ﺋﻪﻗﯩﺪﻩ ﺟﺎﯞﺍﮪﯩﺮﺍﺕ ﺗﻮﺭﻯ ﻛﻪﺳﭙﻰ ﺟﻪﮪﻪﺗﺘﯩﻦ ﺗﻪﮪﺮﯨﺮﻟﯩﺪﻯ

ﻛﯚﻛﺘﺎﺭﻏﺎﻕ ﻗﺎﺵ 翡翠  fei cui

ﻳﯩﻐﯩﭗ ﺳﺎﻗﻼﺷﺘﺎ ﻳﻪﻧﯩﻼ «ﻗﻪﮪﺮﯨﺘﺎﻥ ﺳﻮﻏﯘﻕ»ﺗﺎ ﺗﯘﺭﯗﯞﺍﺗﻘﺎﻥ ﻛﯚﻛﺘﺎﺭﻏﺎﻕ ﻗﺎﺵ ﻣﻪﺑﻠﻪﻍ ﺳﯧﻠﯩﺸﻘﺎ ﻣﺎﺱ ﻛﯧﻠﻪﻣﺪﯗ?

ﺗﯧﯖﺸﯜﻥ ﺗﻮﺭﻯ ﻣﺎﻟﯩﻴﻪ ﺑﺎﺷﻘﯘﺭﯗﺵ ﺧﻪﯞﯨﺮﻯ, ﻧﯘﺭ ﺗﻮﺭﻯ ﺗﻪﺭﺟﯩﻤﯩﺴﻰ:

ﻛﯚﻛﺘﺎﺭﻏﺎﻕ ﻗﺎﺵ - ﻳﯧﺸﯩﻞ ﻗﺎﺵ ﺩﻩﭘﻤﯘ ﺋﺎﺗﯩﻠﯩﺪﯗ, ﺋﯘﻧﯩﯔ ﮔﯜﺯﻩﻟﻠﯩﻜﻰ ﻣﻪﺭﯞﺍﻳﯩﺘﻨﯩﯔ ﻳﯧﻘﯩﻤﻠﯩﻘﻠﯩﻘﯩﻐﯩﻤﯘ, ﺋﺎﻟﻤﺎﺳﻨﯩﯔ ﺋﯩﺘﺘﯩﻜﻠﯩﻜﯩﻤﯘ ﺋﻮﺧﺸﯩﻤﺎﻳﺪﯗ, ﺋﯘ ﺧﯘﺩﺩﻯ ﺑﯩﺮ ﺳﯜﺯﯛﻙ ﺑﯘﻻﻗﻘﺎ ﺋﻮﺧﺸﺎﺵ, ﻛﯩﺸﯩﻨﯩﯔ ﻗﻪﻟﺒﯩﻨﻰ ﮪﯘﺯﯗﺭﻻﻧﺪﯗﺭﺍﻻﻳﺪﯗ. ﻣﯩﯔ, ﭼﯩﯔ ﺳﯘﻻﻟﯩﻠﯩﺮﯨﺪﯨﻦ ﺑﯘﺭﯗﻥ ﻛﯚﻛﺘﺎﺭﻏﺎﻕ ﻗﺎﺵ ﺋﺎﻧﭽﻪ ﺋﯧﺘﯩﺒﺎﺭﻏﺎ ﺋﯧﺮﯨﺸﻪﻟﻤﯩﮕﻪﻥ, ﻟﯧﻜﯩﻦ ﺑﯜﮔﯜﻧﻜﻰ ﻛﯜﻧﮕﻪ ﻛﻪﻟﮕﻪﻧﺪﻩ ﻛﯚﻛﺘﺎﺭﻏﺎﻕ ﻗﺎﺵ  «ﻗﺎﺵ - ﺗﺎﺵ ﺷﺎﮪﻰ» ﺩﯦﮕﻪﻥ ﻧﺎﻣﯩﻐﺎ ﻻﻳﯩﻘﻼﺷﺘﻰ. 