ﺑﺎﻳﻼﺭﻧﯩﯔ ﻧﯩﺸﺎﻧﻰ ﺋﯧﻨﯩﻖ
ﺳﯜﺭﻩﺗﺘﻪ : ﺳﯩﺘﺎﺭﺑﺎﻛﯩﺴﻨﯩﯔ ﻗﯘﺭﻏﯘﭼﯩﺴﻰ , ﻗﻪﮪﯟﻩ ﺷﺎﮪﻰ , ﻣﯩﻠﻴﺎﺩﯨﺮ ﺧﻮﯞﺍﺭﺩ ﺷﯘﻟﺘﯩﺰ
ﺋﻪﻗﯩﺪﻩ ﻗﺎﺷﮕﻪﺭﻟﯩﻜﻰ ﺷﯩﺮﻛﯩﺘﻰ ﺗﻪﺭﺟﯩﻤﯩﺴﻰ
ﻧﺎﻣﺮﺍﺗﻼﺭﻧﯩﯔ ﻧﯩﺸﺎﻧﻰ ﺑﻮﻟﻤﺎﻳﺪﯗ, ﺑﺎﻳﻼﺭﻧﯩﯔ ﻧﯩﺸﺎﻧﻰ ﻧﺎﮪﺎﻳﯩﺘﻰ ﺋﯧﻨﯩﻖ ﺑﻮﻟﯩﺪﯗ
ﻣﯘﻧﺪﺍﻕ ﺑﯩﺮﮪﯩﻜﺎﻳﻪ ﺑﺎﺭ:
ﺑﯩﺮ ﺋﺎﺩﻩﻡ ﻗﯘﺭﯗﻟﯘﺵ ﻗﯩﻠﯩﯟﺍﺗﻘﺎﻥ ﺟﺎﻳﺪﯨﻦ ﺋﯚﺗﯜﭖ ﻛﯧﺘﯩﯟﯦﺘﯩﭗ ﺋﯜﭺ ﺋﯩﺸﭽﯩﻨﯩﯔ ﺧﯩﺸﺘﺎ ﺗﺎﻡ ﻗﻮﭘﯘﺭﯞﺍﺗﻘﺎﻧﻠﯩﻘﯩﻨﻰ ﻛﯚﺭﯛﭖ ,ﺋﯘﻻﺭﺩﯨﻦ: «ﻧﯧﻤﻪ ﺋﯩﺶ ﻗﯩﻠﯩﯟﺍﺗﯩﺴﯩﻠﻪﺭ?» ﺩﻩﭖ ﺳﻮﺭﺍﭘﺘﯘ.
ﺑﯘ ﺋﯜﭺ ﺋﯩﺸﭽﻰ ﺑﯩﺮ – ﺑﯩﺮﯨﮕﻪ ﺋﻮﺧﺸﯩﻤﺎﻳﺪﯨﻐﺎﻥ ﺟﺎﯞﺍﺏ ﺑﯧﺮﯨﭙﺘﯘ, ﺑﯩﺮﯨﻨﭽﻰ ﺋﯩﺸﭽﻰ ﺧﻮﺷﻴﺎﻗﻤﯩﻐﺎﻧﺪﻩﻙ:«ﺳﯩﺰ ﻣﯧﻨﯩﯔ ﺗﺎﻡ ﻗﻮﭘﯘﺭﯞﺍﺗﻘﺎﻧﻠﯩﻘﯩﻤﻨﻰ ﻛﯚﺭﻣﯩﺪﯨﯖﯩﺰﻣﯘ? ﺗﯘﺭﻣﯘﺷﯘﻣﻨﻰ ﻗﺎﻣﺪﺍﭖ,ﺋﺎﺋﯩﻠﻪﻣﻨﻰ ﺑﺎﻗﯩﺪﯨﻐﺎﻥ ﺋﯩﺶ ﻗﯩﻠﯩﯟﺍﺗﯩﻤﻪﻥ, ﺧﺎﻻﺱ.» ﺩﻩﭘﺘﯘ. ﺋﯩﻜﻜﯩﻨﭽﻰ ﺋﯩﺸﭽﻰ ﺑﯧﺸﯩﻨﻰ ﻛﯚﺗﯜﺭﯛﭖ ﻛﯜﻟﮕﯩﻨﯩﭽﻪ: «ﻣﻪﻥ ﮪﺎﺯﯨﺮ ﺑﯩﺮ ﺋﯚﻱ ﺳﯧﻠﯩﯟﺍﺗﯩﻤﻪﻥ, ﻣﻪﻥ ﺑﯘﻧﻰ ﺋﻪﯓ ﻳﺎﺧﺸﻰ ﺧﯩﺰﻣﻪﺕ ﺩﻩﭖ ﻗﺎﺭﺍﻳﻤﻪﻥ.» ﺩﻩﭘﺘﯘ. ﺋﺎﺧﯩﺮﻗﻰ ﺋﯩﺸﭽﻰ ﭘﻪﺧﯩﺮﻟﻪﻧﮕﻪﻥ ﮪﺎﻟﺪﺍ: «ﻣﻪﻥ ﮪﺎﺯﯨﺮ ﺑﯩﺮﮔﯜﺯﻩﻝ ﺷﻪﮪﻪﺭ ﺳﯧﻠﯩﯟﺍﺗﯩﻤﻪﻥ, ﮔﻪﺭﭼﻪ ﺑﯘ ﺋﻪﻣﺪﯨﻼ ﺑﺎﺷﻼﻧﻐﺎﻥ ﺑﻮﻟﺴﯩﻤﯘ, ﺑﯩﺮﺍﻕ ﺋﻮﺯﯗﻥ ﺋﯚﺗﻤﻪﺳﺘﯩﻦ ﻧﻪﺗﯩﺠﯩﺴﯩﻨﻰ ﻛﯚﺭﻩﻟﻪﻳﺴﯩﻠﻪﺭ.» ﺩﻩﭘﺘﯘ.
