شىنخۇا ئاگېنتلىقى، بېيجىڭ، 22-مارت تېلېگراممىسى: مەركىزىي سىياسىي قانۇن كومىتېتىنىڭ 11-قېتىملىق ئومۇمىي يىغىنى 22-چېسلا چۈشتىن بۇرۇن بېيجىڭدا چاقىرىلدى. ج ك پ مەركىزىي كومىتېتى سىياسىي بيۇروسىنىڭ دائىمىي ئەزاسى، مەركىزىي سىياسىي قانۇن كومىتېتىنىڭ شۇجىسى جۇۋ يۇڭكاڭ يىغىنغا رىياسەتچىلىك قىلدى ھەم مۇنداق تەكىتلىدى: ھەر دەرىجىلىك سىياسىي قانۇن ئورگانلىرى مەملىكەتلىك «ئىككى يىغىن»نىڭ روھىنى ئەستايىدىل ئۆگىنىپ ۋە ئىزچىللاشتۇرۇپ، ئىدىيەۋى ھەرىكىتىنى مەركەزنىڭ ۋەزىيەتكە بولغان تەھلىل-ھۆكۈمى ۋە تەدبىر ئورۇنلاشتۇرمىلىرى بىلەن بىرلىككە كەلتۈرۈپ، سىياسىي قانۇن خىزمىتىنى تېخىمۇ ئاڭلىق ھالدا پارتىيە ۋە دۆلەت ئىشلىرىنىڭ تەرەققىيات ئومۇمىي ۋەزىيىتدە تۇرۇپ پىلانلاپ ۋە ئىلگىرى سۈرۈپ، سىياسىي قانۇن خىزمىتىنى، سىياسىي قانۇن قوشۇنى قۇرۇلۇشىنى يەنىمۇ كۈچەيتىپ، جەمئىيەتنىڭ ئادىل-ھەققانىيلىقىنى، جەمئىيەت ئىناقلىقى ۋە مۇقىملىقىنى يەنىمۇ قوغداپ، ئىقتىسادنىڭ تەرەققىيات ئۇسۇلىنىڭ ئۆزگىرىشىنى تېزلىتىش، ئىقتىسادنىڭ تەكشى، مۇقىم، تېزرەك تەرەققىياتىنى ساقلاش، «11-بەش يىللىق پىلان» مەزگىلىدىكى ئىقتىسادىي، ئىجتىمائىي تەرەققىيات نىشانىنى ئومۇميۈزلۈك ئەمەلگە ئاشۇرۇشنى كاپالەتلەندۈرۈشمىز لازىم.
مەنبە: خەلق گېزىتى