2002- ﻳﯩﻠﯩﺪﯨﻦ ﺑﺎﺷﻼﻧﻐﺎﻥ 10 ﻳﯩﻞ ﺩﺍﯞﺍﻣﯩﺪﺍ ﻛﯚﻛﺘﺎﺭﻏﺎﻕ ﻗﺎﺵ ﻳﯩﻐﯩﭗ ﺳﺎﻗﻼﺵ ﯞﻩ ﻣﻪﺑﻠﻪﻍ ﺳﯧﻠﯩﺸﺘﯩﻜﻰ ﭼﻮﯓ ﻗﯩﺰﯨﻖ ﻧﯘﻗﺘﺎ ﺑﻮﻟﯘﭖ ﻗﺎﻟﻐﺎﻥ, ﺑﺎﮪﺎﺳﯩﻤﯘ ﺋﯚﺭﻟﻪﭘﻼ ﻣﺎﯕﻐﺎﻧﻜﻰ ﭼﯜﺷﯜﭖ ﻛﻪﺗﻤﯩﮕﻪﻥ. ﻟﯧﻜﯩﻦ 2012- ﻳﯩﻠﯩﻐﺎ ﻛﻪﻟﮕﻪﻧﺪﻩ ﻛﯚﻛﺘﺎﺭﻏﺎﻕ ﻗﺎﺷﻨﯩﯔ  ﺑﺎﮪﺎﺳﻰ ﺧﯘﺩﺩﻯ ﺋﯧﺘﯩﭗ ﭼﯜﺷﯜﺭﯛﻟﮕﻪﻥ ﺋﺎﻳﺮﻭﭘﯩﻼﻥ ﺳﯩﺒﯩﺮﯨﻴﻪﮔﻪ ﭼﯜﺷﯜﭖ ﻛﯧﺘﯩﭗ ﭘﺎﭼﺎﻗﻠﯩﻨﯩﭗ ﻛﻪﺗﻜﻪﻧﺪﻩﻙ «ﻗﻪﮪﺮﯨﺘﺎﻥ ﺳﻮﻏﯘﻕ»ﻗﺎ ﭼﯜﺷﯜﭖ ﻗﺎﻟﻐﺎﻥ. ﺋﯘﻧﺪﺍﻗﺘﺎ ﻛﯚﻛﺘﺎﺭﻏﺎﻕ ﻗﺎﺷﻨﯩﯔ ﺑﺎﮪﺎﺳﻰ ﻧﯧﻤﯩﺸﻘﺎ ﺑﯘﻧﺪﺍﻕ ﻗﺎﺗﺘﯩﻖ ﺋﯚﺳﯜﭖ ﻗﺎﺗﺘﯩﻖ ﭼﯜﺷﯜﭖ ﻛﯧﺘﯩﺪﯗ? ﮪﺎﺯﯨﺮ ﻛﯚﻛﺘﺎﺭﻏﺎﻕ ﻗﺎﺷﻘﺎ  ﻣﻪﺑﻠﻪﻍ ﺳﯧﻠﯩﺸﻘﺎ ﻳﻪﻧﯩﻼ ﻣﺎﺱ ﻛﯧﻠﻪﻣﺪﯗ? ﺑﯜﮔﯜﻧﻜﻰ «ﺑﺎﻳﻠﯩﻖ ﻳﻮﺷﯘﺭﯗﻧﻐﺎﻥ ﺧﻪﺭﯨﺘﻪ»ﻧﯩﯔ ﺑﯘ ﺳﺎﻧﯩﺪﺍ ﺳﯩﺰ ﺑﯩﻠﻪﻥ ﺑﯘ «ﺋﻪﺳﻪﺑﯩﻴﻠﻪﺷﻜﻪﻥ ﻗﺎﺵ»ﻧﻰ ﺑﯩﻠﻠﻪ ﺋﺎﻧﺎﻟﯩﺰ ﻗﯩﻠﯩﭗ ﺑﺎﻗﺎﻳﻠﻰ.

