ئەقىدە شىركىتى مەرۋايىت زىننەتلىرى بۆلىمىدىن  ئادالەت ئابلىكىم تەرجىمىسى 

2015-يىلى 3-ئايدا شىنجاڭ جاۋاھىرات جەمىئىتى خوتەن ناھىيەسىدە قاشتېشى ئويمىچىلىق ھۈنەر-تېخنىكىسى تەربىيلەش سىنىپى قۇرۇپ ياشلارنى ئويمىچىلىق جەھەتتە تەربىيلەشنى رەسمى باشلىغان بولۇپ ،ئەينى چاغدا بۇ تۈرگە 700 مىڭ يۈەندىن كۆپرەك مەبلەغ سېلىنىپ  ئويمىچىلىق ئۈسكىنىسىدىن 60 نەچچە يۈرۈش سەپلەنگەن ئىدى.

ھازىرغىچە بۇ سىنىپنىڭ ئىككى قارارلىق ئۇقۇشى پۈتكەن بولۇپ ، دۆلەت دەرىجىلىك خوتەن قاش ئويمىچىلىق ئۇستازلىرىدىن جاۋمېن ، پەن جۈنمىن ، گو خەيجۈن ، جو يەنمىڭ ، ياڭزى ھەم ئۆلكە دەرىجىلىك خوتەن قاش ئۇستازلىرىدىن ۋۇ دوڭپېي  ، شى گۈيشىن ، يۈياۋ ، ۋاڭ چۈنخۇا قاتارلىق 30 نەچچەيلەن ھەقسىز دەرس ئۆتۈپ ، 100 دىن كۆپرەك شاگىرتىنى تەربىيلەپ يىتىشتۈرگەن . ئوقۇغۇچىلار  ئۆگىنىش جەريانىدا ئويغان ئويمىلار 170 مىڭ يۈەندىن كۆپرەك پۇلغا سېتىلغان بولۇپ ،بۇ پۇللارنىڭ ھەممىسى سىنىپنىڭ ئۇقۇش شارائىتىنى ياخشىلاشقا ئىشلىتىلگەن. 

خوتەندىكى قاش ئويمىچىلىقىغا قىزىقىدىغان ياشلارغا تېخىمۇ ياخشى ئۆگىنىش شارائىتى ھازىرلاپ بېرىش ئۈچۈن شىنجاڭ جاۋاھىرات جەمىئىتى  بۇ سىنىپنى قاشتېشى ئويمىچىلىق ھۈنەر-تېخنىكىسى تەربىيلەش بازىسى قىلىپ ئۆزگەرتىپ بۇ يىل 4-ئاينىڭ 18-كۈنى خوتەن ناھىيەسى كەسپى تېخنىكا مەكتىپىدە لىنتا كېسىش مۇراسىمىنى ئۆتكۈزدى .

شىنجاڭ جاۋاھىرات جەمىئىتىنىڭ باشلىقى گو لەنشىياڭ خانىم  تەبرىك سۆزى قىلدى.

گو لەنشىياڭ خانىم ۋە  مەكتەپ مۇدىرى قەيسەر ئەمەت تەربىيلەش بازىسىنىڭ يۇپۇقىنى ئاچتى. 

لىنتا كېسىش مۇراسىمىدا بۇ تەربىيلەش سىنىپىغا يەنە يېڭىدىن 90 نەپەر ئۇيغۇر ئوقۇغۇچى قوبۇل قىلىندى . كۆپچىلىك  بىرلىكتە خاتىرە سۈرەتكە چۈشتى.

مەنبە : جۇڭگۇ خوتەن قاش ژۇرنىلى 25-سان ، ئاسىيا كىندىكى تورى

ئالاقىلاشقۇچى : ئابلىكىم ئويمىچى 

ئالاقە : 13369688806

2016-يىلى 8-ئاينىڭ 5-كۈنى

بۇ مەكتەپكە ئالاقىدار مەزمۇنلارغا قىزىقسىڭىز تۆۋەندىكى ئىككى ماقالىنىمۇ كۆرۈڭ:

خوتەن قاش ئويمىچىلىق تەربىيلەش سىنىپىدا دەرس باشلاندى

خوتەن قاش ئويمىچىلىق تەربىيلەش سىنىپىدا دەرس باشلاندى (خوتەن قاش مەدەنىيىتى جەمگاھى 98 )

خوتەندىكى ئويمىچى بالىلىرىمىزغا نەزەر