مەرۋايىت ھەققىدە دەسلەپكى چۈشەنچىلەر ( 3 )

ئەقىدە  شىركىتى مەرۋايىت زىننەتلىرى بۆلىمىدىن ئادالەت ئابلىكىم يازمىسى

ماقالىمىزنىڭ ئالدىنقى بۆلەكلىرىدە مەرۋايىتنىڭ چىققان ئورنىغا ئاساسەن تاتلىق سۇ مەرۋايىتى ۋە تۇزلۇق سۇ مەرۋايىتى دەپ ئىككىگە ئايرىلىدىغانلىقى ھەققىدە توختالغان ئىدۇق .

بۈ ماقالىمىزدا مەرۋايىتلارنىڭ  تۈزۈلۈش شەكلىگە ئاساسەن تۈرلەرگە ئايرىلىشى ئۈستىدە توختىلىمىز .

مەرۋايىتلار  تەبىئى شەكىللەنگەن شەكلىگە ئاساسەن يۇمىلاق ، يېرىم يۇمىلاق ۋە غەيرى شەكىللىك مەرۋايىتلار دەپ ئۈچ  چوڭ تۈرگە  ئايرىلىدۇ .

ماقالىمىزنىڭ ئالدىنقى بۆلەكلىرىدە يۇمىلاق مەرۋايىت ئۈستىدە  توختالغان ئىدۇق . مەزكۇر ماقالىمىزدا يېرىم يۇمىلاق ۋە غەيرى شەكىللىك مەرۋايىتلار بىلەن تۇنۇشۇپ چىقىمىز .

قۇلۇلىنىڭ سىرىتقى شەكلى ئاساسەن ئوخشاش بولسىمۇ،لېكىن ھەربىر دانە قۇلۇلىنى يارغىنىمىزدا ئۇنىڭ تېنىدىن چىققان مەرۋايىتلارنىڭ سان،سۈپەت،شەكىل ،رەڭ جەھەتتىن بىر-بىرىگە ئانچە ئوخشاپ كەتمەيدىغانلىقىنى كۈرىمىز.مەرۋايىتلارنىڭ بىر پۈتۈن ،تۇلۇق  ، ئۆلچەملىك يۇمىلاق شەكىلدىكىلىرى مەرۋايىت ئۇمۇمىي سانىنىڭ تەخمىنەن 20 پىرسەنتىنى

تەشكىل قىلىدىغان بولۇپ،قالغانلىرى ھەرخىل شەكىللەردە بولىدۇ.شۇڭا ئۆلچەملىك يۇمىلاق مەرۋايىتلارنىڭ باھاسى

مۇ يۇقۇرى بولىدۇ.ھەم بۇ خىلدىكى مەرۋايىتلار تىبابەت،گىرىم بۇيۇملىرى ساھەسىگە ئىشلىتىلمەيدۇ.

يېقىنقى يىللارغا قەدەر يېرىم يۇمىلاق ۋە غەيرى شەكىلدىكى مەرۋايىتلار ئاساسەن تىبابەت،ساغلاملىق بۇيۇملىرى ۋە گىرىم بۇيۇملىرىنىڭ خام ئەشياسى بولۇپ كەلگەن ئىدى.

بۈگۈنكى كۈنگە كەلگەندە ئۈنچە - مەرۋايىت لاھىيلەش سەۋىيەسىنىڭ ئېشىشىغا ئەگىشىپ كىشىلەرنىڭ گۈزەللىك قارىشىدىمۇ ئۆزگىرىشلەر بولدى . شۇنىڭ بىلەن بازار ئېھتىياجىغا ماس ھالدا  كىشىلەر  غەيرى شەكىللىك ۋە يېرىم يۇمىلاق مەرۋايىتلارنىمۇ زىننەت بۇيۇملىرى ھەم سوۋغات بۇيۇملىرى ياساشقا ئىشلىتىدىغان بولدى.

ئەمەلىيەتتە يېرىم يۇمۇلاق ۋە غەيرى شەكىللىك مەرۋايىتلارنىڭمۇ سۈپىتى ئوخشاشلا ياخشى بولۇپ، ئېھتىياجنىڭ قانداق بولۇشى ياكى قانداق ئۇرۇنغا ئىشلىتىلىشىدىن قەتئىي نەزەر ئۇنىڭ گۈزەللىكى،ئادەم بەدىنىگە بولغان رۇلى ۋە باشقافىزىكا،خىمىيەلىك خۇسۇسىيەتلىرى ئاساسەن ئوخشاش بولىدۇ.

2015-يىلى 6-ئاينىڭ 17-كۈنى