ﻧﯘﺭﻏﯘﻥ ﻳﯩﻠﻼﺭ ﺋﯚﺗﯜﭖ ﻛﯧﺘﯩﭙﺘﯘ, ﺋﻪﻳﻨﻰ ﯞﺍﻗﯩﺘﺘﯩﻜﻰ ﺑﯩﺮﯨﻨﭽﻰ ﺋﯩﺸﭽﻰ ﺋﺎﯞﯞﺍﻟﻘﯩﺪﻩﻛﻼ ﺋﯩﺸﭽﻰ ﺑﻮﻟﯘﭖ , ﻛﯜﻧﺪﻩ ﺋﻮﺧﺸﺎﺵ ﺧﯩﺰﻣﻪﺗﻨﻰ ﻗﯩﻠﯩﺪﯨﻜﻪﻥ; ﺋﯩﻜﻜﯩﻨﭽﻰ ﺋﯩﺸﭽﻰ ﺧﯧﻠﻰ ﻧﺎﻣﻰ ﺑﺎﺭﻻﻳﯩﮭﻪﻟﯩﮕﯜﭼﯩﮕﻪ ﺋﺎﻳﻠﯩﻨﯩﭙﺘﯘ; ﺋﯜﭼﯩﻨﭽﻰ ﺋﯩﺸﭽﻰ ﺑﻮﻟﺴﺎ ﺑﯩﺮ ﺋﯚﻱ – ﻣﯜﻟﯜﻙ ﺷﯩﺮﻛﯩﺘﯩﻨﯩﯔ ﺧﻮﺟﺎﻳﯩﻨﯩﻐﺎ ﺋﺎﻳﻠﯩﻨﯩﭗ, ﺋﺎﻟﺪﯨﻨﻘﻰ ﺋﯩﻜﻜﻰ ﺋﯩﺸﭽﻰ ﺋﯘﻧﯩﯔ ﻗﻮﻝ ﺋﺎﺳﺘﯩﺪﺍ ﺋﯩﺸﻠﻪﻳﺪﯨﻐﺎﻥ ﺑﻮﭘﺘﯘ.
ﺋﻮﺧﺸﯩﻤﺎﻳﺪﯨﻐﺎﻥ ﺋﯜﭺ ﺧﯩﻞ ﺟﺎﯞﺍﺏ, ﺋﻮﺧﺸﯩﻤﯩﻐﺎﻥ ﺋﯜﭺ ﺧﯩﻞ ﻧﻪﺗﯩﺠﯩﻨﻰ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ. ﮪﯩﻜﺎﻳﯩﺪﯨﻜﻰ ﺑﯩﺮﯨﻨﭽﻰ ﺋﯩﺸﭽﯩﻨﯩﯔ ﻧﯩﺸﺎﻧﻰ ﺑﻮﻟﻤﯩﻐﺎﭼﻘﺎ, ﺗﯩﺮﯨﺸﯩﺸﺘﯩﻜﻰ ﺗﯜﺭﺗﻜﯩﻠﯩﻚ ﻛﯜﭺ ﻛﻪﻣﭽﯩﻞ. ﺋﯘﻧﯩﯔ ﮪﻪﺭ ﻛﯜﻧﻠﯜﻙ ﺧﯩﺰﻣﯩﺘﻰ ﺋﯘ ﺋﯧﻴﯩﺘﻘﺎﻧﺪﻩﻙ ﺋﺎﺋﯩﻠﯩﺴﯩﻨﻰ ﺑﯧﻘﯩﺶ ﺋﯜﭼﯜﻥ ﺑﻮﻟﯘﭖ, ﻛﯜﻥ ﺋﯚﺗﺴﯩﻼ ﺷﯘﻧﯩﯖﻐﺎ ﺭﺍﺯﻯ ﺑﻮﻟﯩﺪﯗ, ﺷﯘﯕﺎ ﻧﻪﭼﭽﻪ ﺋﻮﻥ ﻳﯩﻠﻤﯘ ﺧﯘﺩﺩﻯ ﺑﯩﺮ ﻛﯜﻧﺪﻩﻙ ﺋﯚﺗﯜﭖ, ﮪﯧﭽﻘﺎﻧﺪﺍﻕ ﺋﯩﻠﮕﯩﺮﯨﻠﻪﺵ ﺑﻮﻟﻤﯩﻐﺎﻥ; ﺋﯩﻜﻜﯩﻨﭽﻰ ﺋﯩﺸﭽﯩﻨﯩﯔ ﺑﯩﺮﯨﻨﭽﻰ ﺋﯩﺸﭽﯩﻐﺎ ﺳﯧﻠﯩﺸﺘﯘﺭﻏﺎﻧﺪﺍ ﺑﯩﺮ ﻗﻪﺩﻩﺭ ﺋﯧﻨﯩﻖ ﺑﻮﻟﻐﺎﻥ ﻗﯩﺴﻘﺎ ﻣﯘﺩﺩﻩﺗﻠﯩﻚ ﻧﯩﺸﺎﻧﻰ ﺑﺎﺭ, ﺷﯘ ﺳﻪﯞﻩﺑﺘﯩﻦ ﺋﯚﺯﯨﻨﯩﯔ ﺧﯩﺰﻣﯩﺘﯩﺪﯨﻦ ﮪﻮﺯﯗﺭﻟﯩﻨﺎﻟﯩﻐﺎﻥ ﮪﻪﻣﺪﻩ ﺋﻪﯓ ﺋﺎﺧﯩﺮﻯ ﺑﯩﺮ ﻻﻳﯩﮭﻪﻟﯩﮕﯜﭼﯩﮕﻪ ﺋﺎﻳﻼﻧﻐﺎﻥ. ﺋﯜﭼﯩﻨﭽﻰ ﺋﯩﺸﭽﯩﻨﯩﯔ ﺑﻮﻟﺴﺎ ﻧﺎﮪﺎﻳﯩﺘﻰ ﺋﯧﻨﯩﻖ ﺑﻮﻟﻐﺎﻥ ﺋﻮﺯﯗﻥ ﻣﯘﺩﺩﻩﺗﻠﯩﻚ ﻧﯩﺸﺎﻧﻰ ﺑﺎﺭ .ﺋﯘ ﺋﯜﻣﯩﺪﻛﻪ ﺗﻮﻟﻐﺎﻥ, ﻗﯩﺰﻏﯩﻦ ﯞﻩ ﻧﺎﮪﺎﻳﯩﺘﻰ ﺟﯘﺷﻘﯘﻥ ﺑﻮﻟﯘﭖ, ﻛﯚﯕﻠﯩﺪﻩ ﺋﯧﻨﯩﻖ ﻧﯩﺸﺎﻧﻰ ﺑﻮﻟﻐﺎﭼﻘﺎ ﺋﺎﺧﯩﺮﻯ ﺋﺎﻟﺪﯨﻨﻘﻰ ﺋﯩﻜﻜﻰ ﺋﯩﺸﭽﯩﻨﯩﯔ ﺧﻮﺟﺎﻳﯩﻨﯩﻐﺎ ﺋﺎﻳﻠﯩﻨﯩﭗ, ﺋﯚﺯﯨﻨﯩﯔ ﺑﺎﻳﻠﯩﻖ ﭼﯜﺷﯩﻨﻰ ﺋﻪﻣﻪﻟﮕﻪ ﺋﺎﺷﯘﺭﻏﺎﻥ.
