ئابدۇرىشات موساجان توغرۇل

(ئەقىدە جاۋاھىرات تورىمىزنىڭ ئالاھىدە تەكلىپلىك خوتەن قاش مەدەنىيىتى مۇتەخەسىسى)

<< جاۋاھىرات >> سۈزىنىڭ كەڭ مەنىدىكى ۋە تار مەنىدىكى ئىككى خىل تەبىرى بار .

كەڭ مەنىدىن:تۈرلۈك گۈھەر تاشلار،ئالتۇن،كۈمۈش،باشقا قىممەت باھالىق مىتاللار،ئۈنچە-مەرۋايىت،مارجان،سەدەپ،كەھرىۋا،ئالماس شۇنداقلا تۈرلۈك گۈھەر تاشلاردىن ئۇيۇلغان ھەرخىل بۇيۇملار،ئالتۇندىن ياسالغان ھەرخىل بۇيۇملار،كۈمۈشتىن ۋە باشقا قىممەت باھالىق مىتاللاردىن ياسالغان ھەرخىل بۇيۇملار،قىممەتلىك ئاسارە ئەتىقىلەر،سەنئەت بۇيۇملىرى،زىننەت بۇيۇملىرى.......قاتارلىقلارنى كۆرسىتىدۇ.

تار مەنىدە:گۈھەر تاشلار ۋە ئالتۇن،كۈمۈشتىن ياسالغان قىممەتلىك بۇيۇملار،قىممەت باھالىق گۈھەر تاشلاردىن كۆز قۇيۇلغان زىننەت بۇيۇملىرى قاتارلىقلارنى كۆرسىتىدۇ.

خان-پادىشاھ،ۋەزىر-ۋۇزرالار تار مەنىدىكى ئۇقۇمنى قوللانغان بولسا،ئاۋام پۇقرا كەڭ مەنىدىكى ئۇقۇمنى قوللانغان.

بۈگۈنكى دەۋردە كۆزدە تۇتۇلغىنى كەڭ مەنىدىكى جاۋاھىرات ئۇقۇمى بولۇپ،قىممەت باھالىق گۈھەر تاشلار،ئۈنچە-مارجان،مەرۋايىت،سەدەپ،قىممەت باھالىق مىتاللار قاتارلىقلارنىڭ خام،ئىش قۇشۇلمىغان ئەسلى ھالىتىدىكىنىمۇ ؛ پىششىقلاپ ئىشلەنگەنلىرىنىمۇ ئۆز ئىچىگە ئالىدۇ.

بۇرۇنقى دەۋرلەردە پادىشاھلارنىڭ خەزىنىسىدىكى بۇيۇملارنىڭ ھەممىسى تار مەنىدىكى جاۋاھىرات ھىساپلانغان.ئاۋام پۇقرالار ئارىسىدا بايلارنىڭ قۇلىدىكى قىممەت باھالىق بۇيۇملار كەڭ مەنىدىكى جاۋاھىرات سانالغان.

---

ئاپتۇر كېرىيە ناھىيەلىك مەدەنىيەت -تەنتەربىيە ئىدارىسىدا

2017-يىلى 4-ئاينىڭ 16-كۈنى