جىڭ بو خەۋىرى : مۇخبىرنىڭ ئاپتونوم رايونلۇق مائارىپ نازارىتىدىن ئىگىلىشىچە، 2011 – يىلى 6 – ئايغىچە دۆلەت ۋە ئاپتونوم رايون ئاپتونوم رايونىمىزدىكى قوش تىللىق ئوقۇتقۇچىلارنى تەربىيەلەشكە 290 مىليون 204 مىڭ 900 يۈەن خىراجەت ئاجرىتىپ، جەمئىي 16 مىڭ 443 ئوقۇتقۇچىنى دۆلەت ۋە ئاپتونوم رايون دەرىجىلىك تەربىيەلەشكە قاتناشتۇرغان، ئۇنىڭ ئىچىدە 13 مىڭ 666 ئوقۇتقۇچى بىر يىلدىن ئىككى يىلغىچە تەربىيەلىنىپ، يەرلىكنىڭ قوش تىللىق ئوقۇتۇشىدىكى مۇھىم كۈچكە ئايلانغان.

    ئاپتونوم رايونلۇق مائارىپ نازارىتى ئوقۇتقۇچىلار باشقارمىسىنىڭ مۇئاۋىن باشلىقى تابېس بېجىن مۇنداق دېدى: ھازىر ئاپتونوم رايونىمىز قوش تىللىق ئوقۇتقۇچىلارنى تەربىيەلەشتە 35 ياشتىن تۆۋەن ئوقۇتقۇچىلار، باشلانغۇچ مەكتەپ ئوقۇتقۇچىلىرى ۋە بالىلار باغچىسى ئوقۇتقۇچىلىرىنى تەربىيەلەشنى ئاساس، تولۇقسىز ئوتتۇرا مەكتەپ، تولۇق ئوتتۇرا مەكتەپ ئوقۇتقۇچىلىرىنى تەربىيەلەشنى قوشۇمچە قىلىۋاتىدۇ ھەم بۇ خىزمەتنى ئاپتونوم رايونىمىزنىڭ قوش تىللىق ئوقۇتۇشىنى ئىلگىرى سۈرۈش خىزمىتىنىڭ ئېھتىياجى بىلەن ماسلاشتۇرۇۋاتىدۇ. تەربىيەلەش قاتلىمى ۋە دەرسلىك بالىلار باغچىسىدىن تولۇق ئوتتۇرىغىچە بولغان تۆت ئوقۇش باسقۇچى ھەم 19 ئىجتىمائىي، تەبىئىي پەنگە چېتىلدى، قاپلاش دائىرىسى كەڭ بولۇپ، ئىلمىي تەربىيەلەش سىستېمىسى شەكىللەندۈرۈلدى