ئامېرىكىدا A تىپلىق H1N1 تارقىلىشچان زۇكام بىلەن قازا قىلغان تۇنجى ئادەم ( تېكساس شىتاتىدىن جۇدى )

      شىنخۇا تورى ۋاشىنگتون 6 – ماي تېلېگراممىسى : ئامېرىكا كېسەللىكلەرنى كونترول قىلىش ۋە ئالدىنى ئېلىش مەركىزىنىڭ 6 – ماي تارقاتقان ئەڭ يېڭى سانلىق مەلۇماتىدا كۆرسىتىلىشىچە : ئامېرىكىدا A تىپلىق H1N1 تارقىلىشچان زۇكام بىلەن يۇقۇملانغۇچىلارنىڭ سانى 642 گە يەتكەن بولۇپ ، ئىككى ئادەم قازا قىلغان .

      سانلىق مەلۇماتتا كۆرسىتىلىشىچە : A تىپلىق H1N1 تارقىلىشچان زۇكام ئامېرىكىنىڭ 41 شىتاتىغا تارقالغان بولۇپ ، يۇقۇملانغۇچىلارنىڭ سانى بىر قەدەر كۆپ بولغىنى ئايرىم – ئايرىم ھالدا ئىللىنويىز شىتاتى (122 ئادەم ) ، نيۇيورك شىتاتى (97 ئادەم ) ، كالىفورنىيە شىتاتى (67 ئادەم ) ، تېكساس شىتاتى (61 ئادەم ) ، ئارىزونا شىتاتى (48 ئادەم ) لار ئىكەن .

      ئامېرىكىدا A تىپلىق H1N1 تارقىلىشچان زۇكام بىلەن يۇقۇملانغۇچىلارنىڭ سانى يېقىنقى ئۈچ كۈندە بىر ھەسسە كۆپەيگەن . 4 – مايدىكى سانلىق مەلۇماتتا 297 ئادەم ، 5 – مايدىكى مەلۇماتتا 403 ئادەم يۇقۇملانغان بولۇپ ، يەنە بىر ئادەم قازا قىلغان . 4 – ماي ئامېرىكىنىڭ ئوتتۇرا قىسمىدىكى ئىللىنويىز شىتاتىدىكى 8 نەپەر يۇقۇملانغۇچىنىڭ سانى 5 – ماي 83 كە كۆپەيگەن .

      ئامېرىكا كېسەللىكلەرنى كونترول قىلىش ۋە ئالدىنى ئېلىش مەركىزىنىڭ مۇۋەققەت مۇدىرى رىچاد بىسار 4 – ماي ئاخبارات ۋاستىلىرىنىڭ زىيارىتىنى قوبۇل قىلىپ مۇنۇلارنى بىلدۈردى : A تىپلىق H1N1 تارقىلىشچان زۇكام ئاخىرىدا ئامېرىكىنىڭ 50 شىتاتىنىڭ ھەممىسىدە كۆرۈلۈشى مۇمكىن .

      5 – ماي ، ئامېرىكا تېكساس شىتاتى سەھىيە تارمىقىدىكى مەسئۇل خادىم مۇنۇلارنى مۇئەييەنلەشتۈردى : تېكساس شىتاتىدىكى جۇدى ئىسىملىك ئايال A تىپلىق H1N1 تارقىلىشچان زۇكام تارقىلىپ ئامېرىكىدا قازا قىلغان تۇنجى ئادەم بولۇپ ھېسابلىنىدىكەن .