ﻛﯚﻛﺘﺎﺭﻏﺎﻕ ﻗﺎﺵ - ﻗﺎﺷﺘﯧﺸﯩﻨﯩﯔ ﺑﯩﺮ ﺧﯩﻠﻰ ﺑﻮﻟﯘﭖ, ﺋﯘ ﺑﯩﺮﻣﺎ ﻗﺎﺷﺘﯧﺸﻰ ﻳﺎﻛﻰ ﻗﺎﺗﺘﯩﻖ ﻗﺎﺵ ﺩﻩﭘﻤﯘ ﺋﺎﺗﯩﻠﯩﺪﯗ. ﺋﻪﯓ ﺑﯘﺭﯗﻥ, ﺧﻪﻥ ﺳﯘﻻﻟﯩﺴﻰ ﺩﻩﯞﺭﯨﺪﻩ ﺋﯧﻠﯩﻤﯩﺰﮔﻪ ﺋﺎﻧﺪﺍ-ﺳﺎﻧﺪﺍ ﻛﯚﻛﺘﺎﺭﻏﺎﻕ ﻗﺎﺵ ﺋﯧﻘﯩﭗ ﻛﯩﺮﮔﻪﻥ, ﻣﯩﯔ ﺳﯘﻻﻟﯩﺴﻰ ﺩﻩﯞﺭﯨﺪﻩ ﺋﺎﺯ ﻣﯩﻘﺪﺍﺭﺩﺍ ﺗﯜﺭﻛﯜﻣﻠﻪﭖ ﻛﯩﺮﮔﯜﺯﯛﻟﮕﻪﻥ, ﻣﯩﯔ, ﭼﯩﯔ ﺳﯘﻻﻟﯩﻠﯩﺮﻯ ﺩﻩﯞﺭﯨﺪﻩ ﻛﯚﻛﺘﺎﺭﻏﺎﻕ ﻗﺎﺷﺘﯩﻦ ﻳﺎﺳﺎﻟﻐﺎﻥ ﮪﯜﻧﻪﺭ-ﺳﻪﻧﺌﻪﺕ ﺑﯘﻳﯘﻣﻠﯩﺮﻯ ﺑﯩﺮ ﻣﻪﮪﻪﻝ ﺋﯩﻨﺘﺎﻳﯩﻦ ﻣﻮﺩﺍ ﺑﻮﻟﻐﺎﻥ, ﻟﯧﻜﯩﻦ ﺋﺎﻧﭽﻪ ﺩﯨﻘﻘﻪﺗﻨﻰ ﻗﻮﺯﻏﯩﻴﺎﻟﻤﯩﻐﺎﻥ ﺑﻮﻟﻐﺎﭼﻘﺎ ﺑﺎﮪﺎﺳﻰ ﺋﻪﻣﻪﻟﯩﻴﻪﺗﺘﻪ ﺋﺎﻧﭽﻪ ﻗﯩﻤﻤﻪﺕ ﺑﻮﻟﻤﯩﻐﺎﻥ. ﻳﯧﻘﯩﻨﻘﻰ ﯞﻩ ﮪﺎﺯﯨﺮﻗﻰ ﺯﺍﻣﺎﻧﻐﺎ ﻛﻪﻟﮕﻪﻧﺪﻩ ﻛﯚﭘﭽﯩﻠﯩﻜﻨﯩﯔ ﻛﯩﺮﯨﻤﯩﻨﯩﯔ ﺋﯧﺸﯩﺸﻰ ﯞﻩ ﺗﯘﺭﻣﯘﺵ ﺳﻪﯞﯨﻴﯩﺴﯩﻨﯩﯔ ﻳﯘﻗﯩﺮﻯ ﻛﯚﺗﯜﺭﯛﻟﯜﺷﯩﮕﻪ ﺋﻪﮔﯩﺸﯩﭗ, ﺋﯜﻧﭽﻪ- ﻣﻪﺭﯞﺍﻳﯩﺖ, ﺯﯨﻨﻨﻪﺕ ﺑﯘﻳﯘﻣﻠﯩﺮﯨﻐﺎ ﺑﻮﻟﻐﺎﻥ ﺋﯧﮭﺘﯩﻴﺎﺟﻰ ﺋﯜﺯﻟﯜﻛﺴﯩﺰ ﺋﯚﺭﻟﯩﮕﻪﻧﻠﯩﻜﻰ ﺳﻪﯞﻩﺑﯩﺪﯨﻦ, ﭘﺎﺭﻗﯩﺮﺍﻕ ﯞﻩ ﺳﯜﺯﯛﻙ, ﺷﻪﺭﻗﻨﯩﯔ ﺋﯚﺯﮔﯩﭽﻪ ﺳﯩﺮﻟﯩﻖ ﺧﯩﺴﻠﯩﺘﯩﮕﻪ ﺋﯩﮕﻪ ﺑﻮﻟﻐﺎﻥ ﺯﯗﻣﺮﻩﺕ ﺗﯧﺸﻰ ﺋﻪﮪﻤﯩﻴﻪﺕ ﺑﯧﺮﯨﺸﻜﻪ ﺋﯧﺮﯨﺸﻜﻪﻥ, ﻳﻪﻧﻪ ﻛﯧﻠﯩﭗ ﻗﯧﺰﯨﺶ, ﭘﯩﺸﺸﯩﻘﻼﭖ ﺋﯩﺸﻠﻪﺵ ﺑﺎﮪﺎﺳﯩﻨﯩﯔ ﺋﯚﺭﻟﻪﭖ ﻛﯧﺘﯩﺸﻰ, ﻛﯚﻛﺘﺎﺭﻏﺎﻕ ﻗﺎﺵ ﺋﯚﺯﯨﻨﯩﯔ ﻗﺎﻳﺘﺎ ﮪﺎﺳﯩﻞ ﺑﻮﻟﻤﺎﺳﻠﯩﻖ ﺧﯘﺳﯘﺳﯩﻴﯩﺘﯩﮕﻪ ﺋﻪﮔﯩﺸﯩﭗ, ﺋﯘﻧﯩﯔ ﺑﺎﮪﺎﺳﯩﻤﯘ ﺧﯘﺩﺩﻯ «ﺳﯘ ﺋﯘﻟﻐﺎﻳﺴﺎ ﻛﯧﻤﻪ ﻛﯚﺗﯜﺭﯛﻟﯩﺪﯗ» ﺩﯦﮕﻪﻧﺪﻩﻙ ﺗﻪﺑﯩﺌﯩﻴﻼ ﻳﯘﻗﯩﺮﻯ ﻛﯚﺗﯜﺭﯛﻟﮕﻪﻥ.