ﺋﺎﻣﯧﺮﯨﻜﺎﺧﺎﺭﯞﺍﺭﺩ ﺋﯘﻧﯩﯟﯦﺮﺳﯩﺘﯩﺘﻰ ﺋﯩﻠﮕﯩﺮﻯ ﺑﯘ ﻣﻪﻛﺘﻪﭘﺘﯩﻜﻰ ﺋﻪﻗﻠﻰ, ﺋﻮﻗﯘﺵ ﺗﺎﺭﯨﺨﻰ, ﻣﯘﮪﯩﺖ ﺷﺎﺭﺍﺋﯩﺘﻰ ﻗﺎﺗﺎﺭﻟﯩﻖ ﺟﻪﮪﻪﺗﻠﻪﺭﺩﻩ ﺋﺎﺳﺎﺳﻪﻥ ﺋﻮﺧﺸﺎﺵ ﺑﻮﻟﻐﺎﻥ ﺑﯩﺮ ﺗﯜﺭﻛﯜﻡ ﺋﻮﻗﯘﺵ ﭘﯜﺗﺘﯜﺭﯨﺪﯨﻐﺎﻥ ﺋﻮﻗﯘﻏﯘﭼﯩﻼﺭﻏﺎ ﻗﺎﺭﯨﺘﺎ ﻧﯩﺸﺎﻧﻨﯩﯔ ﻛﯩﺸﻠﯩﻚ ﮪﺎﻳﺎﺗﻘﺎ ﺑﻮﻟﻐﺎﻥ ﺗﻪﺳﯩﺮﻯ ﺗﻮﻏﺮﯨﺴﯩﺪﺍ ﺗﻪﻛﺸﯜﺭﯛﺵ ﺋﯧﻠﯩﭗ ﺑﺎﺭﻏﺎﻥ. ﻧﻪﺗﯩﺠﯩﺪﻩ ﺋﻮﻗﯘﺵ ﭘﯜﺗﺘﯜﺭﯨﺪﯨﻐﺎﻥ ﺑﯘ ﺋﻮﻗﯘﻏﯘﭼﯩﻼﺭ ﺋﺎﺭﯨﺴﯩﺪﺍ,%27 ﻛﯩﺸﯩﻨﯩﯔ ﻧﯩﺸﺎﻧﻰ ﻳﻮﻕ, %60 ﻛﯩﺸﯩﻨﯩﯔ ﻧﯩﺸﺎﻧﻰ ﻏﯘﯞﺍ, %10 ﺋﺎﺩﻩﻣﻨﯩﯔ ﺑﯩﺮ ﻗﻪﺩﻩﺭ ﺋﯧﻨﯩﻖ ﺑﻮﻟﻐﺎﻥ ﻗﯩﺴﻘﺎ ﻣﻪﺯﮔﯩﻠﻠﯩﻚ ﻧﯩﺸﺎﻧﻰ ﺑﺎﺭ, %3 ﺋﺎﺩﻩﻣﻨﯩﯔ ﺋﯧﻨﯩﻖ ﺑﻮﻟﻐﺎﻥ ﺋﻮﺯﯗﻥ ﻣﻪﺯﮔﯩﻠﻠﯩﻚ ﻧﯩﺸﺎﻧﻰ ﺑﺎﺭ ﺋﯩﻜﻪﻧﻠﯩﻜﻰ ﻣﻪﻟﯘﻡ ﺑﻮﻟﻐﺎﻥ.
25 ﻳﯩﻠﺪﯨﻦ ﻛﯩﻴﯩﻦ ﺧﺎﺭﯞﺍﺭﺩ ﺋﯘﻧﯩﯟﯦﺮﺳﯩﺘﯩﺘﻰ ﺑﯘ ﺋﻮﻗﯘﻏﯘﭼﯩﻼﺭﻏﺎ ﻗﺎﺭﯨﺘﺎ ﺋﯩﺰ ﻗﻮﻏﻼﭖ ﺗﻪﻛﺸﯜﺭﯛﺵ ﺋﯧﻠﯩﭗ ﺑﺎﺭﻏﺎﻥ, ﻧﻪﺗﯩﺠﯩﺪﻩ: ﺋﻮﺯﯗﻥ ﻣﻪﺯﮔﯩﻠﻠﯩﻚ ﻧﯩﺸﺎﻧﻰ ﺑﻮﻟﻐﺎﻥ ﺑﯘ %3 ﺋﺎﺩﻩﻡ ﮪﻪﺭ ﻛﯜﻧﻰ ﺋﻮﺧﺸﺎﺵ ﺑﯩﺮ ﻳﯚﻧﯩﻠﯩﺸﻜﻪ ﻗﺎﺭﺍﭖ ﺗﻮﺧﺘﯩﻤﺎﺳﺘﯩﻦ ﻛﯚﺭﻩﺵ ﻗﯩﻠﯩﺶ ﺋﺎﺭﻗﯩﻠﯩﻖ, ﺑﯜﮔﯜﻧﻜﻰ ﻛﯜﻧﺪﻩ ﺋﺎﻟﻠﯩﻘﺎﭼﺎﻥ ﮪﻪﺭﻗﺎﻳﺴﻰ ﺳﺎﮪﻪﻟﻪﺭﺩﯨﻜﻰ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﺍﻧﻐﺎﻥ ﺷﻪﺧﯩﺴﻠﻪﺭﮔﻪ ﺋﺎﻳﻼﻧﻐﺎﻥ, ﺑﯘﻻﺭﻧﯩﯔ ﺋﯩﭽﯩﺪﻩﺋﯚﺯ ﻛﻪﺳﭙﯩﻨﯩﯔ ﺳﻪﺭﻛﯩﻠﯩﺮﻯ ﯞﻩ ﺋﯩﺠﺘﯩﻤﺎﺋﯩﻲ ﻗﻪﮪﺮﯨﻤﺎﻧﻼﺭﻣﯘ ﺑﻮﻟﻐﺎﻥ; ﺑﯩﺮ ﻗﻪﺩﻩﺭ ﺋﯧﻨﯩﻖ ﺑﻮﻟﻐﺎﻥ ﻗﯩﺴﻘﺎ ﻣﻪﺯﮔﯩﻠﻠﯩﻚ ﻧﯩﺸﺎﻧﻰ ﺑﻮﻟﻐﺎﻥ %10 ﺋﺎﺩﻩﻡ ﺋﯚﺯﯨﻨﯩﯔ ﻧﯩﺸﺎﻧﻰ ﺋﯜﭼﯜﻥ ﺋﯩﺰﭼﯩﻞ ﺗﯩﺮﯨﺸﯩﭗ, ﮪﻪﺭ ﻗﺎﻳﺴﻰ ﺳﺎﮪﻪﻟﻪﺭﺩﯨﻜﻰ ﻛﻪﺳﭙﯩﻲ ﺋﻪﺭﺑﺎﺑﻼﺭﻏﺎ ﺋﺎﻳﻼﻧﻐﺎﻥ, ﺋﯘﻻﺭﻧﯩﯔ ﮪﻪﻣﻤﯩﺴﻰ ﺟﻪﻣﺌﯩﻴﻪﺗﻨﯩﯔ ﺋﻮﺗﺘﯘﺭﺍ ﻗﺎﺗﻠﯩﻤﯩﺪﺍ ﻳﺎﺷﯩﻐﺎﻥ; ﻧﯩﺸﺎﻧﻰ ﻏﯘﯞﺍ ﺑﻮﻟﻐﺎﻥ %60 ﺋﺎﺩﻩﻣﻨﯩﯔ ﺗﯘﺭﻣﯘﺷﻰ ﻧﺎﮪﺎﻳﯩﺘﻰ ﺋﺎﺩﻩﺗﺘﯩﻜﯩﭽﻪ ﺑﻮﻟﯘﭖ, ﮔﻪﯞﺩﯨﻠﯩﻚ ﻧﻪﺗﯩﺠﻪ ﻗﺎﺯﯨﻨﺎﻟﻤﯩﻐﺎﻥ, ﺋﯘﻻﺭﻧﯩﯔ ﻛﯚﭖ ﻗﯩﺴﯩﻤﻰ ﺟﻪﻣﺌﯩﻴﻪﺗﻨﯩﯔ ﺋﻮﺗﺘﯘﺭﺍ ﻗﺎﺗﻠﯩﻤﯩﺪﯨﻦ ﺗﯚﯞﻩﻥ ﺋﻮﺭﯗﻧﺪﺍ ﻳﺎﺷﯩﻐﺎﻥ; ﻧﯩﺸﺎﻧﻰ ﺑﻮﻟﻤﯩﻐﺎﻥ %27ﺋﺎﺩﻩﻣﻨﯩﯔ ﺗﯘﺭﻣﯘﺷﺘﺎ ﮪﯧﭽﻘﺎﻧﺪﺍﻕ ﻳﯚﻧﯩﻠﯩﺸﻰ ﻳﻮﻕ ﺑﻮﻟﯘﭖ, ﺗﯘﺭﻣﯘﺷﻰ ﻧﺎﮪﺎﻳﯩﺘﻰ ﺗﻪﺳﺘﻪ ﺋﯚﺗﻜﻪﻥ,ﮪﻪﺗﺘﺎ ﺩﺍﺋﯩﻢ ﺑﺎﺷﻘﯩﻼﺭﺩﯨﻦ, ﺟﻪﻣﺌﯩﻴﻪﺗﺘﯩﻦ ﺋﺎﻏﺮﯨﻨﯩﺪﯨﻐﺎﻥ ﺑﻮﻟﻐﺎﻥ.
ﺑﯩﺰ ﺑﯘ ﺗﻪﻛﺸﯜﺭﯛﺵ ﻧﻪﺗﯩﺠﯩﺴﯩﺪﯨﻦ ﺷﯘﻧﻰ ﻛﯚﺭﯛﯞﺍﻻﻻﻳﻤﯩﺰﻛﻰ, ﻧﺎﻣﺮﺍﺗﻼﺭ ﯞﻩ ﺑﺎﻳﻼﺭﻧﯩﯔ ﻳﻪﻧﻪ ﺑﯩﺮ ﭘﻪﺭﻗﻰ:ﻧﺎﻣﺮﺍﺗﻼﺭﻧﯩﯔ ﻧﯩﺸﺎﻧﻰ ﻳﻮﻕ, ﺑﺎﻳﻼﺭﻧﯩﯔ ﻧﯩﺸﺎﻧﻰ ﻧﺎﮪﺎﻳﯩﺘﻰ ﺋﯧﻨﯩﻖ ﺑﻮﻟﯩﺪﯗ.
ﺑﯘﻧﯩﯖﻐﺎ ﻗﺎﺭﯨﺘﺎ, ﮔﯘﺍﯕﺪﯗﯓ ﺷﯧﯖﻔﺎﯓ ﻣﻪﺩﻩﻧﯩﻴﻪﺕ ﺗﺎﺭﻗﯩﺘﯩﺶ ﭼﻪﻛﻠﯩﻚ ﺷﯩﺮﻛﯩﺘﯩﻨﯩﯔ ﺑﺎﺵ ﻟﯧﺪﯨﺮﻯ ﺧﯘﺍﯕﺸﯩﻨﯩﯔ ﻧﺎﮪﺎﻳﯩﺘﻰ ﭼﻮﯕﻘﯘﺭ ﺗﻪﺳﯩﺮﺍﺗﻰ ﺑﺎﺭ, ﺋﯘ ﺋﯧﻨﯩﻖ ﻧﯩﺸﺎﻧﻨﯩﯔ ﻛﯩﺸﯩﻠﯩﻚ ﮪﺎﻳﺎﺗﻘﺎ ﺑﻮﻟﻐﺎﻥ ﻳﯩﺘﻪﻛﭽﯩﻠﯩﻚ ﺭﻭﻟﯩﺪﯨﻦ ﮔﯘﻣﺎﻧﻼﻧﻤﺎﻳﺪﯗ, ﮪﻪﻣﺪﻩ ﺋﯘ ﺋﯚﺯﯨﻤﯘ ﻧﯩﺸﺎﻧﻰ ﻧﺎﮪﺎﻳﯩﺘﻰ ﺋﯧﻨﯩﻖ ﺋﺎﺩﻩﻡ.
