى. ئەمما تۈركىيە ئائىلە ئېلېكتىر ماركىسى «BEKO» ئېلىپ بارغان بىر قېتىملىق ئەڭ يېڭى يەرشارى تەكشۈرۈش ئىستاتىستىكىسىدا كۆرسىتىلىشىچە، زامانىۋى تۇرمۇش شەكلى كىشىلەرنىڭ ئارام ئېلىش ۋاقتىنى ئازايتىۋەتكەن. تەكشۈرۈش ئاسىيا، ئافرىقا، ياۋروپا، جەنۇبىي ئامېرىكا قاتارلىق قىتئەلەردىكى 22 دۆلەت ۋە رايوندىكى ئون مىڭدىن ئارتۇق ئادەمگە قارىتا ئېلىپ بېرىلغان بولۇپ، نەتىجىسىدە كۆرسىتىلىشىچە، كىشىلەرنىڭ ھەر ھەپتىلىك ئوتتۇرىچە ئارام ئېلىش ۋاقتى 21 سائەت بولغان، بۇنىڭ ئىچىدە ئەرلەرنىڭ ۋاقتى ئوتتۇرىچە 22 سائەت، ئاياللارنىڭ بولسا 19 سائەت بولغان. تەكشۈرۈش ئوبيېكتى ئىچىدە دانىيەلىكلەرنىڭ ئارام ئېلىش ۋاقتى ئەڭ كۆپ بولغان بولۇپ، ئوتتۇرا ھېساب بىلەن ھەپتىسىگە 21 سائەت بولغان، بولىۋىيەلىكلەرنىڭ ئەڭ ئاز بولغان بولۇپ، ئوتتۇرىچە ھەپتىسىگە 12 سائەت بولغان. ئۇنداقتا كىشىلەر بۇ ئارام ئېلىش ۋاقتىنى قانداق ئۆتكۈزىدۇ؟ تەكشۈرۈشتە كۆرسىتىلىشىچە، ئەڭ كۆپ كۆرۈلگىنى ئائىلىسىدىكىلەر بىلەن بىرگە ئارام ئېلىش ئىكەن، ئۇنىڭدىن قالسا «ئۆيدە تۇرۇش»، ئۈچىنچىسى دوستلىرى بىلەن بىرگە ئۆتكۈزۈش ئىكەن. تەكشۈرگۈچىلەرنىڭ «دۇنيادىكى ئارام ئېلىش قىس» ناملىق دوكلاتتا ئېيتىشىچە، ئومۇمىي جەھەتتىن قارىغاندا 22 ياشتىن تۆۋەن خادىلار ئىسمېنا قوشۇپ ئىشلەش ئۈچۈن ئارام ئېلىش ۋاقتىنى 38 ياشقىچە «قۇربان» قىلغاندىن كېيىن، ئاندىن «دەم ئېلىشنىڭ پۇلدىنمۇ مۇھىم»ئىكەنلىكىنى تونۇپ يېتىدىكەن