ﻳﯘﻗﯩﺮﯨﻘﻰ ﺳﯜﺭﻩﺗﺘﻪ: ﺑﯧﻴﺠﯩﯔ ﺑﺎﯞﻟﻰ 2013- ﻳﯩﻠﻠﯩﻖ ﺋﻪﺗﯩﻴﺎﺯﻟﯩﻖ ﻛﯩﻤﺌﺎﺭﺗﯘﻕ ﻗﯩﻠﯩﭗ ﺳﯧﺘﯩﺶ ﭘﺎﺋﺎﻟﯩﻴﯩﺘﯩﺪﻩ ﺗﻪﺑﯩﺌﯩﻲ ﻛﯚﻛﺘﺎﺭﻏﺎﻕ ﻗﺎﺵ ﺯﻩﻧﺠﯩﺮﻧﯩﯔ ﭘﯜﺗﯜﺷﯜﺵ ﺑﺎﮪﺎﺳﻰ 8 ﻣﯩﻠﻴﻮﻥ 625 ﻣﯩﯔ ﻳﯜﻩﻥ ﺑﻮﻟﻐﺎﻥ.

2002-ﻳﯩﻠﯩﺪﯨﻦ ﺑﺎﺷﻼﭖ, ﺩﯙﻟﻪﺕ ﺋﯩﭽﯩﺪﯨﻜﻰ ﻛﯚﻛﺘﺎﺭﻏﺎﻕ ﻗﺎﺵ ﺑﺎﺯﯨﺮﯨﺪﺍ ﻛﯚﺭﯛﻟﮕﻪﻥ ﺋﻪﺳﻪﺑﯩﻴﻠﯩﻚ ﺋﺎﺩﻩﻣﻠﻪﺭﻧﻰ ﺋﯩﯖﯩﻜﻰ ﭼﯜﺷﯜﭖ ﻗﺎﻟﻐﯘﺩﻩﻙ ﺩﻩﺭﯨﺠﯩﺪﻩ ﮪﻪﻳﺮﺍﻥ ﻗﺎﻟﺪﯗﺭﻏﺎﻥ, ﻛﯚﻛﺘﺎﺭﻏﺎﻕ ﻗﺎﺷﻨﯩﯔ ﺑﺎﮪﺎﺳﻰ ﺧﯘﺩﺩﻯ ﺭﺍﻛﯧﺘﺎﻏﺎ ﺋﻮﻟﺘﯘﺭﻏﺎﻧﺪﻩﻙ ﺗﯜﺯ ﺳﯩﺰﯨﻖ ﺑﻮﻳﯩﭽﻪ ﻳﯘﻗﯩﺮﻯ ﺋﯚﺭﻟﻪﭖ ﻛﻪﺗﻜﻪﻥ. ﺋﯘﻧﯩﯔ ﺋﯩﭽﯩﺪﻩ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﻛﯚﻛﺘﺎﺭﻏﺎﻕ ﻗﺎﺵ (ﻳﯘﻗﯩﺮﻯ ﺳﯜﭘﻪﺗﻠﯩﻚ ﺗﻮﻟﯘﻕ ﺭﻩﯕﻠﯩﻚ ﻧﯩﯔ ﺑﺎﮪﺎﺳﻰ 400, 500 ﮪﻪﺳﺴﻪ ﺋﯚﺳﯜﭖ ﻛﻪﺗﻜﻪﻥ, ﺋﻮﺗﺘﯘﺭﺍ ﺩﻩﺭﯨﺠﯩﻠﯩﻚ ﻛﯚﻛﺘﺎﺭﻏﺎﻕ ﻗﺎﺵ (ﻳﯘﻗﯩﺮﻯ ﺳﯜﭘﻪﺗﻠﯩﻚ ﻳﺎﻛﻰ ﺗﯚﯞﻩﻥ ﺳﯜﭘﻪﺗﻠﯩﻚ ﻳﯘﻗﯩﺮﻯ ﺭﻩﯕﺪﺍﺭ)ﻧﯩﯔ ﺑﺎﮪﺎﺳﻰ ﻧﻪﭼﭽﻪ ﺋﻮﻥ ﮪﻪﺳﺴﻪ ﺋﯚﺭﻟﯩﮕﻪﻥ, ﺋﻮﺗﺘﯘﺭﺍ-ﺗﯚﯞﻩﻥ ﺩﻩﺭﯨﺠﯩﻠﯩﻚ ﻛﯚﻛﺘﺎﺭﻏﺎﻕ ﻗﺎﺵ (ﺑﯩﺮ ﻗﻪﺩﻩﺭ ﺗﯚﯞﻩﻥ ﺳﯜﭘﻪﺗﻠﯩﻚ ﺭﻩﯕﺴﯩﺰ ﻛﯚﻛﺘﺎﺭﻏﺎﻕ ﻗﺎﺵ )ﻧﯩﯔ ﺑﺎﮪﺎﺳﻰ ﺋﻮﻥ ﻧﻪﭼﭽﻪ ﮪﻪﺳﺴﻪ ﺋﯚﺭﻟﯩﮕﻪﻥ, ﺗﯚﯞﻩﻥ ﺩﻩﺭﯨﺠﯩﻠﯩﻚ ﻛﯚﻛﺘﺎﺭﻏﺎﻕ ﻗﺎﺷﻨﯩﯔ ﺑﺎﮪﺎﺳﯩﻤﯘ ﺑﯩﺮ ﻗﺎﻧﭽﻪ ﮪﻪﺳﺴﻪ ﺋﯚﺳﯜﭖ ﻛﻪﺗﻜﻪﻥ. ﺋﻪﺯﻩﻟﺪﯨﻦ ﮪﻪﺭ ﻗﺎﻧﺪﺍﻕ ﺑﯩﺮ ﺧﯩﻞ ﺗﺎﯞﺍﺭ ﻛﯚﻛﺘﺎﺭﻏﺎﻕ ﻗﺎﺷﻘﺎ ﺋﻮﺧﺸﺎﺵ ﺑﯘﻧﺪﺍﻕ ﻗﯩﺴﻘﯩﻐﯩﻨﺎ ﺋﻮﻥ ﻳﯩﻞ ﯞﺍﻗﯩﺖ ﺋﯩﭽﯩﺪﻩ ﺷﯘﻧﭽﯩﯟﺍﻻ ﻗﯩﻤﻤﻪﺗﻠﻪﭖ ﻛﯧﺘﯩﺶ ﺋﻪﮪﯟﺍﻟﻰ ﻛﯚﺭﯛﻟﯜﭖ ﺑﺎﻗﻤﯩﻐﺎﻥ.