ﺧﯘﺍﯕﺸﻰ ﻛﯩﭽﯩﻚ ﯞﺍﻗﺘﯩﺪﺍ, ﺋﯘﻧﯩﯔ ﺋﺎﺗﺎ – ﺋﺎﻧﯩﺴﻰ ﺩﺍﺋﯩﻢ ﺋﯘﻧﻰ ﻳﺎﺧﺸﻰ ﺋﯚﮔﯩﻨﯩﺸﻜﻪ, ﻛﻪﻟﮕﯜﺳﯩﺪﻩ ﺑﯩﺮ ﻳﺎﺧﺸﻰ ﺧﯩﺰﻣﻪﺕ ﺗﯧﭙﯩﺸﯩﻐﺎ ﻳﯩﺘﻪﻛﻠﻪﻳﯩﺘﺘﻰ. ﮪﺎﻟﺒﯘﻛﻰ ﺋﻪﻳﻨﻰ ﯞﺍﻗﯩﺘﺘﺎ ﻛﯩﭽﯩﻜﻜﯩﻨﻪ ﺧﯘﺍﯕﺸﯩﻨﯩﯔ ﺋﯚﺯﯨﻨﯩﯔ ﻣﯘﺳﺘﻪﻗﯩﻞ ﻛﯚﺯ – ﻗﺎﺭﯨﺸﻰ ﺑﻮﻟﯘﭖ, ﺋﯘ ﻛﯚﯕﻠﯩﺪﻩ ﺷﯘﻧﺪﺍﻕ ﺋﻮﻳﻼﻳﯩﺘﺘﻰ: ﻛﻪﻟﮕﯜﺳﯩﺪﻩﻧﯧﻤﯩﺸﻘﺎ ﻳﺎﺧﺸﯩﺮﺍﻕ ﺧﯩﺰﻣﻪﺕ ﺗﯧﭙﯩﺸﯩﻢ ﻛﯧﺮﻩﻙ? ﻣﻪﻥ ﻧﯧﻤﯩﺸﻘﺎ ﺑﺎﺷﻘﯩﻼﺭﻧﻰ ﻳﺎﺧﺸﻰ ﺧﯩﺰﻣﻪﺕ ﺋﻮﺭﻧﻰ ﺑﯩﻠﻪﻥ ﺗﻪﻣﯩﻨﻠﯩﻤﻪﻳﻤﻪﻥ?
ﺷﯘﻧﺪﺍﻕ ﻗﯩﻠﯩﭗ ﺷﯘ ﯞﺍﻗﯩﺘﺘﯩﻦ ﺑﺎﺷﻼﭖ, ﻛﯩﭽﯩﻚ ﺧﯘﺍﯕﺸﻰ ﺋﯚﺯﯨﮕﻪ ﺋﯩﮕﯩﻠﯩﻚ ﺗﯩﻜﻠﻪﭖ ﺧﻮﺟﺎﻳﯩﻦ ﺑﻮﻟﯘﺵ – ﺗﯩﻦ ﺋﯩﺒﺎﺭﻩﺕ ﻧﯩﺸﺎﻥ ﺑﻪﻟﮕﯩﻠﯩﮕﻪﻥ. ﺑﯘ ﻧﯩﺸﺎﻧﻨﻰ ﺋﺎﻳﺪﯨﯖﻼﺷﺘﯘﺭﻏﺎﻧﺪﯨﻦ ﻛﯩﻴﯩﻦ, ﺧﯘﺍﯕﺸﻰ ﺳﻪﻣﯩﻤﯩﻴﻠﯩﻚ ﺑﯩﻠﻪﻥ ﺋﯩﺰﭼﯩﻞ ﺗﯩﺮﯨﺸﻘﺎﻥ. ﺋﺎﻟﯩﻲ ﻣﻪﻛﺘﻪﭘﺘﯩﻜﻰ ﯞﺍﻗﺘﯩﺪﺍ, ﺋﯘ ﺋﯩﮕﯩﻠﯩﻚ ﺗﯩﻜﻠﻪﺷﻜﻪ ﻣﯘﻧﺎﺳﯩﯟﻩﺗﻠﯩﻚ ﺋﯘﭼﯘﺭ ﯞﻩ ﭘﯘﺭﺳﻪﺗﻠﻪﺭﮔﻪ ﺩﯨﻘﻘﻪﺕ ﻗﯩﻠﯩﺸﻘﺎ ﺑﺎﺷﻼﻳﺪﯗ. ﺋﯘ ﺋﻮﻗﯘﯞﺍﺗﻘﺎﻥ ﺟﯘﯕﺸﻪﻥ ﺋﯘﻧﯩﯟﯦﺮﺳﯩﺘﯩﺘﯩﺪﺍ ﻧﯘﺭﻏﯘﻧﻠﯩﻐﺎﻥ ﭼﻪﺗﺌﻪﻟﻠﯩﻚ ﺋﻮﻗﯘﻏﯘﭼﯩﻼﺭ ﺑﻮﻟﯘﭖ,ﺧﯘﺍﯕﺸﻰ ﺑﯘﻧﯩﯖﺪﯨﻦ ﭘﺎﻳﺪﯨﻠﯩﻨﯩﭗ ﺟﯘﯕﮕﻮ ﯞﻩ ﭼﻪﺗﺌﻪﻟﻠﯩﻚ ﺋﻮﻗﯘﻏﯘﭼﯩﻼﺭﻏﺎ ﺋﯚﺯ – ﺋﺎﺭﺍ ﺗﯩﻞ ﺋﯚﮔﯩﻨﯩﺪﯨﻐﺎﻥ ﺳﻪﮪﻨﻪ ﮪﺎﺯﯨﺮﻻﭖ, ﺋﯘﻻﺭﻧﻰ ﺗﯩﻞ ﺋﯚﮔﯩﻨﯩﺸﻨﯩﯔ ﺋﻪﯓ ﻳﺎﺧﺸﻰ ﺋﯘﺳﯘﻟﻰ ﺑﯩﻠﻪﻥ ﺗﻪﻣﯩﻨﻠﻪﺷﻨﻰ ﺋﻮﻳﻼﻳﺪﯗ.
ﺋﻪﻣﺪﯨﻼ ﺋﺎﻟﯩﻲ ﻣﻪﻛﺘﻪﭘﻨﯩﯔ ﺋﯩﻜﻜﯩﻨﭽﻰ ﻳﯩﻠﻠﯩﻘﻘﺪﺍ ﺋﻮﻗﯘﯞﺍﺗﻘﺎﻥ ﺧﯘﺍﯕﺸﻰ ﺋﺎﻣﯧﺮﯨﻜﺎ ﯞﻩ ﯞﯦﻨﮕﯩﺮﯨﻴﻪﻟﯩﻚ ﺋﻮﻗﯘﻏﯘﭼﯩﻼﺭ ﺑﯩﻠﻪﻥ ﺑﯩﺮﻟﯩﺸﯩﭗ ﺟﯘﯕﮕﻮ – ﭼﻪﺗﺌﻪﻝ ﺋﺎﻟﯩﻲ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﻯ ﺑﯩﺮﻟﻪﺷﻤﻪﻛﯘﻟﯘﺑﯩﻨﻰ ﻗﯘﺭﯗﭖ ﭼﯩﻘﯩﺪﯗ .ﺑﯘ ﻛﯘﻟﯘﺏ ﺋﻪﻳﻨﻰ ﯞﺍﻗﯩﺘﺘﺎ ﺟﯘﯕﺸﻪﻥ ﺋﯘﻧﯩﯟﯦﺮﺳﯩﺘﯩﺘﯩﺪﺍ ﺧﯧﻠﻰ ﺯﻭﺭ ﺗﻪﺳﯩﺮ ﻗﻮﺯﻏﺎﻳﺪﯗ. ﻛﯘﻟﯘﺑﻨﯩﯔ ﻧﺎﻣﯩﻨﻰ ﺋﺎﯕﻼﭖ ﺗﯩﺰﯨﻤﻠﯩﺘﯩﺸﻘﺎ ﻛﻪﻟﮕﻪﻥ ﺋﻮﻗﯘﻏﯘﭼﯩﻼﺭﻧﯩﯔ ﺋﺎﻳﯩﻐﻰ ﺋﯜﺯﯛﻟﻤﻪﻱ 3000 ﺩﯨﻦ ﻛﯚﭘﺮﻩﻙ ﺋﺎﺩﻩﻡ ﺋﻪﺯﺍ ﺑﻮﻟﯩﺪﯗ, ﮪﻪﻣﺪﻩ ﺋﻮﻗﯘﻏﯘﭼﯩﻼﺭﺗﺎﭘﺸﯘﺭﻏﺎﻥ ﺋﻪﺯﺍﻟﯩﻖ ﮪﻪﻗﻘﻰ ﺧﯘﺍﯕﺸﯩﻨﯩﯔ ﺋﯩﮕﯩﻠﯩﻚ ﺗﯩﻜﻠﻪﺵ ﮪﺎﻳﺎﺗﯩﺪﯨﻜﻰ ﺗﯘﻧﺠﻰ ﻣﻪﺑﻠﯩﻐﻰ ﺑﻮﻟﯩﺪﯗ.
