[فرانسىيە ‹‹كرېست گېزىتى››تور پونكىتىنىڭ ماقالىسى ] ئامېرىكىنىڭ بىر تەتقىقات دوكلاتىدا : دۇنيادا 65 ياشتىن ئاشقانلار ئىگىلىگەن نىسبەت تېز ئاشماقتا ، بۇ ئەھۋال يەنە تەرەققىي قىلىۋاتقان دۆلەتلەرگىچە كېڭىيىۋاتىدۇ ، دېيىلدى .

  ئامېرىكا نوپۇسنى ستاتىستىكا قىلىش ئىدارىسى يېقىندا ئېلان قىلغان بىر دوكلاتىدا : 2040 – يىلىغا بارغاندا ، دۇنيا ئاھالىسى 9 مىليارد 300 مىليون كىشىگە يېتىدۇ ، بۇنىڭ ئىچىدە 65 ياشتىن ئاشقانلار ئىگىلىگەن نىسبەت بىر ھەسسە ئېشىپ ، بۇرۇنقى %7 تىن %14 كە يېتىدۇ . دۇنيادا ياشانغانلار 2010 – يىلىدىن كېيىن تېز كۆپىيىدۇ ، 2015 – يىلىغا بارغاندا 65 ياشتىن ئاشقانلار ئىگىلىگەن نىسبەت بەش ياشتىن تۆۋەنلەر ئىگىلىگەن نىسبەتتىن ئېشىپ كېتىدۇ ، بۇ ئىنسانلار تارىخىدا تېخى تۇنجى قېتىملىق ئىش ، دېيىلدى .

  نىسبەت جەھەتتىن قارىغاندا ، تەرەققىي قىلغان دۆلەتلەردە ياشانغانلار ئىگىلىگەن ئىگىلىگەن نىسبەت سەل يۇقىرى بولغان ، لېكىن تەرەققىي قىلىۋاتقان دۆلەتلەردىمۇ  تېز ئېشىۋېتىپتۇ .

   35 دۆلەتتە ، ياشانغانلارنىڭ كۆپىيىشى ئومۇمىي نوپۇسنىڭ تۆۋەنلىشى بىلەن تەڭ كۆرۈلگەن . 2040 – يىلىغا بارغاندا ، روسىيىنىڭ ئومۇمىي نوپۇسى 24 مىليون كىشى ئازىيىپ ، %21 تۆۋەنلەيدىكەن . ياپونىيىنىڭ نوپۇسىمۇ تۆۋەنلەيدىكەن، مۆلچەرلىنىشچە ، 23 مىليون كىشى ئازىيىشى مۇمكىنكەن ، شۇنىڭ بىلەن بىللە 65 ياشتىن ئاشقانلار ئىگىلىگەن نىسبەت ھازىرقى %22.6 تىن %34.4 كە يېتىپ ، دۇنيادىكى باشقا دۆلەتلەرنىڭكىدىن ئېشىپ كېتىدىكەن .

   نوپۇسنىڭ كۆپىيىش نىسبىتى ئىنتايىن تۆۋەن بولغان تەرەققىي قىلىۋاتقان دۆلەتلەر ئۇچراۋاتقان ياشانغانلار كۆپىيىش تەھدىتى تېخىمۇ ئېغىر بولىۋاتىدۇ . جەنۇبىي ئافرىقىدا 2040 – يىلىغا بارغاندا ، نوپۇس 8 مىليون كىشى ئازىيىپ كېتىشى مۇمكىن .