ﻗﺎﺷﺘﯧﺸﯩﻨﯩﯔ ﺗﯜﺭﻟﯩﺮﻯ ﻧﺎﮪﺎﻳﯩﺘﻰ ﻛﯚﭖ ﺗﯘﺭﺳﺎ, ﻧﯧﻤﯩﮕﻪ ﺋﺎﺳﺎﺳﻪﻥ ﻛﯚﻛﺘﺎﺭﻏﺎﻕ ﻗﺎﺵ ﺭﺍﻛﯧﺘﺎﻏﺎ ﺋﻮﻟﺘﯘﺭﺍﻻﻳﺪﯗ? ﻣﻪﺩﻩﻧﯩﻴﻪﺕ ﺟﻪﮪﻪﺗﺘﯩﻦ ﻗﺎﺭﯨﻐﺎﻧﺪﺍ, ﺋﯧﻠﯩﻤﯩﺰ 8000 ﻳﯩﻠﻠﯩﻖ ﻗﺎﺷﺘﯧﺸﻰ ﻣﻪﺩﻩﻧﯩﻴﯩﺘﯩﮕﻪ ﺋﯩﮕﻪ ﺑﻮﻟﻐﺎﭼﻘﺎ, ﭘﺎﺩﯨﺸﺎﮪ, ﺑﻪﮒ- ﺗﯚﺭﻩ, ﺋﺎﻗﺴﯚﯕﻪﻛﻠﻪﺭﺩﯨﻦ ﺗﺎﺭﺗﯩﭗ ﺋﺎﺩﺩﯨﻲ ﭘﯘﻗﺮﺍﻻﺭﻏﯩﭽﻪ ﮪﻪﻣﻤﯩﺴﻰ ﻗﺎﺷﺘﯩﺸﯩﻨﻰ ﺋﯘﻟﯘﻏﻠﯩﻐﺎﻥ, ﻗﺎﺷﺘﯧﺸﯩﻨﻰ ﻳﺎﺧﺸﻰ ﻛﯚﺭﮔﻪﻥ ﯞﻩ ﺋﯘﻧﯩﯖﺪﯨﻦ ﮪﻮﺯﯗﺭﻻﻧﻐﺎﻥ ﺋﻪﻧﺌﻪﻧﯩﮕﻪ ﺋﯩﮕﻪ ﺑﻮﻟﻐﺎﻥ, ﺷﯘﻧﯩﯖﺪﻩﻙ ﻛﯚﻛﺘﺎﺭﻏﺎﻕ ﻗﺎﺵ ﺳﺎﭖ ﺭﻩﯕﮕﻰ, ﺷﻪﺭﻕ ﺋﻪﻟﻠﯩﺮﯨﻨﯩﯔ ﭘﯘﺭﯨﻘﻰ ﯞﻩ ﻗﺎﺗﺘﯩﻖ ﻣﺎﺗﯧﺮﯨﻴﺎﻟﻰ ﻗﺎﺗﺎﺭﻟﯩﻘﻼﺭ ﺑﯩﻠﻪﻥ ﻛﯩﺸﯩﻠﻪﺭﻧﯩﯔ ﻳﺎﺧﺸﻰ ﻛﯚﺭﯛﭖ ﻗﻮﻟﯩﺪﯨﻦ ﭼﯜﺷﯜﺭﻣﻪﺳﻠﯩﻜﯩﮕﻪ ﻣﯘﻳﻪﺳﺴﻪﺭ ﺑﻮﻟﻐﺎﻥ, ﺷﯘﯕﺎ ﻛﯚﻛﺘﺎﺭﻏﺎﻕ ﻗﺎﺷﻨﻰ ﻳﯩﻐﯩﭗ ﺳﺎﻗﻼﺷﻤﯘ ﺑﯩﺮ ﺧﯩﻞ ﻣﻮﺩﺍ ﻛﻪﻳﭙﯩﻴﺎﺗﯩﻐﺎ ﺋﺎﻳﻼﻧﻐﺎﻥ.