ﺧﯘﺍﯕﺸﻰ ﺋﯜﭺ ﻳﯩﻞ ﯞﺍﻗﯩﺖ ﺳﻪﺭﭖ ﻗﯩﻠﯩﭗ ﺟﯘﯕﺸﻪﻥ ﺋﯘﻧﯩﯟﯦﺮﺳﯩﺘﯩﺘﯩﻨﯩﯔ ﺋﯚﺯﻟﯜﻛﯩﺪﯨﻦ ﺋﯚﮔﯩﻨﯩﺶ ﺗﻮﻟﯘﻕ ﻛﯘﺭﺳﯩﻨﻰ ﺗﺎﻣﺎﻣﻼﭖ, ﺋﯩﮕﯩﻠﯩﻚ ﺗﯩﻜﻠﻪﺵ ﻗﻪﺩﯨﻤﯩﻨﻰ ﺑﺎﺳﯩﺪﯗ ﮪﻪﻣﺪﻩ ﺋﯚﺯﯨﻨﯩﯔ ﺋﯩﮕﯩﻠﯩﻚ ﺗﯩﻜﻠﻪﺵ ﺳﻪﭘﯩﺮﯨﻨﻰ ﺑﺎﺷﻼﻳﺪﯗ.
ﺋﯜﭺ ﻳﯩﻠﺪﯨﻦ ﻛﯩﻴﯩﻦ, ﺧﯘﺍﯕﺸﯩﻨﯩﯔ ﺩﺍﻧﺎﻻﺭﭼﻪ ﺭﻩﮪﺒﻪﺭﻟﯩﻜﻰ ﺋﺎﺳﺘﯩﺪﺍ, ﺋﯘ ﺋﯚﺯ ﻗﻮﻟﻰ ﺑﯩﻠﻪﻥ ﻗﯘﺭﯗﭖ ﭼﯩﻘﻘﺎﻥ ﺷﯧﯖﻔﺎﯓ ﻣﻪﺩﻩﻧﯩﻴﻪﺕ ﺗﺎﺭﻗﯩﺘﯩﺶ ﭼﻪﻛﻠﯩﻚ ﺷﯩﺮﻛﯩﺘﻰ ﮔﯘﺍﯕﺠﯘ ﺷﻪﮪﯩﺮﯨﻜﻰ ﺋﻮﻥ ﭼﻮﯓ ﻣﯘﻧﻪﯞﯞﻩﺭﺧﻪﻟﻘﺌﺎﺭﺍﻟﯩﻖ ﻣﻮﺩﯨﻞ ﺷﯩﺮﻛﯩﺘﯩﻨﯩﯔ ﺑﯩﺮﻯ ﺑﻮﻟﯘﭖ ﻗﺎﻟﯩﺪﯗ.
ﺩﯗﻧﻴﺎﻏﺎ ﺩﺍﯕﻠﯩﻖ ﺗﯩﺰ ﺗﺎﻣﺎﻗﺨﺎﻧﺎ ﻣﻪﻛﺪﻭﻧﺎﻟﺪﻧﯩﯔ ﻗﯘﺭﻏﯘﭼﯩﺴﻰ ﺋﯩﻠﮕﯩﺮﻯ ﺋﯚﺯﯨﻨﯩﯔ ﻣﯘﯞﻩﭘﭙﻪﻗﯩﻴﯩﺘﯩﻨﻰ ﺧﯘﻻﺳﯩﻠﯩﮕﻪﻧﺪﻩ: «ﺑﯩﺮ ﺋﺎﺩﻩﻡ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﯩﺸﻨﻰ ﺋﻮﻳﻠﯩﺴﺎ ﭼﻮﻗﯘﻡ ﺋﯩﻜﻜﻰ ﺧﯩﻞ ﺳﯜﭘﻪﺗﻨﻰ ﮪﺎﺯﯨﺮﻟﯩﺸﻰ ﻛﯧﺮﻩﻙ, ﺑﯩﺮﻯ ﻧﯩﺸﺎﻧﻰ ﺋﯧﻨﯩﻖ ﺑﻮﻟﯘﺵ, ﻳﻪﻧﻪ ﺑﯩﺮﻯ ﻛﯜﭼﻠﯜﻙ ﺋﯩﺮﺍﺩﯨﺴﻰ ﺑﻮﻟﯘﺵ ﻛﯧﺮﻩﻙ.» ﺩﯨﮕﻪﻥ. ﺧﯘﺍﯕﺸﯩﻨﯩﯔ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﯩﭗ ﺑﺎﻳﻼﺭﻏﺎ ﺋﺎﻳﻠﯩﻨﯩﺸﯩﺪﯨﻜﻰ ﺳﻪﯞﻩﺏ, ﺋﯘﻧﯩﯔ ﺋﯧﻨﯩﻖ ﻧﯩﺸﺎﻧﯩﻨﯩﯔ ﺑﻮﻟﻐﺎﻧﻠﯩﻘﯩﺪﺍ, ﮪﻪﻣﺪﻩ ﺋﯚﺯ ﻧﯩﺸﺎﻧﯩﻐﺎ ﻗﺎﺭﺍﭖ ﺗﻮﺧﺘﯩﻤﺎﺳﺘﯩﻦ ﻛﯚﺭﻩﺵ ﻗﯩﻠﻐﺎﻧﻠﯩﻘﯩﺪﺍ. ﻧﯩﺸﺎﻧﻰ ﺋﯧﻨﯩﻖ ﺑﻮﻟﻐﺎﭼﻘﺎ, ﺧﯘﺍﯕﺸﻰ ﺋﯚﺯﯨﻨﯩﯔ ﻛﯚﺭﻩﺵ ﻧﯩﺸﺎﻧﻰ ﯞﻩﻣﺎﯕﯩﺪﯨﻐﺎﻥ ﻳﻮﻟﯩﻨﻰ ﻛﻪﺳﻜﯩﻦ ﻗﺎﺭﺍﺭ ﻗﯩﻼﻟﯩﻐﺎﻥ; ﺋﺎﻛﺘﯩﭙﻠﯩﻖ ﺑﯩﻠﻪﻥ ﺋﯩﮕﯩﻠﯩﻚ ﻳﺎﺭﯨﺘﯩﺪﯨﻐﺎﻥ ﭘﯘﺭﺳﻪﺗﻨﻰ ﺋﯩﺰﻟﯩﮕﻪﻥ; ﻧﯩﺸﺎﻧﻰ ﺋﯧﻨﯩﻖ ﺑﻮﻟﻐﺎﭼﻘﺎ,ﺧﯘﺍﯕﺸﻰ ﺋﯚﺯﯨﻨﯩﯔ ﺷﯩﺮﻛﯩﺘﯩﻨﻰ ﻗﯘﺭﯗﭖ, ﺑﺎﺷﻘﯩﻼﺭﻏﺎ ﺧﯩﺰﻣﻪﺕ ﭘﯘﺭﺳﯩﺘﻰ ﺗﻪﻣﯩﻨﻠﯩﻴﻪﻟﯩﮕﻪﻥ.
