ئەقىدە شىركىتى مەرۋايىت زىننەتلىرى بۆلىمىدىن ئادالەت ئابلىكىم تەرجىمىسى

تۇنجى نۆۋەتلىك << جۇڭگۇ يىپەك يولى  ۋە خوتەن قاش مەدەنىيىتى مۇھاكىمە يىغىنى  >>  8 - ئاينىڭ 23 - كۈنىدىن 27 - كۈنىگىچە ماناس ناھىيەسىدە ئۆتكۈزىلدى.

بۇ قېتىمقى مۇھاكىمە يىغىنىغا جۇڭگۇغا داڭلىق خوتەن قاش ۋە  قاش ئويما تەتقىقاتچىلىرى ھەم مۇتەخەسىسلەردىن ئاتمىشتىن ئارتۇق كىشى ۋە  خوتەن قاشلىرىنى  يىغىپ ساقلىغۇچى ھەۋەسكارلاردىن قىرىق نەچچە كىشى قاتناشتى.

مۇھاكىمە يىغىنىدا جۇڭگۇغا داڭلىق قاش ئويما تەتقىقاتچىلىرى ۋە مۇتەخەسىسلەر << چىيەنلوڭ ئوردىسى ۋە ماناس يېشىل قاشلىرى ئۈستىدە تەتقىقات >> ، << مىڭ ،چىڭ سۇلالىسى دەۋرىدىكى يېشىل قاش مەدەنىيىتى ۋە  ئويمىچىلىقىدىكى ئالاھىدىلىك ھەم  يىتەرسىزلىكلەر ۋە ئۇنىڭ   ماناس يېشىل قاشلىرى بىلەن بولغان مۇناسىۋىتى >>، << غەربىي يۇرت يېشىل قاشلىرىنىڭ تارىخى ۋە قىممىتى >> ، <<  جۇڭگۇ قەدىمىي يىپەك يولىدىكى قاشتېشى ھەققىدە پاراڭلار >> ، << يېشىل قاشلارنىڭ ئىشلىتىلىشى ھەققىدە مۇلاھىزە >> ، << ئاپتۇنۇم رايۇنىمىزنىڭ جۇڭگۇ قاش ئويمىچىلىقىدا تۇتقان ئالاھىدە ئورنى >> قاتارلىق تېمىلاردا تەتقىقات ۋە مۇھاكىمە ئېلىپ باردى.

ماناس يېشىل قاشلىرىنىڭ ئىشلىتىلىش تارىخى ئۇزۇن  بولۇپ ، قەدىمدىن ھازىرغىچە كىشىلەرنىڭ قارشى ئېلىشىغا ۋە ياقتۇرۇپ ئىشلىتىشىگە سازاۋەر بولۇپ كەلگەن . بۇ قېتىمقى مۇھاكىمە يىغىنىڭ ئېچىلىشى  كىشىلەرنىڭ ماناس يېشىل قاشلىرىغا بولغان تۇنۇشىنى ئاشۇرۇپ ،ئۇنىڭ ئابرويىنى تېخىمۇ كۆتۈرىدۇ . بۇ ئارقىلىق ماناس يېشىل قاش بازىرى تېخىمۇ تەرەققىي قىلىپ ، بۇ بىباھا گۈھەر دىيارىمىز ، ئىچكىرى ئۆلكە شۇنداقلا دۇنيا بازىرىغا يۈزلەنگۈسى .

مەنبە : تور دۇنياسى

2015-يىلى 8-ئاينىڭ 26-كۈنى