ﻣﺎﻳﯜﻧﻨﯩﯔ ﺋﯩﮕﯩﻠﯩﻚ ﺗﯩﻜﻠﻪﺵ ﺩﻩﺭﺳﺨﺎﻧﯩﺴﻰ

ﺋﻮﻧﯩﻨﭽﻰ ﺩﻩﺭﺱ

ﺧﯧﺮﯨﺪﺍﺭﻧﯩﯔ ﺋﯧﮭﺘﯩﻴﺎﺟﯩﻨﻰ ﭼﯜﺷﯩﻨﯩﺶ ﮪﻪﻣﻤﯩﺪﯨﻦ ﻣﯘﮪﯩﻢ

10-ﺩﻩﺭﺱ 1-ﭘﺎﺭﯨﮕﯩﺮﺍﭖ

ﺧﯧﺮﯨﺪﺍﺭﻻﺭﻧﯩﯔ ﮪﻮﺭﯗﻧﻼﺭﺩﯨﻦ ﺋﯩﻜﻪﻧﻠﯩﻜﯩﮕﻪ ﺋﯩﺸﯩﻨﯩﺶ ﻛﯧﺮﻩﻙ

ﺋﺎﻟﻰ ﺑﺎﺑﺎﻧﯩﯔ ﻛﺎﺭﺧﺎﻧﺎ ﻣﻪﺩﻩﻧﯩﻴﯩﺘﯩﺪﻩ ﺑﯩﺮ ﻣﯘﮪﯩﻢ ﺋﺎﻣﯩﻞ ﺑﺎﺭ: ﺧﯩﺰﻣﻪﺗﭽﯩﻠﻪﺭ ﭼﻮﻗﯘﻡ ﺧﯧﺮﯨﺪﺍﺭﻻﺭﻧﯩﯔ ﮪﻮﺭﯗﻧﻼﺭﺩﯨﻦ ﺋﯩﻜﻪﻧﻠﯩﻜﯩﮕﻪ ﺋﯩﺸﯩﻨﯩﺸﻰ ﻛﯧﺮﻩﻙ. ﻧﯧﻤﯩﺸﻘﺎ ﺑﯘﻧﺪﺍﻕ ﻗﯩﻠﯩﺶ ﻛﯧﺮﻩﻙ? ﻣﺎﻳﯜﻧﻨﯩﯔ ﺋﯚﺯﯨﮕﻪ ﺧﺎﺱ ﺋﺎﺳﺎﺳﻰ ﺑﺎﺭ. ﺋﯘﻧﯩﯔ ﺋﯚﺯﯨﻨﻰ ﺋﯧﻠﯩﭗ ﺋﯧﻴﯩﺘﻘﺎﻧﺪﺍ, ﺋﯘ ﻛﻮﻣﭙﻴﯘﺗﯧﺮﺩﯨﻦ ﭘﺎﻳﺪﯨﻠﯩﻨﯩﭗ ﭘﻪﻗﻪﺕ ﺋﯧﻠﺨﻪﺕ ﻳﻮﻟﻠﯩﻴﺎﻻﻳﺪﯗ, ﺗﺎﭘﺸﯘﺭﯞﺍﻻﻻﻳﺪﯗ, ﺗﻮﺭ ﺑﻪﺗﻠﻪﺭﮔﻪ ﻛﯚﺯ ﻳﯜﮔﯜﺭﺗﻪﻟﻪﻳﺪﯗ, ﻛﯩﻨﻮﻻﺭﻧﻰ ﻛﯚﺭﻩﻟﻤﻪﻳﺪﯗ, ﻣﯘﺭﻩﻛﻜﻪﭖ ﺑﻮﻟﻐﺎﻥ ﺋﯩﻨﺘﯧﺮﻧﯧﺖ ﻗﻮﺭﺍﻟﻠﯩﺮﯨﻨﻰ ﺋﯩﺸﻠﯩﺘﯩﺸﻨﻰ ﺗﯧﺨﯩﻤﯘ ﺑﯩﻠﻤﻪﻳﺪﯗ. ﺋﯘ ﻛﯚﭖ ﻗﯩﺴﯩﻢ ﺧﯧﺮﯨﺪﺍﺭﻻﺭﻧﯩﯔ ﺋﯚﺯﯨﮕﻪ ﺋﻮﺧﺸﺎﺵ ﭼﯜﺷﻪﻧﺪﯛﺭﯛﺵ ﻗﻮﻟﻼﻧﻤﯩﺴﯩﻨﻰ ﻛﯚﺭﯛﺷﻨﻰ ﺧﺎﻟﯩﻤﺎﻳﺪﯨﻐﺎﻧﻠﯩﻘﯩﻐﺎ, ﺑﺎﺷﻘﯩﻼﺭﻧﯩﯔ ﺋﯚﺯﯨﮕﻪ ﻗﺎﻧﺪﺍﻕ ﺋﯩﺸﻠﯩﺘﯩﺪﯨﻐﺎﻧﻠﯩﻘﯩﻨﻰ ﺋﯧﻴﺘﯩﭗ ﺑﯧﺮﯨﺸﻜﻪ ﻗﯩﺰﯨﻘﻤﺎﻳﺪﯨﻐﺎﻧﻠﯩﻘﯩﻐﺎ ﺋﯩﺸﯩﻨﯩﺪﯗ. ﺷﯘ ﺳﻪﯞﻩﺑﺘﯩﻦ, ﺋﯘ ﺋﺎﻟﻰ ﺑﺎﺑﺎﻧﯩﯔ ﺳﻮﺩﺍ ﺋﯩﺸﻠﯩﺮﻯ ﺗﻮﺭ ﺑﯧﻜﯩﺘﯩﻨﻰ ﻗﯘﺭﻏﺎﻥ ﺩﻩﺳﻠﻪﭘﻜﻰ ﻣﻪﺯﮔﯩﻠﺪﻩ ﺗﯧﺨﻨﯩﻚ ﺧﺎﺩﯨﻤﻼﺭﻧﻰ ﺋﺎﻣﺎﻟﻨﯩﯔ ﺑﺎﺭﯨﭽﻪ ﺋﯩﺸﻨﻰ ﺋﺎﺳﺎﻥ ﻗﯩﻠﯩﺸﻘﺎ ﻳﯧﺘﻪﻛﻠﯩﮕﻪﻥ. ﺋﯘ ﻣﯘﻧﺪﺍﻕ ﺩﯦﮕﻪﻥ: «ﺋﺎﯞﺍﺭﯨﭽﯩﻠﯩﻘﻼﺭﻧﻰ ﭼﻮﻗﯘﻡ ﺋﯚﺯﯨﻤﯩﺰﮔﻪ ﻗﺎﻟﺪﯗﺭﯗﺷﯩﻤﯩﺰ ﻛﯧﺮﻩﻙ, ﺧﯧﺮﯨﺪﺍﺭﻻﺭ ﭘﻪﻗﻪﺕ ﺗﻮﺭ ﺑﯧﻜﻪﺗﺘﻪ ﻣﺎﺋﻮﺱ ﺋﯩﺸﻠﯩﺘﯩﺸﻨﻰ ﺑﯩﻠﺴﯩﻼ ﺑﻮﻟﯩﺪﯗ.»

