مەرۋايىت ھەققىدە دەسلەپكى چۈشەنچىلەر ( 1 )

ئەقىدە شىركىتى مەرۋايىت زىننەتلىرى بۆلىمىدىن ئادالەت ئابلىكىم يازمىسى

مەرۋايىت    ــــــــــــــــــــــــــــــــــــــ   دەريا-كۆل  ۋە دېڭىزلاردا ، قۇلۇلىنىڭ ( قۇلۇلە ھەققىدە ماقالىمىزنىڭ كېيىنكى قىسىملىرىدا مەخسۇس توختىلىمىز ) بەدىنىدە ئۆسىدىغان بىر خىل  يۇمىلاق تۇخۇمسىمان تەبىئىي كالتىسى كاربۇنات بېرىكمىسىدىن ئىبارەت .

مەرۋايىت  ــــــــــــــــــــــــــــــــــــــ   پۈتۈن دۇنيا خەلقى ئورتاق ياخشى كۆرىدىغان زىننەت بۇيۇمى بولۇش سۈپىتى بىلەن گۈزەللىك خانىشى دەپ تەرىپلىنىپ كەلمەكتە  ھەم دۆلەت خانىشلىرىدىن ئاۋام - پۇقراغىچە ھەممىلا ئادەمنىڭ ياخشى كۆرىشىگە ئېرىشكەن  ھەممىگە باب بىردىنبىر جاۋاھىرات سانالماقتا .

تەبىئىي مەرۋايىتنىڭ شەكلى كۆركەم ، رەڭ جۇلاسى ئۆزگىچە بولۇپ ئىنسانىيەت ئۇنى بايقىغاندىن تارتىپ ھازىرغىچە ئەتىۋارلىنىپ كېلىۋاتىدۇ .

مەرۋايىت  ــــــــــــــــــــــــــــــــــــــ   بىر تۈرلۈك ئورگانىك گۆھەر  ھېسابلىنىدۇ .  ئۇ سالامەتلىك ، پاكلىق ، بايلىق ، بەخت - سائادەتنىڭ سىمۋولى سۈپىتىدە ئۇزاق زامانلاردىن  بۇيان ئىنسانىيەتكە ھەمرا بولۇپ كەلمەكتە . تارىخىي مەنبەلەرگە ئاساسلانغاندا  دىيارىمىزدىكى لوپنۇر ، سايرام .... قاتارلىق كۆللەردىمۇ قۇلۇلە بار بولۇپ مەرۋايىت چىققانلىقى ھەققىدە بايانلار بار. لېكىن بۇ ھەقتە مەخسۇس تەتقىقات  نەتىجىلىرىدىن خەۋەرسىز بولغانلىقىمىز ئۈچۈن بۇ ھەقتە ھازىرچە كونكىرىتنى توختالمايمىز.

مەرۋايىت چىقىش ئورنىغا ئاساسەن تاتلىق سۇ مەرۋايىتى ( تاتلىق كۆل مەرۋايىتى ) ۋە تۇزلۇق سۇ مەرۋايىتى ( دېڭىز مەرۋايىتى ) دەپ ئىككى تۈرگە ئايرىلىدۇ.

ئۇيغۇرلارنىڭ مەرۋايىت ئىشلىتىش تارىخى ناھايىتى ئۇزۇن بولۇپ ، ئۇ خەلقىمىز ئۈچۈن ، سىرلىق ، يۇچۇن نەرسە ئەمەس .ئۇيغۇر خانىم-قىزلىرىمىزتارىختىن بۇيام مەرۋايىتنى قىممەت باھالىق زىننەت بۇيۇملىرى قاتارىدا ئىشلىتىپ كەلگەن ، ھازىرمۇ ئەتىۋارلاپ ئىشلەتمەكتە . مۇھىمى مەرۋايىت ئۇيغۇر تىبابىتىمىزدە كىم بولسا بولمايدىغان دورا ماتىريالى بولۇپ ، تارىختىن بۇيان ئىشلىتىلىپ كەلگەن ھەم ھازىرمۇ ئىشلىتىلىپ كېلىۋاتىدۇ.

يېقىنقى يىللاردىن بۇيان خەلقىمىزنىڭ تۇرمۇش سەۋىيەسىنىڭ ئۆسۈشى ، خانىم-قىزلىرىمىزنىڭ گۈزەللىككە بولغان ئىنتىلىشىنىڭ كۈچىيىشى بىلەن مەرۋايىت ئىشلىتىدىغان خېرىدارلارنىڭ سانى تېز كۆپەيمەكتە . بىراق بىر قىسىم مەككار تىجارەتچىلەر پۇرسەتنى غەنىمەت بىلىپ سۈنئىي ، تەقلىدى ، ساختا مەرۋايىتلارنى دىيارىمىزدا يۇقىرى باھادا ساتماقتا .

بازارلىرىمىزدىكى ئاددى كۆز بىلەن ئايرىش قىيىن بولغان ساختا مەرۋايىتلار

2015-يىلى 5-ئاينىڭ 23-كۈنى