شىنخۇا ئاگېنتلىقى، بېيجىڭ، 23 – ماي تېلېگراممىسى. جۇڭگو كوممۇنىستىك پارتىيەسى قۇرۇلغانلىقىغا 90 يىل بولغان پەيتتە، مەركىزىي كومىتېت تەشۋىقات بۆلۈمى نەزەرىيە ئىدارىسى، مەركىزىي كومىتېت تەشكىلات بۆلۈمى كادىرلارنى تەربىيەلەش ئىدارىسى پارتىيە تارىخى، پارتىيە بىلىملىرىنى ئۆگىنىشنى يەنىمۇ كۈچەيتىپ، ئۆگىنىشچان پارتىيە تەشكىلاتى قۇرۇلۇشىنى يەنىمۇ ئىلگىرى سۈرۈش ئۈچۈن يېقىندا پارتىيەلىك كادىرلار 4 – تۈركۈمدە ئۆگىنىدىغان كىتابلار كاتالوگىنى تەۋسىيە قىلدى.

    4 – تۈركۈمدە ئۆگىنىشكە تونۇشتۇرۇلغان كىتابلار ‹‹پارتىيەنىڭ ئاممىۋى خىزمىتى توغرىسىدا مۇھىم بايانلاردىن تاللانما››، ‹‹جۇڭگو كوممۇنىستىك پارتىيەسىنىڭ تارىخى(2 – توم)››، ‹‹ئاتام نيې رۇڭجېننى ئەسلەيمەن››، ‹‹چيەن شۆسېن توغرىسىدا ھېكايىلەر››، ‹‹زۇنيى! زۇنيى!››دىن ئىبارەت. بۇ كىتابلار پارتىيەمىز رەھبەرلىرىنىڭ ئالاقىدار مۇھىم بايانلىرىنىمۇ، ئەڭ يېڭى تەتقىقات نەتىجىلىرى ئەكس ئەتتۈرۈلگەن پارتىيە تارىخى ئەسەرلىرىنىمۇ، شۇنداقلا، سىياسىۋىلىك، چىنلىق ۋە ئوقۇشچانلىقنى بىرلەشتۈرگەن ئەدەبىي ئاخباراتلارنىمۇ ئۆز ئىچىگە ئالىدۇ. بۇ كىتابلاردا جۇڭگو كوممۇنىستىك پارتىيەسى قۇرۇلغان 90 يىلدىن بۇيان پارتىيەمىزنىڭ مەملىكەتتىكى ھەر مىللەت خەلققە رەھبەرلىك قىلىپ يېڭى جۇڭگو قۇرۇش، سوتسىيالىستىك قۇرۇلۇشنى قانات يايدۇرۇش، ئىسلاھات، ئېچىۋېتىشنى يولغا قويۇش، جۇڭگوچە سوتسىيالىزم يولىنى ئېچىش جەريانىدا بېسىپ ئۆتكەن ئاجايىپ مۇساپىلىرى، قولغا كەلتۈرگەن شانلىق نەتىجىلىرى ۋە قىممەتلىك تەجرىبىلىرى ھەر خىل نۇقتىدىن ئەكس ئەتتۈرۈلگەن.