ﺋﺎﻟﻰ ﺑﺎﺑﺎ ﻳﺎﺧﯘ (ﺟﯘﯕﮕﻮ) ﮔﯘﺭﯗﮪﯩﻨﻰ ﺳﯧﺘﯩﯟﺍﻟﻐﺎﻧﺪﯨﻦ ﻛﯧﻴﯩﻦ, ﺋﺎﻟﻰ ﺑﺎﺑﺎﻧﯩﯔ ﻛﺎﺭﺧﺎﻧﺎ ﻣﻪﺩﻩﻧﯩﻴﯩﺘﯩﻨﻰ ﺋﻪﯓ ﺗﯧﺰ ﺳﯜﺭﺋﻪﺗﺘﻪ ﻳﺎﺧﯘﻧﯩﯔ ﺋﻪﺳﻠﯩﺪﯨﻜﻰ ﺧﯩﺰﻣﻪﺗﭽﯩﻠﯩﺮﯨﮕﻪ ﻳﻪﺗﻜﯜﺯﯛﺵ ﺋﯜﭼﯜﻥ, ﻣﺎﻳﯜﻥ ﺋﯘﻻﺭ ﺑﯩﻠﻪﻥ ﺭﻩﺳﻤﯩﻲ ﮪﺎﻟﺪﺍ ﻛﯚﺭﯛﺷﯜﺵ ﻳﯩﻐﯩﻨﻰ ﺋﺎﭼﻘﺎﻥ.

ﻣﻪﺯﻛﯘﺭ ﻳﯩﻐﯩﻨﺪﺍ, ﻣﺎﻳﯜﻥ ﺑﺎﺭﻟﯩﻖ ﺧﯩﺰﻣﻪﺗﭽﯩﻠﻪﺭﮔﻪ «ﺧﯧﺮﯨﺪﺍﺭﻻﺭﻧﯩﯔ ﮪﻪﻣﻤﯩﺴﻰ ﮪﻮﺭﯗﻧﻼﺭ» ﺩﯦﮕﻪﻥ ﺋﯩﺪﯨﻴﻪﻧﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ, ﮪﻪﻣﺪﻩ ﺗﻪﭘﺴﯩﻠﯩﻲ ﭼﯜﺷﻪﻧﭽﻪ ﺑﻪﺭﮔﻪﻥ. ﻛﯧﻴﯩﻦ, ﻣﺎﻳﯜﻧﻨﯩﯔ ﺑﯘ ﻳﯩﻐﯩﻨﺪﯨﻜﻰ ﻧﯘﺗﯘﻗﻰ ﺗﻮﺭﺩﺍ ﺗﺎﺭﻗﯩﻠﯩﭗ ﻛﻪﺗﻜﻪﻥ.

ﺧﯩﺰﻣﻪﺗﭽﯩﻠﻪﺭﻧﯩﯔ ﺋﯚﺯﯨﻨﻰ ﺋﯧﺘﯩﺮﺍﭖ ﻗﯩﻠﯩﺸﯩﻨﻰ ﺋﯩﻠﮕﯩﺮﻯ ﺳﯜﺭﯛﺵ, ﺧﯘﺷﺎﻝ ﺧﯩﺰﻣﻪﺕ ﻗﯩﻠﯩﺶ ﺭﻭﮪﯩﻨﻰ ﺩﺍﯞﺍﻣﻠﯩﻖ ﺗﺎﺭﻗﯩﺘﯩﺶ ﺋﯜﭼﯜﻥ, ﻣﺎﻳﯜﻥ ﺩﻩﺳﻠﻪﭘﻜﻰ ﻗﻪﺩﯨﻤﺪﻩ ﯞﻩ ﺑﯜﮔﯜﻧﻜﻰ ﻛﯜﻧﺪﻩ ﺑﻮﻟﯘﭖ ﻛﻪﺗﻜﻪﻥ ﻗﺎﻳﯩﻞ ﻗﯩﻠﯩﺶ ﻛﯜﭼﻰ ﺑﺎﺭ ﻣﯩﺴﺎﻟﻼﺭﻧﻰ ﺋﯩﺰﺩﯨﮕﻪﻥ. ﺷﯘﻧﺪﺍﻕ ﻗﯩﻠﯩﭗ ﺋﯘ ﻳﯘﻣﯘﺭﯨﺴﺘﯩﻚ ﮪﺎﻟﺪﺍ ﻣﯘﻧﺪﺍﻕ ﺩﯦﮕﻪﻥ: «ﺑﯧﻞ ﮔﻪﻳﺘﯩﺲ-ﺩﯗﻧﻴﺎﺩﯨﻜﻰ ﺋﻪﯓ ﺑﺎﻱ ﺋﺎﺩﻩﻡ, ﺑﯩﺮﺍﻕ ﺋﯘ ﻛﯩﺘﺎﺏ ﺋﻮﻗﯘﺷﻘﯩﻤﯘ ﮪﻮﺭﯗﻧﻠﯘﻕ ﻗﯩﻠﻐﺎﭼﻘﺎ ﺋﻮﻗﯘﺷﺘﯩﻦ ﭼﯧﻜﯩﻨﮕﻪﻥ. ﺋﯘ ﭘﯩﺮﻭﮔﺮﺍﻣﻤﯩﺮ ﺑﻮﻟﻐﺎﻥ ﯞﺍﻗﯩﺘﻠﯩﺮﯨﺪﺍ, ﻧﺎﮪﺎﻳﯩﺘﻰ ﻣﯘﺭﻩﻛﻜﻪﭖ ﺑﻮﻟﻐﺎﻥ DOS ﺑﯘﻳﺮﯗﻗﻠﯩﺮﯨﻨﻰ ﺧﺎﺗﯩﺮﯨﻠﻪﺷﺘﯩﻦ ﺯﯦﺮﯨﻜﻜﻪﭼﻜﻪ, ﺋﯘ ﺭﻩﺳﯩﻢ ﮪﺎﻟﻪﺗﺘﯩﻜﻰ ﻛﯚﺭﯛﻧﻤﻪ ﻳﯜﺯﻧﻰ ﺑﺎﺭﻟﯩﻘﻘﺎ ﻛﻪﻟﺘﯜﺭﮔﻪﻥ. ﺷﯘﻧﺪﺍﻕ ﻗﯩﻠﯩﭗ ﺩﯗﻧﻴﺎﺩﯨﻜﻰ ﺑﺎﺭﻟﯩﻖ ﻛﻮﻣﭙﻴﯘﺗﯧﺮﻻﺭ ﺋﯘ ﺧﯩﻞ ﺋﺎﺩﺩﻯ ﻛﯚﺭﯛﻧﻤﻪ ﻳﯜﺯﺩﯨﻦ ﭘﺎﻳﺪﯨﻼﻧﻐﺎﻥ, ﺋﯘﻣﯘ ﺩﯗﻧﻴﺎﺩﯨﻜﻰ ﺑﯩﺮﯨﻨﭽﻰ ﺑﺎﻳﻐﺎ ﺋﺎﻳﻼﻧﻐﺎﻥ. ﻛﻮﻛﺎ ﻛﻮﻻ ﺩﯗﻧﻴﺎﺩﯨﻜﻰ ﺋﻪﯓ ﭘﯘﻟﻐﺎ ﻳﺎﺭﺍﻳﺪﯨﻐﺎﻥ ﻣﺎﺭﻛﺎ, ﺑﯩﺮﺍﻕ ﺋﯘﻧﯩﯔ ﺧﻮﺟﺎﻳﯩﻨﻰ ﻧﺎﮪﺎﻳﯩﺘﻰ ﮪﻮﺭﯗﻥ, ﺋﺎﺯﺭﺍﻕ ﺷﯧﻜﻪﺭ ﺟﻪﯞﮪﯩﺮﻯ ﺑﯩﻠﻪﻥ ﺳﻮﻏﯘﻕ ﺳﯘﻧﻰ ﺋﺎﺭﻻﺷﺘﯘﺭﯗﭘﻼ «ﻛﻮﻛﺎ ﻛﻮﻻ ﺋﯩﭽﯩﻤﻠﯩﻜﻰ» ﻗﯩﻠﯩﭗ ﺳﺎﺗﯩﺪﯗ. ﺷﯘﻧﺪﺍﻕ ﻗﯩﻠﯩﭗ ﺩﯗﻧﻴﺎﺩﯨﻜﻰ ﺋﺎﺩﻩﻡ ﺑﺎﺭﻟﯩﻜﻰ ﺟﺎﻳﻼﺭﺩﺍ ﻛﯚﭘﭽﯩﻠﯩﻚ ﮪﻪﻣﻤﻪﻳﻠﻪﻥ ﺑﯘ ﺋﯩﭽﯩﻤﻠﯩﻜﻨﻰ ﺋﯩﭽﻤﻪﻛﺘﻪ, ﺟﯘﯕﮕﻮﻧﯩﯔ ﭼﺎﻱ ﻣﻪﺩﻩﻧﯩﻴﯩﺘﻰ ﻧﺎﮪﺎﻳﯩﺘﻰ ﺋﯘﺯﯗﻥ ﺗﺎﺭﯨﺨﻘﺎ ﺋﯩﮕﻪ ﺑﻮﻟﺴﯩﻤﯘ, ﺑﯩﺮﺍﺯﯨﻠﻴﻪﻧﯩﯔ ﻗﻪﮪﯟﻩﻟﯩﺮﻯ ﻧﺎﮪﺎﻳﯩﺘﻰ ﺗﻪﻣﻠﯩﻚ ﺑﻮﻟﺴﯩﻤﯘ ﻛﻮﻛﺎ ﻛﻮﻻﻏﺎ ﻳﯧﺘﻪﻟﻤﯩﺪﻯ. ﻣﻪﻛﺪﻭﻧﺎﻟﺪ ﺩﯗﻧﻴﺎﺩﯨﻜﻰ ﺋﻪﯓ ﻳﺎﺧﺸﻰ ﻳﯧﻤﻪﻙ-ﺋﯩﭽﻤﻪﻙ ﻛﺎﺭﺧﺎﻧﯩﺴﻰ, ﺋﻪﻣﻤﺎ ﺋﯘﻧﯩﯔ ﺧﻮﺟﺎﻳﯩﻨﻰ ﮪﻮﺭﯗﻧﻠﯘﻗﺘﺎ ﺩﺍﯕﻖ ﭼﯩﻘﺎﺭﻏﺎﭼﻘﺎ, ﻓﺮﺍﻧﺴﯩﻴﻪﻧﯩﯔ ﻣﻪﺯﺯﯨﻠﯩﻚ ﺗﺎﺋﺎﻣﻠﯩﺮﯨﻨﻰ ﺋﯚﮔﯩﻨﯩﺶ ﺧﯘﺷﻴﺎﻗﻤﺎﻱ, ﺋﯩﻜﻜﻰ ﭘﺎﺭﭼﻪ ﺑﻮﻟﻜﯩﻨﯩﯔ ﻗﯧﺘﯩﻐﺎ ﻛﺎﻻ ﮔﯚﺷﯩﻨﻰ ﻗﯩﺴﺘﯘﺭﯗﭘﻼ ﺳﯧﺘﯩﺸﻨﻰ ﺑﺎﺷﻠﯩﻐﺎﻥ, ﺷﯘﻧﺪﺍﻕ ﻗﯩﻠﯩﭗ ﺩﯗﻧﻴﺎﺩﯨﻜﻰ ﺑﺎﺭﻟﯩﻖ ﻛﯩﺸﯩﻠﻪﺭ M (ﻣﻪﻛﺪﻭﻧﺎﻟﺪﻧﯩﯔ ﻣﺎﺭﻛﺎ ﺑﻪﻟﮕﯩﺴﻰ) ﺩﯦﮕﻪﻥ ﺑﻪﻟﮕﯩﻨﻰ ﻛﯚﺭﻩﻟﻪﻳﺪﯨﻐﺎﻥ ﺑﻮﻟﻐﺎﻥ. PIZZA HUT ﺩﯗﻧﻴﺎﺩﯨﻜﻰ ﺋﻪﯓ ﭼﻮﯓ ﭘﯩﺴﺎ ﻗﺎﺗﻠﯩﻤﻰ ﻣﻪﺧﺴﯘﺱ ﺳﯧﺘﯩﺶ ﻛﺎﺭﺧﺎﻧﯩﺴﻰ ﺑﻮﻟﯘﭖ, ﺋﯘﻧﯩﯔ ﺧﻮﺟﺎﻳﯩﻨﻰ ﺗﯧﺨﯩﻤﯘ ﮪﻮﺭﯗﻥ, ﺋﯘ ﮪﻮﺭﯗﻧﻠﯘﻗﯩﺪﯨﻦ ﻗﯩﻴﻤﯩﻨﻰ ﺋﺎﺭﻻﺷﺘﯘﺭﯗﭖ ﭘﯩﺴﺎﻧﯩﯔ ﺋﯩﭽﯩﮕﻪ ﺗﯩﻘﯩﺸﻤﯘ ﺧﯘﺷﻴﺎﻗﻤﯩﻐﺎﭼﻘﺎ, ﻗﯩﻴﻤﯩﻨﻰ ﭘﯩﺴﺎﻧﯩﯔ ﺋﯜﺳﺘﯩﮕﻪ ﻗﻮﻳﯘﭘﻼ ﺳﺎﺗﯩﺪﯗ, ﺷﯘﯕﺎ ﻛﯚﭘﭽﯩﻠﯩﻚ ﮪﻪﻣﻤﻪﻳﻠﻪﻥ ﺋﯘﻧﻰ ﺑﯩﻠﯩﺪﯗ.»