ﺷﯘﻧﯩﯖﺪﯨﻦ ﻛﯚﺭﯛﯞﺍﻟﻐﯩﻠﻰ ﺑﻮﻟﯩﺪﯗﻛﻰ, ﺑﺎﻳﻠﯩﻘﻘﺎ ﺋﯧﺮﯨﺸﯩﭗ ﺑﺎﻳﻼﺭﻏﺎ ﺋﺎﻳﻠﯩﻨﯩﺸﻨﻰ ﺋﻮﻳﻠﯩﻐﺎﻧﺪﺍ, ﺋﺎﯞﯞﺍﻝ ﺋﯚﺯﯨﻨﯩﯔ ﻧﯩﺸﺎﻧﯩﻨﻰ ﺋﯧﻨﯩﻖ ﺋﺎﻳﺪﯨﯖﻼﺷﺘﯘﺭﯞﯦﻠﯩﺶ, ﺋﯚﺯﯨﻨﯩﯔ ﻧﯧﻤﻪ ﺋﯩﺶ ﻗﯩﻠﯩﺪﯨﻐﺎﻧﻠﯩﻘﯩﻨﻰ,ﻗﺎﻧﺪﺍﻕ ﺋﺎﺩﻩﻡ ﺑﻮﻟﻤﺎﻗﭽﻰ ﺋﯩﻜﻪﻧﻠﯩﻜﯩﻨﻰ ﺑﯩﻠﯩﺶ ﻛﯧﺮﻩﻙ. ﭘﻪﻗﻪﺕ ﻧﯩﺸﺎﻥ ﺋﯧﻨﯩﻖ ﺑﻮﻟﻐﺎﻧﺪﯨﻼ,ﻧﺎﻣﺮﺍﺗﻠﯩﻘﺘﯩﻦ ﻗﯘﺗﯘﻟﯘﭖ ﺑﺎﻳﻼﺭﺩﯨﻦ ﺑﻮﻟﯘﺵ ﻳﻮﻟﯩﺪﺍ ﺗﯧﺨﯩﻤﯘ ﺗﯩﺰ, ﺗﯧﺨﯩﻤﯘ ﻳﯩﺮﺍﻗﻘﺎ ﻣﺎﯕﻐﯩﻠﻰ ﺑﻮﻟﯩﺪﯗ.
ﮪﻪﻗﯩﻘﻪﺗﻪﻥ,ﺑﯩﺮ ﺋﺎﺩﻩﻣﻨﯩﯔ ﮪﺎﻳﺎﺗﯩﺪﺍ ﺑﯩﺮ ﺋﯧﻨﯩﻖ ﻧﯩﺸﺎﻥ ﺑﻮﻟﯘﺷﻰ ﻛﯧﺮﻩﻙ, ﻧﯩﺸﺎﻥ ﺑﻮﻟﻐﺎﻥ ﺋﯩﻜﻪﻥ ﺋﯜﻣﯩﺪ ﺑﻮﻟﯩﺪﯗ, ﺋﯜﻣﯩﺪ ﺑﻮﻟﻐﺎﻥ ﺋﯩﻜﻪﻥ ﻛﯚﺭﻩﺵ ﻗﯩﻠﯩﺸﺘﯩﻜﻰ ﺗﯜﺭﺗﻜﯩﻠﯩﻚ ﻛﯜﭺ ﺑﻮﻟﯩﺪﯗ. ﺑﯩﺮ ﻧﯩﺸﺎﻧﺴﯩﺰ ﺋﺎﺩﻩﻡ ﺧﯘﺩﺩﻯ ﻳﻪﻟﻜﻪﻧﺴﯩﺰ ﻛﯧﻤﯩﮕﻪ ﺋﻮﺧﺸﺎﻳﺪﯗ, ﻣﻪﯕﮕﯜ ﺗﯩﻨﯩﻤﺴﯩﺰ ﻟﻪﻳﻠﯩﺴﯩﻤﯘ,ﻣﯘﯞﻩﭘﭙﻪﻗﯩﻴﻪﺗﻨﯩﯔ ﻗﯩﺮﻏﯩﻘﯩﻐﺎ ﻳﯩﺘﯩﺸﻰ ﻣﯘﻣﻜﯩﻦ ﺋﻪﻣﻪﺱ; ﺑﯩﺮ ﻧﯩﺸﺎﻧﻰ ﻳﻮﻕ ﺋﺎﺩﻩﻡ ﺧﯘﺩﺩﻯ ﻳﯩﭙﻰ ﺋﯜﺯﯛﻟﮕﻪﻥ ﻟﻪﮔﻠﻪﻛﻜﻪ ﺋﻮﺧﺸﺎﻳﺪﯗ, ﻧﯩﺸﺎﻧﻰ ﻳﻮﻕ, ﻧﻪﮔﻪ ﺑﯧﺮﯨﭗ ﻧﻪﺩﻩ ﺗﯘﺭﯗﺷﻨﻰ ﺑﯩﻠﻤﻪﻳﺪﯗ; ﺑﯩﺮﻧﯩﺸﺎﻧﺴﯩﺰ ﺋﺎﺩﻩﻡ ﺧﯘﺩﺩﻯ ﺑﺎﺷﺴﯩﺰ ﭼﯩﯟﯨﻨﻐﺎ ﺋﻮﺧﺸﺎﻳﺪﯗ, ﺷﯘ ﯞﻩﺟﯩﺪﯨﻦ ﺑﺎﻳﻠﯩﻖ ﻳﺎﺭﯨﺘﯩﺶ ﻳﻮﻟﯩﺪﺍ ﭼﻮﻗﯘﻡ ﻣﻪﻏﻠﯘﺑﯩﻴﻪﺗﻜﻪ ﺋﯘﭼﺮﺍﻳﺪﯗ.
