تەڭرىتاغ ئۇيغۇرچە تورى خەۋىرى: 1-ئاۋغۇست، مۇخبىرنىڭ ئۈرۈمچى شەھەرلىك تەڭرىتاغ تۈرلۈك ماللار سودا سارىيى، ۋاڭفۇجىڭ قاتارلىق سودا سارايلاردىن كۆرۈشىچە، بۇ يەردىكى ئالتۇن زىبۇ-زىننەتلەرنىڭ شۇ كۈنكى ھەر گىرام باھاسى 368~369 يۈەن بولۇپ، بۇ يىلنىڭ بېشىدىكى 270~280 يۈەن باھادىن %30 ئەتراپىدا ئۆرلىگەن.

تونۇشتۇرۇلۇشىچە، ئالتۇن باھاسىنىڭ ئۆرلىشى ئامېرىكا دوللىرى بىلەن مۇناسىۋەتلىك ئىكەن. ئەگەر دوللار كۆرسەتكۈچى ئۆرلىسە ئالتۇن باھاسى چۈشۈپ كېتىدىكەن، ھالبۇكى، يېقىنقى بىر يىلدىن بۇيان ئامېرىكا دوللار كۆرسەتكۈچى تۆۋەنلىگەن بولۇپ، بۇنىڭ تەسىرىدە ئالتۇن باھاسى ئۆرلەپ كەتكەن.