shinjang uyghur aptonom rayonluq xelq hökümitining permani

166 – nomurluq

    2011 – yil 23 – mart, Shinjang uyghur aptonom rayonluq 11 – nöwetlik xelq hökümitining 20 – qëtimliq daimiy yighini ‹‹shinjang uyghur aptonom rayonining kespiy orunlarning apparati we ishtatini bashqurush charisi››ni maqullidi, 2011 – yil 1 – iyuldin bashlap yolgha qoyulsun.

    shinjang uyghur aptonom rayonining reisi nur bekri

    2011 – yil 4 – aprël

    1 – bab omumiy pirinsip

    1 – madda bu chare kespiy orunlarning apparat we ishtatini bashqurushni kücheytish we qëliplashturush meqsitide, Alaqidar qanun, Memuriy nizamlar we döletning apparat – ishtat xizmitidiki belgilimige asasen, Aptonom rayonimizning emeliyitige birleshtürüp chiqirildi.

    2 – madda aptonom rayonimizning memuriy rayonidiki kespiy orunlarning apparati we ishtatini bashqurushta mushu chare tetbiqlinidu.

    3 – madda mushu charide ëytilghan kespiy orunlar jemiyetning jamaet parawanliqini meqset qilip, Dölet organliri yaki bashqa teshkilatlar dölet mülkidin paydilinip achqan, Maarip, Pen – tëxnika, Medeniyet, Sehiye paaliyetliri bilen shughullinidighan hemde apparat we ishtat bashqurush dairisige kirgüzülgen ijtimaiy teshkilatlarni körsitidu.

    4 – madda kespiy orunlarning apparati we ishtatini bashqurushta hökümet bilen kespiy orunlarni ayriwëtish, Kespiy orunlar bilen karxanilarni ayriwëtish, Bashqurush bilen bëjirishni ayriwëtish we ixcham, Ünümlük bolush, Qëliplashturush pirinsipida ching turulup, Omumiy miqdarni tizginlesh, Türge ayrip tengshesh, Heriketlik bashqurush fangjëni yolgha qoyulidu.

    qanun we memuriy nizamlarda hoquq bërilgen yaki döletning ayrim belgilimisi bolghanlirini hësabqa almighanda, Memuriy funiksiyeni kespiy orunlargha ötküzüp bërishke bolmaydu; memuriy funiksiyeni üstige alghan kespiy orunlarni we ishlepchiqirish, Tijaret bilen shughullinidighan kespiy orunlarni qurushni testiqlashqa bolmaydu.

    5 – madda aptonom rayonluq apparat – ishtat komitëti aptonom rayonimizdiki kespiy orunlarning apparat – ishtat xizmitige birtutash rehberlik qilidu; nahiye derijiliktin yuqiri apparat – ishtat komitëtliri shu memuriy rayondiki kespiy orunlarning apparat – ishtat xizmitige derije boyiche mesul bolidu.

    nahiye derijiliktin yuqiri apparat – ishtat bashqurghuchi organlar shu memuriy rayondiki kespiy orunlarning apparat – ishtat bashqurush kündilik xizmitini konkrët üstige ëlip, Bir derije yuqiri apparat – ishtat bashqurghuchi organning yëtekchiliki we nazaretchilikide bolidu.

    6 – madda apparat – ishtat bashqurghuchi organlar döletning belgilimisi we mushu charidiki belgilime boyiche, Kespiy orunlarni qurushni we ularning ishtatini bëkitishni testiqlishi kërek. testiqlan'ghan apparat we ishtat xadimlarni ashkara teklip qilish we xirajet ajritishning asasi qilinidu.

    7 – madda herqandaq orun we shexs mushu charige xilap qilmishlarni pash qilish we shikayet qilishqa hoquqluq. apparat – ishtat bashqurghuchi organlar erz – shikayetlerni qobul qilishi hemde waqtida tekshürüp bir terep qilishi kërek.

    2 – bab apparat qurush we ishtat bëkitish

    8 – madda kespiy orunlarni qurushta töwendiki shertlerni hazirlash kërek:

    (1) iqtisadiy we ijtimaiy ishlarning tereqqiyat ëhtiyajigha uyghunlishish;

    (2) ëniq qurghuchi orun bolush;

    (3) ëniq mesuliyiti we wezipisi bolush;

    (4) qanunluq we muqim meblegh menbesi bolush;

    (5) zörür xizmet soruni bolush;

    (6) sapasigha telep qoyulidighanlar qanun boyiche munasip sapagha ërishish;

    (7) qanun – nizamlarda belgilen'gen bashqa shertler.

    kespiy orunni qurushta, Shu jayning iqtisadiy, Ijtimaiy tereqqiyat sewiyesi we ijtimaiy parawanliq mulazimet ëhtiyajigha qarap, Muwapiq jaylashturush we tekshi rawajlandurush kërek.

