گېردىن تېغىدىكى خاتىرە–ئابىدە چىڭ سۇلالىسىنىڭ جۇڭغارلارنى تىنجىتقانلىقىنىڭ خاتىرە ئابىدىسى. ئابىدە كۆك تاشتىن ياسالغان بولۇپ، ئومومىي ئېگىزلىكى 303 سانتىمېتىر، كەڭلىكى 98 سانتىمېتىر، قېلىنلىقى 27 سانتىمېتىر كېلىدۇ. ئابىدىنىڭ ئىككى تەرىپىگە خەنزۇچە، مانجۇچە، موڭغۇلچە ۋە تۈبۈتچىدىن ئىبارەت تۆت خىل يېزىقتا جۇڭغارلارنىڭ يۇقىرى قاتلىمىدىكىلەرنىڭ مالىمانچىلىقىنى تىنجىتىش جەريانى خاتىرىلەنگەن. گېردىن تېغى ئىلى قازاق ئاپتونوم ئوبلاستىنىڭ موڭغۇلكۈرە ناھىيەسى تەۋەسىدە. چيەنلۇڭنىڭ 20-يىلى (1755-يىلى) 5-ئايدا، جۇڭغار قەبىلىسىنىڭ سابىق باش ۋەزىرى ئايۇش چىڭ سۇلالىسىنىڭ قوشۇنىنى باشلاپ، گېردىن تېغىدىكى دۈشمەن لاگېرىغا كېچىدە ھوجۇم قىلغان. جۇڭغارلارنىڭ سەركەردىسى داۋچى جەنۇبىي شىنجاڭغا قېچىپ بېرىپ، ئۇچتۇرپاندا ئەسىرگە چۈشكەن. بۇ زور غەلبىنى خاتىرىلەش ئۈچۈن، چيەنلۇڭ گېردىن تېغىدا ئابىدە تىكلەتكۈزگەن. ئۇنىڭ نامى ‹‹جۇڭغارلارنى تىنجىتقانلىق خاتىرىلەنگەن گېردىن تېغىدىكى ئابىدە›› دەپ ئاتالغان.