ﻣﺎﻳﯜﻧﻨﯩﯔ ﺑﯘﻧﺪﺍﻕ ﺩﯦﻴﯩﺸﯩﺪﯨﻜﻰ ﺳﻪﯞﻩﺏ ﻛﯚﭘﭽﯩﻠﯩﻜﻜﻪ «ﺋﻪﻣﻪﻟﯩﻴﻪﺕ ﮪﻪﻣﻤﯩﺪﯨﻦ ﺋﻪﻻ» ﺩﯦﮕﻪﻥ ﻗﺎﺭﺍﺷﻨﻰ ﺑﯩﻠﺪﯛﺭﯛﭖ ﻗﻮﻳﯘﺵ, ﮪﻪﻣﺪﻩ ﺋﯚﺯﯨﻨﯩﯔ ﻗﺎﻻﻳﻤﯩﻘﺎﻥ ﺑﯩﻠﺠﯩﺮﻟﯩﻤﺎﻳﯟﺍﺗﻘﺎﻧﻠﯩﻘﯩﻨﻰ ﺋﯩﺴﭙﺎﺗﻼﭖ ﺑﯧﺮﯨﺶ ﺋﯩﺪﻯ. ﻣﺎﻳﯜﻥ ﺋﺎﺭﻗﯩﺪﯨﻦ ﻣﯘﻧﺪﺍﻕ ﺩﯦﮕﻪﻥ: «ﺋﻪﻣﻪﻟﯩﻴﻪﺗﺘﻪ ﺩﯗﻧﻴﺎﺩﺍ ﺗﯧﺨﯩﻤﯘ ﮪﻮﺭﯗﻥ ﻛﯩﺸﯩﻠﻪﺭ ﺑﺎﺭ. ﺑﻪﺯﯨﻠﻪﺭ ﻳﻮﻝ ﻣﯧﯖﯩﺸﺘﯩﻦ ﮪﻮﺭﯗﻧﻠﯘﻕ ﻗﯩﻠﻐﺎﭼﻘﺎ, ﺋﺎﭘﺘﻮﻣﻮﺑﯩﻞ, ﭘﻮﻳﯩﺰ ﯞﻩ ﺋﺎﻳﺮﻭﭘﯩﻼﻧﻼﺭﻧﻰ ﻛﻪﺷﭗ ﻗﯩﻠﻐﺎﻥ; ﺑﻪﺯﯨﻠﻪﺭ ﺑﯩﻨﺎﻻﺭﻏﺎ ﻗﻪﯞﻩﺗﺘﯩﻦ ﭼﯩﻘﯩﺸﻘﺎ ﮪﻮﺭﯗﻧﻠﯘﻕ ﻗﯩﻠﻐﺎﭼﻘﺎ, ﻟﯧﻔﯩﺘﻨﻰ ﺑﺎﺭﻟﯩﻘﻘﺎ ﻛﻪﻟﺘﯜﺭﮔﻪﻥ; ﺑﻪﺯﯨﻠﻪﺭ ﻣﯘﺯﯨﻜﺎ ﻛﯧﭽﯩﻠﯩﻜﯩﮕﻪ ﺑﯧﺮﯨﺸﻘﺎ ﮪﻮﺭﯗﻧﻠﯘﻕ ﻗﯩﻠﻐﺎﭼﻘﺎ, ﺋﯜﻧﺘﻪﺧﺴﻪ (ﭘﯩﻼﺳﺘﯩﻨﻜﺎ), ﻟﯧﻨﺘﺎ ﯞﻩ CD ﻻﺭﻧﻰ ﻛﻪﺷﭗ ﻗﯩﻠﻐﺎﻥ. ﺑﯘﻧﺪﺍﻕ ﻣﯩﺴﺎﻟﻼﺭ ﻧﺎﮪﺎﻳﯩﺘﻰ ﻛﯚﭖ, ﻣﻪﻥ ﺳﯚﺯﻟﻪﺷﺘﯩﻨﻤﯘ ﮪﻮﺭﯗﻧﻠﯘﻕ ﻗﯩﻠﯩﯟﺍﺗﯩﻤﻪﻥ. ﻳﻪﻧﻪ ﮪﯧﻠﯩﻘﻰ ﺑﯩﺮ ﺟﯜﻣﻠﻪ ﺋﻪﺧﻠﻪﺕ ﺳﯚﺯﻧﯩﻤﯘ ﺋﻮﺗﺘﯘﺭﯨﻐﺎ ﻗﻮﻳﯘﭖ ﻗﻮﻳﺎﻱ: ﮪﺎﻳﺎﺗﻠﯩﻖ-ﮪﻪﺭﯨﻜﻪﺗﺘﻪ, ﺋﻪﻣﻤﺎ ﺳﯩﺰ ﻗﺎﻳﺴﻰ ﺗﻪﻧﮭﻪﺭﯨﻜﻪﺗﭽﯩﻨﯩﯔ ﺋﯘﺯﯗﻥ ﺋﯚﻣﯜﺭ ﻛﯚﺭﮔﻪﻧﻠﯩﻜﯩﻨﻰ ﻛﯚﺭﯛﭖ ﺑﺎﻗﻘﺎﻥ? ﺩﯗﻧﻴﺎﺩﯨﻜﻰ ﺋﻪﯓ ﺋﯘﺯﯗﻥ ﺋﯚﻣﯜﺭ ﻛﯚﺭﯨﺪﯨﻐﺎﻥ ﮪﺎﻳﯟﺍﻧﺎﺕ ﺗﺎﺷﭙﺎﻗﺎ, ﺋﯘﻻﺭ ﺋﺎﺳﺎﺳﻪﻥ ﺑﯩﺮ ﺋﯚﻣﯜﺭ ﮪﻪﺭﯨﻜﻪﺕ ﻗﯩﻠﻤﺎﻳﺪﯗ, ﻣﯧﯖﯩﺸﻘﯩﻤﯘ ﮪﻮﺭﯗﻧﻠﯘﻕ ﻗﯩﻠﯩﺪﯗ, ﺋﻪﻣﻤﺎ 1000 ﻳﯩﻞ ﻳﺎﺷﯩﻴﺎﻻﻳﺪﯗ.»