ﺑﺎﻳﻠﯩﻖ ﻣﻪﻧﺒﻪﺳﻰ ﺟﻪﮪﻪﺗﺘﯩﻦ ﻗﺎﺭﯨﻐﺎﻧﺪﺍ, ﺩﯗﻧﻴﺎﺩﯨﻜﻰ %90ﺗﯩﻦ ﺋﺎﺷﯩﺪﯨﻐﺎﻥ ﻛﯚﻛﺘﺎﺭﻏﺎﻕ ﻗﺎﺷﻨﯩﯔ ﮪﻪﻣﻤﯩﺴﻰ ﺑﯩﺮﻣﯩﺪﯨﻦ ﭼﯩﻘﯩﺪﯗ, ﺷﯘﻧﯩﯖﺪﻩﻙ ﻳﺎﭘﻮﻧﯩﻴﻪﻧﯩﯔ ﻧﯩﺌﯩﮕﺎﺗﺎ ﻧﺎﮪﯩﻴﻪﺳﻰ ﯞﻩ ﺷﯩﻤﺎﻟﯩﻲ ﻗﯘﺭﯗﻗﻠﯘﻕ ﺩﯦﯖﯩﺰ ﺑﻮﻳﻰ, ﮔﯟﺍﺗﯧﻤﺎﻻ, ﺋﺎﻣﯧﺮﯨﻜﺎ ﯞﻩ ﺭﯗﺳﯩﻴﻪﻟﻪﺭﺩﯨﻨﻤﯘ ﭼﯩﻘﯩﺪﯗ. ﭘﯜﺗﯜﻥ ﺩﯗﻧﻴﺎﺩﯨﻜﻰ ﺗﻪﻛﺸﯜﺭﯛﭖ ﺋﯧﻨﯩﻘﻼﻧﻐﺎﻥ ﻳﺎﻗﯘﺕ ﺩﻩﺭﯨﺠﯩﻠﯩﻚ ﻛﯚﻛﺘﺎﺭﻏﺎﻕ ﻗﺎﺷﻨﯩﯔ ﺧﺎﻡ ﺋﻪﺷﻴﺎﺳﻰ ﭘﻪﻗﻪﺕ ﺑﯩﺮﻣﯩﻨﯩﯔ ﺷﯩﻤﺎﻟﯩﻲ ﻗﯩﺴﻤﯩﺪﯨﻜﻰ ﻛﺎﭼﯩﻦ ﺋﯩﺸﺘﺎﺗﯩﻨﯩﯔ ﻣﻴﯩﺘﻜﯩﻨﺎ ﺭﺍﻳﻮﻧﯩﺪﯨﻦ ﭼﯩﻘﯩﺪﯗ. ﺑﯩﺮﻣﯩﻨﯩﯔ ﺑﺎﺷﻘﺎ ﺭﺍﻳﻮﻧﻠﯩﺮﯨﺪﯨﻦ ﭼﯩﻘﻘﺎﻥ ﻛﯚﻛﺘﺎﺭﻏﺎﻕ ﻗﺎﺵ ﺯﯨﻨﻨﻪﺕ ﺑﯘﻳﯘﻣﻠﯩﺮﻯ ﺧﺎﻡ ﺋﻪﺷﻴﺎﺳﻰ ﺑﻮﻟﯘﺵ ﺩﻩﺭﯨﺠﯩﺴﯩﮕﻪ ﻳﻪﺗﻤﻪﻳﺪﯗ, ﺋﯘﻧﯩﯔ ﺋﯜﺳﺘﯩﮕﻪ ﻛﯚﻛﺘﺎﺭﻏﺎﻕ ﻗﺎﺵ ﺋﺎﺯ ﺋﯘﭼﺮﺍﻳﺪﯨﻐﺎﻥ, ﻗﺎﻳﺘﺎ ﮪﺎﺳﯩﻞ ﺑﻮﻟﻤﺎﻳﺪﯨﻐﺎﻥ ﺗﻪﺑﯩﺌﯩﻲ ﺑﺎﻳﻠﯩﻘﻘﺎ ﺗﻪﯞﻩ ﺑﻮﻟﻐﺎﭼﻘﺎ, ﻣﻪﮪﺴﯘﻻﺕ ﻣﯩﻘﺪﺍﺭﻯ ﭼﻪﻛﻠﯩﻚ, ﺷﯘﯕﺎ ﺋﯜﺯﻟﯜﻛﺴﯩﺰ ﻗﯧﺰﯨﺸﻘﺎ ﺋﻪﮔﯩﺸﯩﭗ ﺋﯘﻧﯩﯔ ﻣﯩﻘﺪﺍﺭﻯ ﺑﺎﺭﻏﺎﻧﺴﯧﺮﻯ ﺋﺎﺯﻻﭖ ﻛﯧﺘﯩﺪﯗ, «ﻧﻪﺭﺳﻪ ﺋﺎﺯﻟﯩﻘﻰ ﺑﯩﻠﻪﻥ ﻗﯩﻤﻤﻪﺗﻠﯩﻚ ﺑﻮﻟﯘﺭ» ﺩﯦﮕﻪﻥ ﮔﻪﭖ ﺑﺎﺭ ﺋﻪﻣﻪﺳﻤﯘ?

