ئەقىدە قاشگەرلىكى شىركىتىدىن ئابلىكىم ئاۋۇت يازمىسى

ما جىنگۇي 马金贵-ئەر، تۇڭگان ، ئىسلام دىنىغا ئېتىقاد قىلىدۇ.

 شىنجاڭدا ئۈسۈپ يىتىلگەن دۆلەت دەرىجىلىك قاش ئويمىچىلىق ئۇستازى ، دۆلەت دەرجىلىك ھۈنەر سەنئەت ئۇستىسى  ، غەربى رايۇن خوتەن قاش ئويمىچىلىق ئۇسلۇبىنى بېيىتقۇچىلارنىڭ سەركىسى ، شىنجاڭ كەسپىي ئۇنىۋېرسىتىتىنىڭ فىراپپىسۇرى ، شىنجاڭ ئۈنچە-مەرۋايىت ، قاشتېشى  ئىلمىي جەمىئىتىنىڭ مۇئاۋىن باشلىقى ، شىنجاڭ ئۈنچە-مەرۋايىت ، قاشتېشى  سودا جەمىئىتىنىڭ مۇئاۋىن باشلىقى . شىنجاڭ يۈيۈەن قاشتېشى چەكلىك مەسئۇلىيەتشىركىتىنىڭ باش دىرىكتورى ما جىنگۇي ئەپەندىم 1947 -يىلى ئۈرۈمچىدە تۇغۇلۇپ چوڭ بولغان. 1964-يىلى 17 ياش ۋاقتىدا شىنجاڭ قاشتېشى ئويمىچىلىق زاۋۇتىغا خىزمەتكە كىرگەن.

2001-يىلدىن باشلاپ مەخسۇس ئىسلام ئۇسلوبىدىكى ئالتۇن،كۈمۈش،ياقۈت،مەرۋايىت....قاتارلىقلار بىلەن بىزەلگەن خوتەن قاش بۇيۇملارنى ئۇيۇشقا باشلىغان.

2004-يىلى 11- ئايدا دۆلەت ئۈنچە-مەرۋايىت،قاشتېشى زىننەت بۇيۇملىرى جەمىيىتى ئۆتكۈزگەن ‹‹ تىيەن گوڭ  天工杯›› لوڭقىسى كۆرگەزمىسىدە ئۇنىڭ ئويما ئەسەرلىرى مۇتەخەسىسلەرنىڭ يۇقىرى باھاسىغا ئىرىشىپ  ‹‹ تىيەنگوڭ لوڭقىسى 天工杯›› مۇكاپاتىغا ئىرىشكەن. 

شۇنىڭدىن تارتىپ ھازىرغىچە  ئۇ ‹‹ بەيخۇاجاڭ 中国玉石器百花奖›› ، ‹‹ تىيەنگوڭجاڭ 玉雕大师天工奖›› قاتارلىق دۆلەت دەرجىلىك ھۈنەر-سەنئەت ۋە خوتەن قاش ئويمىللىرىنى باھالاش پائالىيىتىدە ئوتتۇز نەچچە دانە ئالتۇن، كۈمۈش،مىس مىدالغا ۋە ئىجادىيەت مۇكاپاتلىرىغا ئىرىشكەن.

ئۇ غەربى يۇرت خوتەن قاش ئويمىچىلىق ئۇسلۇبىنى بېيىتىش ئۈچۈن يۈرەك قېنىنى سەرپ قىلغان ھەم نۇرغۇن تالانتلىق شاگىرتلانى يىتىشتۈرگەن.ئۇ ھازىر 60 ياشتىن ھالقاپ كەتكەن بولسىمۇ يەنىلا  ئۈرۈمچىدە  خوتەن قاش ئويمىچىلىق ئىجادىيىتى بىلەن شۇغۇللانماقتا.

بىز بۇ قۇلى گۈل، چىۋەر، دۆلەت دەرجىلىك خوتەن قاشتېشى ئويمىچى ئۇستىسىنىڭ ئۆمرىنىڭ ئۇزۇن بولىشىنى،تېخىمۇ كۆپ قابىل شاگىرتلارنى يىتىشتۈرىشىنى ،  يۇرتىمىزنىڭ خوتەن قاش مەدەنىيىتىنى تېخىمۇ بېيىتىشىنى تىلەيمىز.

ما ئۇستاز ئويغان خوتەن قاش ئويمىلار

ما ئۇستازنىڭ تۇرۇشلۇق ئورنى:ئۈرۈمچى شەھىرى شىنخۇا شىمالىي يولى 158-نۇمۇر