ﻣﺎﻳﯜﻧﻨﯩﯔ ﻳﯘﻣﯘﺭﯨﺴﺘﯩﻜﻠﯩﻘﻰ ﻛﯚﭘﭽﯩﻠﯩﻜﻨﻰ ﻛﯜﻟﺪﯛﺭﯨﯟﻩﺗﻜﻪﻥ, ﺑﯩﺮﺍﻕ ﮪﯧﭽﻜﯩﻢ ﻣﺎﻳﯜﻧﻨﯩﯔ ﻣﻪﺧﺴﯩﺘﯩﻨﯩﯔ ﭘﻪﻗﻪﺕ ﻛﯚﭘﭽﯩﻠﯩﻜﻨﻰ ﻛﯜﻟﺪﯛﺭﯛﭘﻼ ﻗﻮﻳﯘﺵ ﺋﻪﻣﻪﺳﻠﯩﻜﯩﻨﻰ ﺑﯩﻠﻤﯩﮕﻪﻥ. ﻣﺎﻳﯜﻥ ﻧﺎﮪﺎﻳﯩﺘﻰ ﺗﯧﺰﻻ ﺗﯧﻤﯩﻨﻰ ﺧﯩﺰﻣﻪﺗﻜﻪ ﻳﯚﺗﻜﯩﮕﻪﻥ. ﻣﺎﻳﯜﻥ ﻣﯘﻧﺪﺍﻕ ﺩﯦﮕﻪﻥ: «ﺧﯩﺰﻣﻪﺕ ﺟﻪﺭﻳﺎﻧﯩﻐﺎ ﻧﻪﺯﻩﺭ ﺳﺎﻟﺴﺎﻕ, ﺷﯩﺮﻛﯩﺘﯩﯖﯩﺰﺩﻩ ﮪﻪﺭ ﻛﯜﻧﻰ ﻧﺎﮪﺎﻳﯩﺘﻰ ﺋﺎﻟﺪﯨﺮﺍﺵ ﻳﯜﺭﯨﺪﯨﻐﺎﻥ, ﺳﻪﮪﻪﺭ ﻛﯧﻠﯩﭗ ﮪﻪﻣﻤﯩﺪﯨﻦ ﻛﻪﭺ ﻗﺎﻳﺘﯩﺪﯨﻐﺎﻥ ﺧﯩﺰﻣﻪﺗﭽﯩﻨﯩﯔ ﻣﺎﺋﺎﺷﻰ ﮪﻪﻣﻤﯩﺪﯨﻦ ﺋﺎﺯﻣﯘ-ﺋﻪﻣﻪﺳﻤﯘ? ﮪﻪﺭ ﻛﯜﻧﻰ ﺑﯧﻜﺎﺭﭼﯩﻠﯩﻘﺘﯩﻦ ﻗﯩﻠﯩﺪﯨﻐﺎﻧﻐﺎ ﺋﯩﺸﻰ ﻳﻮﻕ ﮪﺎﯕﯟﯦﻘﯩﭗ ﻗﺎﻟﻐﺎﻥ ﺧﯩﺰﻣﻪﺗﭽﯩﻨﯩﯔ ﻣﺎﺋﺎﺷﻰ ﺋﻪﯓ ﻳﯘﻗﯩﺮﯨﻤﯘ-ﺋﻪﻣﻪﺳﻤﯘ? ﻳﻪﻧﻪ ﻧﯘﺭﻏﯘﻧﻠﯩﻐﺎﻥ ﺷﯩﺮﻛﻪﺗﻠﻪﺭﻧﯩﯔ ﭘﺎﻱ ﭼﯧﻜﯩﻤﯘ ﺷﯘﻧﺪﺍﻕ! ﻣﻪﻥ ﻳﯘﻗﯩﺮﯨﺪﯨﻜﯩﻠﻪﺭﻧﻰ ﺩﯦﻴﯩﺶ ﺋﺎﺭﻗﯩﻠﯩﻖ ﺑﯩﺮ ﻣﻪﺳﯩﻠﯩﻨﻰ ﭼﯜﺷﻪﻧﺪﯛﺭﯛﭖ ﺋﯚﺗﻤﻪﻛﭽﻰ: ﺋﻪﻣﻪﻟﯩﻴﻪﺗﺘﻪ ﺩﯗﻧﻴﺎﻧﻰ ﮪﻮﺭﯗﻥ ﻛﯩﺸﯩﻠﻪﺭ ﺋﯩﺪﺍﺭﻩ ﻗﯩﻠﯩﭗ ﺗﯘﺭﻣﺎﻗﺘﺎ. ﺩﯗﻧﻴﺎﻧﯩﯔ ﺷﯘ ﺩﻩﺭﯨﺠﯩﺪﻩ ﮔﯜﺯﻩﻝ ﺑﻮﻟﯘﺷﯩﻤﯘ ﮪﻮﺭﯗﻥ ﻛﯩﺸﯩﻠﻪﺭﻧﯩﯔ ﺗﯚﮪﭙﯩﺴﻰ. ﮪﺎﺯﯨﺮ ﻣﯧﻨﯩﯖﭽﻪ ﻛﯚﭘﭽﯩﻠﯩﻚ ﺋﯚﺯﻟﯩﺮﯨﻨﯩﯔ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﺎﻟﻤﺎﺳﻠﯩﻘﯩﺪﯨﻜﻰ ﺋﺎﺳﺎﺳﻠﯩﻖ ﺳﻪﯞﻩﺑﻨﻰ ﺑﯩﻠﺪﻯ.»

ﻣﺎﻳﯜﻥ ﺑﯘ ﻗﯧﺘﯩﻤﻠﯩﻖ ﻧﯘﺗﯘﻗﻰ ﺋﺎﺭﻗﯩﻠﯩﻖ ﻳﺎﺧﯘﻧﯩﯔ ﺋﻪﺳﻠﯩﺪﯨﻜﻰ ﺧﯩﺰﻣﻪﺗﭽﯩﻠﯩﺮﯨﮕﻪ ﺑﯩﺮ ﺳﺎﺋﻪﺗﻠﯩﻚ ﺩﻩﺭﺱ ﺋﯚﺗﻜﻪﻥ, ﺋﯘﻻﺭﻏﺎ ﺋﺎﻟﻰ ﺑﺎﺑﺎﻧﯩﯔ ﻛﺎﺭﺧﺎﻧﺎ ﻣﻪﺩﻩﻧﯩﻴﯩﺘﯩﻨﻰ ﺗﻮﻧﯘﺷﺘﯘﺭﻏﺎﻥ. ﺋﻪﺳﻠﯩﺪﻩ ﺩﯙﻟﻪﺕ ﮪﺎﻟﻘﯩﻐﺎﻥ ﻛﺎﺭﺧﺎﻧﺎ ﻳﺎﺧﯘﻧﯩﯔ ﺧﯩﺰﻣﻪﺗﭽﯩﺴﯩﮕﻪ ﺋﺎﻳﻠﯩﻨﯩﺶ ﻧﺎﮪﺎﻳﯩﺘﻰ ﺷﻪﺭﻩﭘﻠﯩﻚ ﺋﯩﺶ ﺋﯩﺪﻯ, ﺋﻪﻣﻤﺎ ﺋﻪﻳﻨﻰ ﯞﺍﻗﯩﺘﺘﯩﻜﻰ ﻳﺎﺧﯘ (ﺟﯘﯕﮕﻮ) ﮔﯘﺭﯗﮪﯩﻨﯩﯔ ﺗﯧﺨﻰ ﭘﯧﻴﻰ ﺑﺎﺯﺍﺭﻏﺎ ﺳﯧﻠﯩﻨﻤﯩﻐﺎﻥ ﺋﺎﻟﻰ ﺑﺎﺑﺎ ﺗﻪﺭﯨﭙﯩﺪﯨﻦ ﺳﯧﺘﯩﯟﯦﻠﯩﻨﯩﺸﯩﻨﻰ ﻳﺎﺧﯘﻧﯩﯔ ﻧﯘﺭﻏﯘﻧﻠﯩﻐﺎﻥ ﺧﯩﺰﻣﻪﺗﭽﯩﻠﯩﺮﻯ ﻧﺎﮪﺎﻳﯩﺘﻰ ﺗﻪﺳﺘﻪ ﻗﻮﺑﯘﻝ ﻗﯩﻠﻐﺎﻥ. ﻳﺎﺧﯘ ﺧﯩﺰﻣﻪﺗﭽﯩﻠﯩﺮﯨﻨﯩﯔ ﺑﯘ ﺧﯩﻞ ﮪﺎﻟﯩﺘﯩﮕﻪ ﻗﺎﺭﯨﺘﺎ, ﻣﺎﻳﯜﻥ ﻧﺎﮪﺎﻳﯩﺘﻰ ﻳﯘﻣﯘﺭﯨﺴﺘﯩﻚ ﺋﯘﺳﯘﻟﻼﺭ ﺑﯩﻠﻪﻥ ﺋﯘﻻﺭﻏﺎ ﻛﯧﻴﯩﻨﻜﻰ ﺧﯩﺰﻣﻪﺕ ﺟﻪﺭﻳﺎﻧﯩﺪﺍ ﺧﯧﺮﯨﺪﺍﺭﻧﯩﯔ ﺋﯧﮭﺘﯩﻴﺎﺟﯩﻐﺎ ﺋﺎﺳﺎﺳﻪﻥ ﺋﯘﺳﯘﻟﻨﻰ ﺋﯚﺯﮔﻪﺭﺗﯩﺶ ﻻﺯﯨﻤﻠﯩﻘﯩﻨﻰ ﺋﯧﻴﯩﺘﻘﺎﻥ. ﺋﺎﻟﻰ ﺑﺎﺑﺎ «ﺧﯧﺮﯨﺪﺍﺭﻻﺭ ﮪﻮﺭﯗﻧﻼﺭﺩﯗﺭ» ﺩﻩﭖ ﻗﺎﺭﺍﻳﺪﯗ, ﺷﯘﯕﺎ ﺋﯘﻻﺭ «ﺧﯧﺮﯨﺪﺍﺭ ﺑﯩﺮﯨﻨﭽﻰ» ﻧﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ, ﺧﯧﺮﯨﺪﺍﺭ ﺗﻪﺭﻩﭘﺘﻪ ﺗﯘﺭﯗﭖ ﺋﻮﻳﻼﺵ ﻻﺯﯨﻤﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ, ﻣﺎﻧﺎ ﺑﯘ ﺋﺎﻟﻰ ﺑﺎﺑﺎﻧﯩﯔ ﻛﺎﺭﺧﺎﻧﺎ ﻣﻪﺩﻩﻧﯩﻴﯩﺘﻰ. ﻳﺎﺧﯘ (ﺟﯘﯕﮕﻮ) ﮔﯘﺭﯗﮪﯩﻨﯩﯔ ﺧﯩﺰﻣﻪﺗﭽﯩﻠﯩﺮﻯ ﭼﻮﻗﯘﻡ ﺑﯘ ﻧﻮﻗﺘﯩﻨﻰ ﺋﺎﻳﺪﯨﯖﻼﺷﺘﯘﺭﯨﯟﯦﻠﯩﺸﻰ, ﺧﯧﺮﯨﺪﺍﺭﻧﻰ ﻳﯚﻧﯩﻠﯩﺶ ﻗﯩﻠﯩﺸﻰ ﻻﺯﯨﻢ ﺋﯩﺪﻯ.

