11 – ئىيۇل ، 11 – نۆۋەتلىك مەملىكەتلىك خەلق قۇرۇلتىيى دائىمىي كومىتېتىنىڭ ئەزاسى ، شىنجاڭ ئىجتىمائىي پەنلەر ئاكادېمىيىسى پارتكومىنىڭ شۇجىسى ئابدۇرازاق تۆمۈر شىنخۇا ئاگېنتلىقى مۇخبىرىنىڭ زىيارىتىنى قوبۇل قىلغاندا مۇنۇلارنى بىلدۈردى: ئۈرۈمچى ‹‹ 5–ئىيۇل ›› ۋەقەسىنىڭ شىنجاڭنىڭ ئىقتىسادىي تەرەققىياتىغا بولغان بۇزغۇنچىلىق دەرىجىسى دۇنيا پۇل مۇئامىلە كىرىزىسىنىڭ شىنجاڭغا بولغان تەسىرىدىنمۇ ئېشىپ كەتتى .

      ئابدۇرازاق تۆمۈر شىنجاڭدا ئىقتىساد ، جەمئىيەت ، مىللەت مەسىلىلرىنى ئۈزۈن مەزگىل تەتقىق قىلىپ كەلگەن ئۇيغۇر مۇتەخەسسىس . ئۇ : يېڭى جۇڭگو قۇرۇلغاندىن بۇيان ، بولۇپمۇ ، پارتىيىنىڭ 11 – نۆۋەتلىك 3 – ئومۇمىي يىغىنىدىن بۇيان ، شىنجاڭنىڭ ئىقتىسادى ئۇچقاندەك تەرەققىي قىلدى ، ھەر مىللەت خەلقىنىڭ تۇرمۇش سەۋىيىسى زور دەرىجىدە يۇقىرى كۆتۈرۈلدى ، دېدى . 

       11 – نۆۋەتلىك خەلق قۇرۇلتىيى دائىمىي كومىتېتىنىڭ ئەزاسى ، شىنجاڭ ئىجتىمائىي پەنلەر ئاكادېمىيىسى پارتكومنىڭ شۇجىسى ئابدۇرازاق تۆمۈر : تارىخنى ئەسلەيدىغان بولساق ، شىنجاڭدا  ھەر مىللەت خەلقى ئىتتىپاق ، سىياسىي ۋەزىيەت مۇقىم بولغاندىلا ، ئىقتىسادىمىز تېز تەرەققىي قىلىپ ، خەلقنىڭ تۇرمۇش سەۋىيىسى زور دەرىجىدە يۇقىرى كۆتۈرۈلگەن ؛ قايسى ۋاقىتتا جەمئىيەتتە ئىتتىپاقسىزلىق ، مۇقىمسىزلىق كۆرۈلسە ، شۇ ۋاقىتتا خەلقنىڭ بېشىغا بالايى ئاپەت ياغقان ، دېدى . 

       لېكىن  بۇ قېتىمقى ‹‹ 5 – ئىيۇل ›› ۋەقەسى ، شىنجاڭنىڭ ئىقتىسادى ۋە ئىجتىمائىي مۇقىملىقىغا ناھايىتى زور زىيانلارنى ئېلىپ كەلگەن بولۇپ ، ئۇ بىز  50 يىلدىن بۇيان بارلىققا كەلتۈرگەن باراۋەرلىك ، ئىتتىپاقلىق ، ھەمكارلىق ، ئىناقلىقدىن ئىبارەت قېرىنداشلارچە مۇناسىۋەتنى بۇزدى ، بۇ ئىقتىسادى تەرەققىياتنىڭ  پۇختا  ئاساسى ، شۇڭا ئۇنىڭ بۇزغۇنچىلىق دەرىجىسى پۇل مۇئامىلە كرىزىسىنىڭ شىنجاڭغا بولغان تەسىرىدىن ئېشىپ كەتتى . 

      ئابدۇرازاق تۆمۈر يەنە مۇنداق دېدى ، ئۈرۈمچى ‹‹ 5 – ئىيۇل ›› ۋەقەسى نۆۋەتتە ، ئاممىنىڭ تۇرمۇشى ، ئىقتىسادى ۋە ئىجتىمائىي تەرتىپىگە بۇزغۇنچىلىق قىلىپلا قالماي ، يەنە شىنجاڭنىڭ كەلگۈسىدىكى تەرەققىياتى ئۈچۈنمۇ پايدىسىز تەسىرلەرنى ئېلىپ  كەلدى .

     11 – نۆۋەتلىك خەلق قۇرۇلتىيى دائىمىي كومىتېتىنىڭ ئەزاسى ، شىنجاڭ ئىجتىمائىي پەنلەر ئاكادېمىيىسى پارتكومنىڭ شۇجىسى ئابدۇرازاق تۆمۈر : بۇ ۋەقە شىنجاڭنىڭ خەلقئارادىكى ئوبرازىغا تەسىر كۆرسەتتى ، نۇرغۇن كارخانىچىلار شىنجاڭغا مەبلەغ سېلىپ كارخانا قۇرماقچى بولدى ، لېكىن ‹‹5 – ئىيۇل ›› ۋەقەسىدىن كېيىن بۇ خوجايىنلارنىڭ شىنجاڭغا مەبلەغ سېلىش ئىشەنچىسى سۇسلاشتى ، بىزنىڭ قورقىدىغىنىمىز ئۇلارنىڭ كەلمەسلىكى ، ئەگەر ئۇلار كەلمىسە شىنجاڭنىڭ ئىقتىسادى ناھايىتى زور زىيانغا  ئۇچرايدۇ ، دېدى .

     ئابدۇرازاق تۆمۈر ئاخىرىدا مۇنداق دېدى : ئۈرۈمچى ‹‹ 5 – ئىيۇل ›› ۋەقەسىنىڭ تېخىمۇ زور سەلبى تەسىر پەيدا قىلىشىنىڭ ئالدىنى ئېلىش ئۈچۈن ، بىر تەرەپتىن دەرھال قاتتىق تەدبىر قوللىنىپ ، جىنايەتچى ئۇنسۇرلارغا قاتتىق زەربە بېرىپ ، ئۇلارنى ۋاقتىدا بىر تەرەپ قىلىش كېرەك . يەنە بىر تەرەپتىن ، ئاممىغا ئىتتىپاقلىقىنى كۈچەيتىش ، مۇقىملىقنى قوغداش تەشۋىق – تەربىيىسى ئېلىپ بېرىپ ، ئۈرۈمچىنىڭ ئىقتىسادىي ، ئىجتىمائىي ۋە تۇرمۇش تەرتىپىنى تېزدىن ئەسلىگە كەلتۈرۈپ ، كىشىلەرنىڭ شىنجاڭغا مەبلەغ سېلىش ، خىزمەت قىلىش ئىشەنچىىسىنى ئاشۇرۇشىمىز كېرەك .