فرانسىيە ئاخبارات ئاگېنتلىقى، ستوكھولېم تېلېگراممىسى. نوبېل ئەدەبىيات مۇكاپاتىغا ئېرىشكەن خېتا مىللېر مۇشۇ ھەپتە نوبېل مۇكاپاتىغا ئېرىشكەن 4 – ئايال بولۇپ، 2009 – يىلى ئاياللار نوبېل مۇكاپاتىغا ئېرىشىش جەھەتتە رېكورت يارىتىلغان بىر يىل بولۇپ قالدى.

     دۈشەنبە كۈنى ئاۋسترالىيە ۋە ئامېرىكىدىن ئىبارەت قوش دۆلەت تەۋەلىكىگە ئىگە ئايال ئېلزابېت بلاكبۇرن ۋە ئامېرىكىلىق ئايال كارول گرادېر ئامېرىكىلىق ئالىم جېك شوستاك بىلەن بىللە نوبېل فىزىئولوگىيە مۇكاپاتى ياكى تېببىي مۇكاپاتىغا ئېرىشتى.

     چارشەنبە كۈنى ئىسرائىلىيىلىك ئايال ئادا يونات خىمىيە جەھەتتىكى كۆرۈنەرلىك تۆھپىسى بىلەن نوبېل خىمىيە مۇكاپاتىغا ئېرىشكەن ئۈچئالىمنىڭ بىرى بولۇپ قالدى؛ پەيشەنبە كۈنى شۋېتسىيە ئەدەبىيات پەنلىرى ئاكادېمىيىسى ئەدەبىيات مۇكاپاتىنى مىلېرغا بەردى.

    بۇنىڭدىن ئىلگىرى، يەنى 2004 – يىلى ئاياللار نوبېل مۇكاپاتىغا ئەڭ كۆپ ئېرىشكەن بولۇپ، ئۈچ ئايال نوبېل مۇكاپاتىغا ئېرىشكەن.

   ئومۇمەن ئېيتقاندا، نوبېل مۇكاپاتى تارىختا 39 ئايالغا 40 قېتىم نوبېل مۇكاپاتى بېرىلگەن بولۇپ، كيۇرى خانىم بۇ مۇكاپاتقا ئىككى قېتىم ئېرىشكەن.