ﺋﯘﻧﯩﯔ ﺋﯜﺳﺘﯩﮕﻪ, ﻣﺎﻳﯜﻥ ﺋﯩﺰﭼﯩﻞ ﺑﯘ ﺧﯩﻞ «ﮪﻮﺭﯗﻥ ﺋﺎﺩﻩﻡ» ﺭﻭﮪﯩﻐﺎ ﺋﯩﺸﯩﻨﯩﺪﯗ. ﻣﺎﻳﯜﻥ ﺑﯘ ﺩﯗﻧﻴﺎ ﮪﻮﺭﯗﻧﻼﺭﻏﺎ ﺗﺎﻳﯩﻨﯩﭗ ﺋﯚﺭﻩ ﺗﯘﺭﯨﺪﯗ ﺩﻩﭖ ﻗﺎﺭﺍﻳﺪﯗ, ﮪﻮﺭﯗﻧﻠﯘﻕ ﮪﻪﺭﮔﯩﺰﻣﯘ ﺋﻪﺧﻤﯩﻘﺎﻧﻪ ﮪﻮﺭﯗﻧﻠﯘﻗﻨﻰ ﻛﯚﺭﺳﻪﺗﻤﻪﻳﺪﯗ, ﺋﻪﮔﻪﺭ ﺳﯩﺰ ﺋﺎﺯﺭﺍﻕ ﻗﯩﻠﯩﺸﻨﻰ ﺋﻮﻳﻠﯩﺴﯩﯖﯩﺰ, ﭼﻮﻗﯘﻡ ﺋﯘﺳﻠﯘﺏ, ﺋﯩﺪﯨﻴﻪ ﻗﺎﺗﻠﯩﻤﻰ ﺗﻮﺳﺎﻟﻐﯘﺳﻰ ﻗﺎﺗﺎﺭﻟﯩﻘﻼﺭﺩﯨﻦ ﭼﯩﻘﯩﺸﻘﺎ ﮪﻮﺭﯗﻧﻠﯘﻕ ﻗﯩﻠﻤﺎﺳﻠﯩﻘﯩﯖﯩﺰ ﻛﯧﺮﻩﻙ.

ﻣﺎﻳﯜﻧﻨﯩﯔ «ﮪﻮﺭﯗﻥ ﺋﺎﺩﻩﻡ ﻧﻪﺯﻩﺭﯨﻴﻪﺳﻰ» ﺑﯩﺰﮔﻪ  ﮪﻪﺭ ﺟﺎﻳﺪﺍ ﭼﻮﻗﯘﻡ ﺑﺎﺷﻘﯩﻼﺭ ﺋﯜﭼﯜﻥ ﺋﻮﻳﻼﺵ, ﺧﯧﺮﯨﺪﺍﺭﻻﺭ ﻗﺎﻳﺴﻰ ﺋﯩﺸﻨﻰ ﻗﯩﻠﯩﺸﻘﺎ ﮪﻮﺭﯗﻧﻠﯘﻕ ﻗﯩﻠﯩﯟﺍﺗﻘﺎﻥ ﺑﻮﻟﺴﺎ ﺑﯩﺰﻧﯩﯔ ﺷﯘﻧﻰ ﻗﯩﻠﯩﺸﯩﻤﯩﺰ ﻻﺯﯨﻤﻠﯩﻘﯩﻨﻰ, ﺧﯧﺮﯨﺪﺍﺭﻧﯩﯔ ﮪﻮﺭﯗﻧﻠﯘﻗﻰ ﺳﻪﯞﻩﺑﻠﯩﻚ ﻛﯧﻠﯩﭗ ﭼﯩﻘﻘﺎﻥ ﺋﯧﮭﺘﯩﻴﺎﺟﯩﻨﻰ ﺗﻮﻟﯘﻕ ﻗﺎﻧﺪﯗﺭﯗﺷﯩﻤﯩﺰ ﻻﺯﯨﻤﻠﯩﻘﯩﻨﻰ ﺋﯧﻴﺘﯩﭗ ﺑﯧﺮﯨﺪﯗ.