ﺷﯘﻧﯩﯔ ﺋﯜﭼﯜﻥ, ﺋﻪﮔﻪﺭ ﺳﯩﺰ ﺑﺎﻳﻼﺭﺩﯨﻦ ﺑﻮﻟﻤﺎﻗﭽﻰ ﺑﻮﻟﺴﯩﯖﯩﺰ ﺑﯩﺮﯨﻨﭽﻰ ﻗﻪﺩﻩﻣﺪﻩ ﭼﻮﻗﯘﻡ ﺋﯚﺯﯨﯖﯩﺰﮔﻪ ﺑﯩﺮﺋﯧﻨﯩﻖ ﻧﯩﺸﺎﻥ ﺗﯘﺭﻏﯘﺯﯗﺷﯩﯖﯩﺰ ﻛﯧﺮﻩﻙ. ﻧﯩﺸﺎﻥ ﺑﻪﻟﮕﯩﻠﻪﻧﮕﻪﻧﺪﯨﻦ ﻛﯩﻴﯩﻦ, ﺑﻪﻟﮕﯩﻠﻪﻧﮕﻪﻥ ﻧﯩﺸﺎﻧﻐﺎ ﻗﺎﺭﺍﭖ ﺋﯩﺰﭼﯩﻞ ﻛﯚﺭﻩﺵ ﻗﯩﻠﯩﺶ ﻛﯧﺮﻩﻙ. ﭘﻪﻗﻪﺕ ﺷﯘﻧﺪﺍﻕ ﻗﯩﻠﻐﺎﻧﺪﯨﻼ, ﺳﯩﺰ ﺋﺎﺭﺯﯗ ﻗﯩﻠﻐﺎﻥ ﺑﺎﻳﻠﯩﻖ ﻗﻪﺳﯩﺮﯨﮕﻪ ﻛﯩﺮﻩﻟﻪﻳﺴﯩﺰ.
ﺑﺎﻳﻠﯩﻘﻨﯩﯔ ﺑﺎﻳﺎﻧﻰ :
ﺋﯧﻴﻨﯩﺸﺘﯩﻴﯩﻦ ﺋﯩﻠﮕﯩﺮﻯ ﻣﯘﻧﺪﺍﻕ ﺩﯨﮕﻪﻥ: «ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﯩﺸﺘﺎ ﺋﺎﯞﯞﺍﻝ ﻧﯩﺸﺎﻥ ﺋﯧﻨﯩﻖ ﺑﻮﻟﯘﺷﻰ ﻛﯧﺮﻩﻙ,ﺋﺎﻧﺪﯨﻦ ﺩﯨﻘﻘﻪﺗﻨﻰ ﻳﯩﻐﯩﭗ ﻧﯩﺸﺎﻧﻐﺎ ﻗﺎﺭﺍﭖ ﻛﯚﺭﻩﺵ ﻗﯩﻠﯩﺶ ﻛﯧﺮﻩﻙ.» .ﻧﺎﻣﺮﺍﺗﻼﺭﻧﯩﯔ ﺋﯩﺰﭼﯩﻞ ﻧﺎﻣﺮﺍﺕ ﺑﻮﻟﯘﺷﯩﺪﯨﻜﻰ ﺳﻪﯞﻩﺏ, ﺋﯘﻻﺭﺩﺍ ﻧﯩﺸﺎﻥ ﺑﻮﻟﻤﺎﺳﻠﯩﻘﻰ ﻳﺎﻛﻰ ﺋﯧﻨﯩﻖ ﻧﯩﺸﺎﻧﻨﯩﯔ,ﺗﯘﺭﻣﯘﺷﺘﯩﻜﻰ ﻛﯚﺭﻩﺵ ﻳﯚﻟﯩﻨﯩﺸﯩﻨﯩﯔ ﻛﻪﻣﭽﯩﻞ ﺑﻮﻟﻐﺎﻧﻠﯩﻘﯩﺪﺍ. ﺑﺎﻳﻼﺭﻧﯩﯔ ﮪﻪﻣﻤﯩﺴﯩﻨﯩﯔ ﺋﯧﻨﯩﻖ ﻧﯩﺸﺎﻧﻰ ﺑﻮﻟﯩﺪﯗ, ﺋﯘﻻﺭ ﮪﻪﺭ ﻗﺎﻧﺪﺍﻕ ﺋﯩﺸﻨﻰ ﻗﯩﻠﯩﺸﺘﯩﻦ ﺑﯘﺭﯗﻥ ﺋﯚﺯﯨﮕﻪ ﺋﯧﻨﯩﻖ ﻧﯩﺸﺎﻥ ﺗﯘﺭﻏﯘﺯﯨﺪﯗ, ﺋﺎﻧﺪﯨﻦ ﺑﻪﻟﮕﯩﻠﻪﻧﮕﻪﻥ ﻧﯩﺸﺎﻧﻐﺎ ﻗﺎﺭﺍﭖ ﮪﻪﺭﯨﻜﻪﺕ ﻗﯩﻠﯩﭗ, ﺋﺎﺧﯩﺮﯨﺪﺍ ﺑﺎﻳﻠﯩﻖ ﻣﯘﻧﺎﺭﯨﻨﯩﯔ ﭼﻮﻗﻘﯩﺴﯩﻐﺎ ﻳﯩﺘﯩﭗ ﺑﺎﺭﯨﺪﯗ.
<<ﻧﺎﻣﺮﺍﺗﻼﺭ ﻗﻮﻱ ﺗﻪﺑﯩﺌﻪﺗﻠﯩﻚ , ﺑﺎﻳﻼﺭ ﺑﯚﺭﻩ ﺗﻪﺑﯩﺌﻪﺗﻠﯩﻚ >> ﻧﺎﻣﻠﯩﻖ ﻛﯩﺘﺎﺑﻨﯩﯔ 1-ﻗﯩﯩﻤﯩﺪﯨﻦ ﺋﯧﻠﯩﻨﺪﻯ