ﺋﯘﻧﯩﯖﺪﯨﻦ ﻗﺎﻟﺴﺎ ﮪﯧﭽﻜﯩﻤﻨﯩﯔ ﺧﯩﻴﺎﻟﯩﻐﺎ ﻛﻪﻟﻤﻪﻳﺪﯨﻐﺎﻥ ﻳﻪﻧﻪ ﺑﯩﺮ ﻧﯘﻗﺘﺎ ﺑﺎﺭ, ﺋﯘ ﺑﻮﻟﺴﯩﻤﯘ ﺳﯩﻴﺎﺳﻪﺕ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ. ﻣﻪﺑﻠﻪﻍ ﺳﺎﻟﻐﯘﭼﯩﻼﺭﻏﺎ ﻧﯩﺴﺒﻪﺗﻪﻥ ﺋﯧﻴﺘﻘﺎﻧﺪﺍ, ﺑﺎﻳﻠﯩﻘﻨﯩﯔ ﯞﺍﺭﯨﺴﻠﯩﻖ ﻗﯩﻠﯩﻨﯩﺸﭽﺎﻧﻠﯩﻘﻰ ﺋﯩﻨﺘﺎﻳﯩﻦ ﻣﯘﮪﯩﻢ, ﻧﯚﯞﻩﺗﺘﯩﻜﻰ ﺋﯩﺠﺘﯩﻤﺎﺋﯩﻲ, ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺕ ﻣﻪﻟﯘﻡ ﺩﻩﺭﯨﺠﯩﮕﻪ ﻳﻪﺗﻜﻪﻧﺪﯨﻦ ﻛﯧﻴﯩﻦ ﯞﻩﺯﯨﻴﻪﺕ ﺋﯧﮭﺘﯩﻴﺎﺟﻰ ﺑﯩﻠﻪﻥ ﻣﯩﺮﺍﺱ ﺑﯧﺠﻰ ﺑﺎﺭﻟﯩﻘﻘﺎ ﻛﯧﻠﯩﺪﯗ. ﮪﺎﻟﺒﯘﻛﻰ ﻛﯚﻛﺘﺎﺭﻏﺎﻕ ﻗﺎﺷﻘﺎ ﺋﻮﺧﺸﺎﺵ ﺑﯘﻧﺪﺍﻕ ﻗﺎﺵ ﺋﺎﺩﻩﺗﺘﻪ ﻣﯩﺮﺍﺱ ﺑﯧﺠﻰ ﺋﯧﻠﯩﺶ ﺩﺍﺋﯩﺮﯨﺴﯩﮕﻪ ﻛﯩﺮﮔﯜﺯﯛﻟﻤﻪﻳﺪﯗ. ﺋﯘﻧﯩﯔ ﺋﯜﺳﺘﯩﮕﻪ ﻛﯚﻛﺘﺎﺭﻏﺎﻕ ﻗﺎﺷﻨﯩﯔ ﺑﺎﮪﺎﺳﻰ ﺋﺎﺩﻩﺗﺘﻪ ﺋﯘﺯﺍﻕ ﻳﯩﻠﻼﺭﻧﯩﯔ ﺋﯚﺗﯜﺷﯩﮕﻪ ﺋﻪﮔﯩﺸﯩﭗ ﺋﯚﺭﻟﻪﻳﺪﯨﻐﺎﻥ ﺑﻮﻟﻐﺎﭼﻘﺎ, ﺋﯘ ﻣﻪﺑﻠﻪﻍ ﺳﯧﻠﯩﺶ ﺗﯜﺭﻯ ﺑﻮﻟﯘﭖ ﻗﺎﻟﻐﺎﻥ. ﺋﯘﻧﯩﯖﺪﯨﻦ ﺑﺎﺷﻘﺎ ﺳﯩﻴﺎﺳﻪﺕ ﺟﻪﮪﻪﺗﺘﯩﻜﻰ ﺗﻪﯕﺸﻪﺵ ﯞﻩ ﻛﻮﻧﺘﺮﻭﻝ ﻗﯩﻠﯩﺸﻘﺎ ﺋﻪﮔﯩﺸﯩﭗ, ﺑﻪﺯﻯ ﻛﻪﺳﯩﭙﻠﻪﺭﺩﯨﻜﻰ ﻣﻪﺑﻠﻪﻍ ﺳﺎﻟﻐﯘﭼﯩﻼﺭ ﻧﻪﺯﯨﺮﯨﻨﻰ ﻛﯚﻛﺘﺎﺭﻏﺎﻕ ﻗﺎﺷﻘﺎ ﺗﯩﻜﻜﻪﻥ, ﺷﯘﯕﺎ ﺳﯧﻠﯩﻨﻐﺎﻥ ﻧﯘﺭﻏﯘﻥ ﻣﻪﺑﻠﻪﻏﻤﯘ ﻛﯚﻛﺘﺎﺭﻏﺎﻕ ﻗﺎﺵ ﺑﺎﮪﺎﺳﯩﻨﯩﯔ ﺗﯧﺰ ﺋﯚﺭﻟﻪﭖ ﻛﯧﺘﯩﺸﯩﮕﻪ ﺳﻪﯞﻩﺑﭽﻰ ﺑﻮﻟﻐﺎﻥ.