ﻣﻪﺳﯩﻠﻪﻥ: ﺑﯩﺰ ﺋﻪﻣﻪﻟﯩﻴﻪﺕ ﺋﺎﺭﻗﯩﻠﯩﻖ ﺧﯧﺮﯨﺪﺍﺭﻻﺭﻧﻰ ﺋﻪﯓ ﻗﻮﻻﻳﻠﯩﻖ ﻣﯘﻻﺯﯨﻤﻪﺕ ﺑﯩﻠﻪﻥ ﺗﻪﻣﯩﻨﻠﯩﺸﯩﻤﯩﺰ ﻻﺯﯨﻢ. ﺧﯧﺮﯨﺪﺍﺭ ﺑﯩﺮ ﻗﺎﺭﺍﺭﻏﺎ ﻛﯧﻠﻪﻟﻤﯩﮕﻪﻥ, ﺳﯩﺰ ﺋﯘﻧﯩﯖﻐﺎ ﻳﺎﺭﺩﻩﻡ ﻗﯩﻠﯩﺸﯩﯖﯩﺰ ﺯﯙﺭﯛﺭ ﺑﻮﻟﻐﺎﻧﺪﺍ, ﺳﯩﺰ ﭼﻮﻗﯘﻡ ﺋﺎﻣﺎﻟﻨﯩﯔ ﺑﺎﺭﯨﭽﻪ ﺋﯘﻧﯩﯔ ﺋﯧﮭﺘﯩﻴﺎﺟﯩﻐﺎ ﻣﺎﺱ ﻛﯧﻠﯩﺪﯨﻐﺎﻥ ﻧﻪﺭﺳﯩﻠﻪﺭﻧﻰ ﺗﻮﻧﯘﺷﺘﯘﺭﯗﺷﯩﯖﯩﺰ ﻻﺯﯨﻢ. ﻣﻪﺳﯩﻠﻪﻥ: ﺋﺎﻟﻰ ﺑﺎﺑﺎ ﺗﻮﺭ ﺑﯧﻜﯩﺘﯩﺪﻩ ﻛﯚﭘﻠﯩﮕﻪﻥ ﺋﯘﻟﯩﻨﯩﺸﻼﺭ ﭼﯩﻘﯩﺪﯗ, ﺋﻪﯓ ﻳﺎﺧﺸﯩﺴﻰ ﮪﻪﺭ ﺑﯩﺮ ﺋﯘﻟﯩﻨﯩﺸﻨﯩﯔ ﺋﺎﺭﻗﯩﺴﯩﻐﺎ ﺑﯘ ﺋﯘﻟﯩﻨﯩﺸﻨﻰ ﺗﻪﯞﺳﯩﻴﻪ ﻗﯩﻠﯩﺸﻨﯩﯔ ﺳﻪﯞﻩﺑﻰ ﯞﻩ ﺳﯜﭘﻪﺗﻜﻪ ﻛﺎﭘﺎﻟﻪﺗﻠﯩﻚ ﻗﯩﻠﯩﺸﺘﯩﻜﻰ ﺋﺎﺳﺎﺳﯩﻨﻰ ﻗﻮﺷﯘﻣﭽﻪ ﻗﯩﻠﯩﺶ ﻻﺯﯨﻢ.

ﻣﺎﻳﯜﻥ ﺧﯩﺰﻣﻪﺕ ﺟﻪﺭﻳﺎﻧﯩﺪﯨﻤﯘ «ﮪﻮﺭﯗﻧﻠﯘﻕ» ﺭﻭﮪﯩﻨﻰ ﺋﯚﺯﯨﮕﻪ ﻣﯘﺟﻪﺳﺴﻪﻣﻠﯩﮕﻪﻥ. ﻣﺎﻳﯜﻥ ﺋﯚﺯﻯ ﻛﻮﻣﭙﻴﯘﺗﯧﺮ ﺗﯧﺨﻨﯩﻜﯩﺴﯩﻨﻰ ﭼﯜﺷﻪﻧﻤﯩﮕﻪﭼﻜﻪ, ﺋﯚﮔﯩﻨﯩﺸﻜﯩﻤﯘ ﮪﻮﺭﯗﻧﻠﯘﻕ ﻗﯩﻠﻐﺎﭼﻘﺎ, ﺋﯘ ﺩﺍﺋﯩﻢ ﻣﯘﻧﺪﺍﻕ ﺩﻩﻳﺪﯗ: «ﻣﻪﻥ ﺗﻮﺭﺩﺍ ﻛﯩﻨﻮ ﻛﯚﺭﻩﻟﻤﻪﻳﻤﻪﻥ, ﻛﻮﻣﭙﻴﯘﺗﯧﺮﻧﻰ ﺋﺎﭼﻘﺎﻧﺪﺍ ﻣﻪﻥ ﻧﺎﮪﺎﻳﯩﺘﻰ ﺑﯩﺌﺎﺭﺍﻣﻠﯩﻖ ﮪﯧﺲ ﻗﯩﻠﯩﻤﻪﻥ, ﻛﯚﭼﯜﺭﯛﭖ-ﭼﺎﭘﻼﺷﻨﯩﻤﯘ ﺑﯩﻠﻤﻪﻳﻤﻪﻥ, ﻣﻪﻥ ﺑﯩﺰﻧﯩﯔ ﭘﯩﺮﻭﮔﺮﺍﻣﻤﯩﺮﻻﺭﻏﺎ ﺷﯘﻧﺪﺍﻕ ﺩﻩﻳﻤﻪﻥ: ﺗﯧﺨﻨﯩﻜﺎ ﺋﺎﺩﻩﻡ ﺋﯜﭼﯜﻥ ﻣﯘﻻﺯﯨﻤﻪﺕ ﻗﯩﻠﯩﺸﻰ, ﺋﺎﺩﻩﻡ ﺗﯧﺨﻨﯩﻜﺎ ﺋﯜﭼﯜﻥ ﻣﯘﻻﺯﯨﻤﻪﺕ ﻗﯩﻠﻤﺎﺳﻠﯩﻘﻰ ﻻﺯﯨﻢ, ﺋﻪﮔﻪﺭ ﺋﻪﯓ ﻳﺎﺧﺸﻰ ﺗﯧﺨﻨﯩﻜﯩﻨﯩﻤﯘ ﺋﯩﺸﻠﻪﺗﻜﯩﻠﻰ ﺑﻮﻟﻤﯩﺴﺎ, ﺋﯘﻧﺪﺍﻗﺘﺎ ﺋﯘﻧﻰ ﺗﺎﺷﻠﯩﯟﯦﺘﯩﺶ ﻛﯧﺮﻩﻙ. ﻣﻪﻥ ﺗﻪﺧﻤﯩﻨﻪﻥ ﺑﯩﺮ ﻳﯩﻞ ﺋﻪﺗﺮﺍﭘﯩﺪﺍ ﺳﯜﭘﻪﺕ ﺗﻪﻛﺸﯜﺭﮔﯜﭼﻰ ﺑﻮﻟﯘﭖ ﺋﯩﺸﻠﯩﺪﯨﻢ, ﭘﯩﺮﻭﮔﺮﺍﻣﻤﯩﺮﻻﺭ ﺗﯜﺯﮔﻪﻥ ﮪﻪﺭ ﻗﺎﻧﺪﺍﻕ ﭘﯩﺮﻭﮔﺮﺍﻣﻤﯩﻨﻰ ﻣﻪﻥ ﺳﯩﻨﺎﭖ ﻛﯚﺭﯛﺷﯜﻡ ﻛﯧﺮﻩﻙ, ﺋﻪﮔﻪﺭ ﻣﻪﻥ ﺋﯘ ﭘﯩﺮﻭﮔﺮﺍﻣﻤﯩﻨﻰ ﺋﯩﺸﻠﯩﺘﻪﻟﻤﯩﺴﻪﻡ, ﻣﻪﻥ ﺋﯘﻧﻰ ﺗﺎﺷﻠﯩﯟﯦﺘﯩﻤﻪﻥ, ﻣﻪﻥ %80 ﺋﺎﺩﻩﻣﻨﯩﯔ ﻣﺎﯕﺎ ﺋﻮﺧﺸﺎﺷﻼ ﺋﯩﺸﻠﯩﺘﻪﻟﻤﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﯩﻤﻪﻥ.»

