ياپونىيە جۇڭگودا مەبلەغ سالغان كارخانىلارنىڭ سانى 20مىڭدىن ئاشتى

akbarjan

	ياپونىيە جۇڭگودا مەبلەغ سالغان كارخانىلارنىڭ سانى 20مىڭدىن ئاشتى شىنخۇا ئاگېنتلىقى 11-ئاپرېل خەۋىرى، نۇر تورى تەرجىمىسى: جۇڭگو سودىنى ئىلگىرى سۈرۈش جەمئىيىتىنىڭ مۇئاۋىن باشلىقى جاڭ ۋېي 11-ئاپرېل ياپونىيەنىڭ جۇڭگودا مەبلەغ سالغان كارخانىلارنىڭ 20 مىڭدىن ئاشقانلىقىنى بىلدۈرگەن. شۇ كۈنى 2017-يىللىق جۇڭگو-ياپونىيە كەسپىي ھەمكارلىق سۆھبەت يىغىنى بېيجىڭدا ئېچىلغان بولۇپ، جاڭ ۋېي يىغىندا سۆز قىلىپ جۇڭگو-ياپونىيە دېپلوماتىك مۇناسىۋىتىنى ئەسلىگە كەلگەن 45 يىلدىن بۇيان ئىككى تەرەپنىڭ ئورتاق ھەمكارلىقىدا، ئىككى دۆلەت سودىسىدا زور ئىلگىرىلەشلەرنىڭ قولغا كەلتۈرۈلگەنلىكىنى، ئۆزئارا تولۇقلاپ ئۆزئارا مەنپەئەت يەتكۈزۈشتەك ياخشى ۋەزىيەتنىڭ شەكىللەنگەنلىكىنى بىلدۈردى. ئۇ يەنە ھەر ئىككى دۆلەتنىڭ بىر-بىرىنىڭ ئەڭ مۇھىم سودا شېرىكلىرى ئىكەنلىكىنى، جۇڭگونىڭ ياپونىيەنىڭ ئەڭ چوڭ چەتئەل بازىرىغا مەبلەغ سېلىش ئوبيېكتىغا ۋە پايدىسىنىڭ مۇھىم كېلىش مەنبەسىگە ئايلانغانلىقىنى، ياپونىيە جۇڭگودا مەبلەغ سالغان كارخانىلارنىڭ ھازىرغىچە 20 مىڭدىن ئاشقانلىقىنى بىلدۈردى. جاڭ ۋېي يىغىندا يەنە جۇڭگو-ياپونىيە ئىككى دۆلەت سودىسىنىڭ تەرەققىياتنىڭ ھەرقايسى بۆلەكلىرىنىڭ تېز-ئاستىلىقىغا قاراپ ئوخشاش بولمىغانلىقىنى، ھازىرمۇ ئىككى تەرەپنىڭ ھەمكارلىشىش يوشۇرۇن كۈچىنىڭ ئىنتايىن زور ئىكەنلىكىنى، تەرەققىيات ئىستىقبالىنىڭ پارلاق ئىكەنلىكىنى، ھازىر جۇڭگونىڭ ئىقتىسادى قۇرۇلمىسىنىڭ تېز ئۆزگىرىۋاتقانلىقىنى، ياپونىيەنىڭ ياساش ۋە ئېغىر سانائەت چوڭ دۆلىتى بولغاچقا، ئىككى تەرەپنىڭ ياساش، ئېنېرگىيە تىجەش، ئەقلىي ئىقتىدار قاتارلىق ساھەلەردە ھەمكارلىشىش بوشلۇقىنىڭ ئىنتايىن زور ئىكەنلىكىنى بىلدۈرگەن. تاموژنا تارماقلىرىنىڭ سانلىق مەلۇماتىدا كۆرسىتىلىشىچە، جۇڭگو-ياپونىيە ئىككى دۆلەتنىڭ سودىسى ئەڭ گۈللەنگەن مەزگىللەردە يىللىق سودا سوممىسى 340 مىليارد دوللارغا يەتكەن، يېقىنقى بىر ئىككى يىل مابەينىدە بولسا 270 مىليون دوللار ئەتراپىدا بولغان.