ﻣﺎﻳﯜﻧﻨﯩﯔ ﻗﺎﺭﯨﺸﯩﭽﻪ, ﺑﯩﺮ ﻧﻪﺭﺳﯩﻨﻰ ﺋﯩﺸﻠﯩﺘﯩﺶ ﻗﺎﻧﭽﻪ ﺋﺎﺳﺎﻥ ﺑﻮﻟﺴﺎ ﺷﯘﻧﭽﻪ ﻳﺎﺧﺸﻰ, ﺧﯧﺮﯨﺪﺍﺭﻻﺭ ﺋﺎﺳﺎﻧﻼ ﺋﯩﺸﻠﯩﺘﻪﻟﯩﺸﻰ, ﺋﯩﺸﻠﯩﺘﯩﺸﯩﮕﻪ ﻗﻮﻻﻳﻠﯩﻖ ﺑﻮﻟﯘﺷﻰ ﻛﯧﺮﻩﻙ, ﺑﯘ ﺧﯧﺮﯨﺪﺍﺭﻻﺭﻧﯩﯔ ﺋﯘﻧﻰ ﺋﯩﺸﻠﯩﺘﯩﺸﻨﻰ ﺋﯚﮔﯩﻨﯩﺸﻜﻪ ﻛﻪﺗﻜﻪﻥ ﯞﺍﻗﺘﯩﻨﻰ ﺗﯧﺠﻪﭘﻼ ﻗﺎﻟﻤﺎﺳﺘﯩﻦ, ﻳﻪﻧﻪ ﺋﯘﻻﺭﻏﺎ ﮪﻮﺯﯗﺭ ﺑﯧﻐﯩﺸﻼﻳﺪﯗ.

ﺷﯘﻧﯩﯔ ﺋﯜﭼﯜﻥ, ﺧﯧﺮﯨﺪﺍﺭﻻﺭﻧﯩﯔ ﺗﻮﺭ ﺳﻮﺩﯨﺴﻰ ﻣﻪﺷﻐﯘﻻﺗﯩﻨﻰ ﻗﯩﻠﯩﺸﯩﻐﺎ ﻗﻮﻻﻳﻠﯩﻖ ﺑﻮﻟﯘﺷﻰ ﺋﯜﭼﯜﻥ, ﻣﺎﻳﯜﻥ ﺟﯘﯕﮕﻮ ﭘﻮﭼﺘﯩﺴﻰ ﺑﯩﻠﻪﻥ ﮪﻪﻣﻜﺎﺭﻟﯩﺸﯩﭗ, ﺋﻪﺷﻴﺎ ﺋﻮﺑﻮﺭﻭﺗﻰ ﻗﯘﺭﯗﻟﯘﺷﯩﻨﻰ ﺗﺎﻣﺎﻣﻠﯩﻐﺎﻥ; ﺑﺎﻧﻜﺎ ﺑﯩﻠﻪﻥ ﺑﯩﺮﻟﯩﺸﯩﭗ ﮪﻪﻣﻴﺎﻥ (ﺋﺎﻟﯩﭙﺎﻱ) ﻧﻰ ﺋﻮﺗﺘﯘﺭﯨﻐﺎ ﭼﯩﻘﯩﺮﯨﭗ, ﻣﻪﺑﻠﻪﻏﻨﯩﯔ ﻳﯚﺗﻜﯩﻠﯩﺶ ﻣﻪﺳﯩﻠﯩﺴﯩﻨﻰ ﺑﯩﺮ ﺗﻪﺭﻩﭖ ﻗﯩﻠﻐﺎﻥ.

ﻣﺎﻳﯜﻥ ﺋﯩﻨﺘﯧﺮﻧﯧﺖ ﺗﯧﺨﻨﯩﻜﯩﺴﯩﻨﻰ ﭼﯜﺷﻪﻧﻤﻪﻳﺪﯗ, ﺋﯘﻧﯩﯔ ﺋﯜﺳﺘﯩﮕﻪ ﺋﯚﮔﯩﻨﯩﺸﻜﻪ ﮪﻮﺭﯗﻧﻠﯘﻕ ﻗﯩﻠﻐﺎﭼﻘﺎ, ﺋﯘﻧﯩﯔ ﭘﯩﺮﻭﮔﺮﺍﻣﻤﯩﺮﻻﺭﻏﺎ ﻗﻮﻳﻐﺎﻥ ﺗﻪﻟﭙﻰ ﺋﺎﻟﻰ ﺑﺎﺑﺎ ﺗﻮﺭ ﺑﯧﻜﯩﺘﯩﺪﯨﻜﻰ ﮪﻪﺭ ﺧﯩﻞ ﺋﯩﻘﺘﯩﺪﺍﺭﻻﺭﻧﯩﯔ ﺋﯩﺸﻠﯩﺘﯩﺶ ﺋﯘﺳﯘﻟﯩﻨﻰ ﺯﻭﺭ ﺩﻩﺭﯨﺠﯩﺪﻩ ﺋﺎﺩﺩﯨﻴﻼﺷﺘﯘﺭﻏﺎﻥ, ﺑﯘ ﺋﺎﻟﻰ ﺑﺎﺑﺎﻧﯩﯔ ﺗﯧﺰ ﺳﯜﺭﺋﻪﺗﺘﻪ ﺗﻪﺭﻩﻗﻘﯩﻲ ﻗﯩﻠﯩﺸﯩﻐﺎ ﺗﯜﺭﺗﻜﻪ ﺑﻮﻟﻐﺎﻥ.

*************

ﻣﻪﻧﺒﻪ : ﭼﯩﯖﺪﯗ ﺩﻩﯞﺭ ﻧﻪﺷﯩﺮﻳﺎﺗﻰ 2014-ﻳﯩﻠﻰ 7-ﺋﺎﻳﻠﯩﻖ ﺗﯘﻧﺠﻰ ﻧﻪﺷﯩﺮﻯ

<< ﻣﺎﻳﯜﻧﻨﯩﯔ ﺋﯩﮕﯩﻠﯩﻚ ﺗﯩﻜﻠﻪﺵ ﺩﻩﺭﺳﺨﺎﻧﯩﺴﻰ >> ﻧﺎﻣﻠﯩﻖ ﻛﯩﺘﺎﺏ

ﺗﻪﺭﺟﯩﻤﻪ ﻗﯩﻠﻐﯘﭼﻰ : ﺋﻪﻗﯩﺪﻩ ﻗﺎﺷﮕﻪﺭﻟﯩﻜﻰ  ﺷﯩﺮﻛﯩﺘﻰ – ﺋﯘﻳﻐﯘﺭ ﻗﺎﺷﺘﯧﺸﻰ ﺗﻮﺭﻯ

WWW.UYHQT.CN

ﺗﻪﺭﺟﯩﻤﺎﻥ : ﺋﺎﺑﺪﯗﻟﻼ ﺋﯚﻣﻪﺭ

ﺗﻪﺭﺟﯩﻤﻪ ﺗﻪﮪﺮﯨﺮﻯ : ﺭﻩﻳﮭﺎﻧﮕﯜﻝ ﻧﯩﺰﺍﻡ

2015-ﻳﯩﻠﻰ