    9 – madda kespiy orunlarning apparat namini dölet organliri, Ijtimaiy teshkilatlar we karxanilarning namidin perqlendürüsh kërek, Adette u akadëmiye, Mehkime, Mektep, Orun, Istansa, Ponkit, Yurt, Kopiratip we merkez dep atilidu, Wahakaza.

    kespiy orunlarning adette birla nam ishlitishige ruxset qilinidu; xizmetke heqiqeten ëhtiyajliq bolsa, Qurushni testiqlighan organning testiqi bilen, Bashqa namni teng qollinishqa bolidu.

    10 – madda kespiy orunlarning xirajet shekli toluq sommiliq xamchot bashqurush, Perqliq sommiliq xamchot bashqurush we kirim – chiqimgha özi ige bolushni bashqurush, Dep ayrilidu.

    kespiy orunlarning xirajet shekli ular üstige alghan mesuliyet, Wezipe we xirajet menbesi qatarliqlar arqiliq bëkitilidu yaki tengshilidu.

    11 – madda kespiy orunlarning apparat derijisi dölet we aptonom rayonning alaqidar belgilimisi boyiche bëkitilidu. partiye we hökümet organlirining funiksiyeni ada qilishini biwasite medet kapalitige ige qilghan kespiy orunlarning apparat derijisi shu derijilik xelq hökümitining xizmet tarmiqi yaki xizmet tarmiqining ichki qismida qurulghan apparatning memuriy derijisidin yuqiri bolup qalsa bolmaydu.

    12 – madda kespiy orunlarning mesuliyiti we wezipisini ularning kespiy alahidilikige hemde qanun – nizamlar we alaqidar siyasetlerdiki belgilimige uyghunlashturush kërek.

    13 – madda kespiy orunlar ara mesuliyet ayrish we xizmetni jipsilashturush jehette bashqiche pikir bolsa, Apparat – ishtat bashqurghuchi organning maslashturushigha ayrim yaki birlikte sunush kërek. apparat – ishtat bashqurghuchi organ alaqidar tarmaqlar bilen muzakire qilip, Waqtida ëniq jawab bërishi kërek.

    14 – madda apparatining derijisi muawin nahiye(bashqarma) derijiliktin yuqiri bolghan yaki ishtati köprek, Xizmet wezipisi ëghirraq bolghan kespiy orunlar ichki apparatlarni qursa bolidu; kölimi kichik, Ishtati az bolghanlar ichki apparatni qurmaydu. apparatining derijisi bölüm derijige teng kespiy orunlar adette ichki apparatlarni qurmaydu.

    mektep, Doxturxana qatarliq kespiy orunlarning ichki qismidiki apparatlarning qurulushi döletning alaqidar belgilimisi boyiche bolidu.

    15 – madda kespiy orunlarning ishtat sani döletning we aptonom rayonning ishtat ölchimi boyiche bëkitilidu. ishtat ölchimi bolmighanlirining shu kespiy orunning ijtimaiy ünümi, Orun kölimi, Wezipisining ëghir – yënikliki we kesp alahidiliki, Shuningdek mulazimet obyëkti qatarliqlargha qarap bëkitilidu.

    kölimi chongraq bolghan kespiy orunlarning ishtatini muddetke bölüp bëkitishke bolidu.

    kespiy orun rehberlirining sani dölet we aptonom rayonning alaqidar belgilimisi boyiche bëkitilidu.

    16 – madda kespiy orunlar bëkitilgen ishtat sani ichide, Töwendiki belgilime boyiche xizmet orni qoyidu:

    (1) kespiy tëxnika ish orni asasiy orunni igileydighan kespiy orunlarning kespiy tëxnika ish orni omumen shu orundiki omumiy ish ornining %70idin kem bolmaydu;

    (2) ijtimaiy ishlarni bashqurushish orni asasiy orunni igileydighan kespiy orunlardiki bashqurush ish orni omumen shu orundiki omumiy ish ornining %50idin kem bolmaydu;

    (3) maharet meshghulati, Mulazimet kapaliti qatarliq ish ornliri asasiy orunni igileydighan kespiy orunlardiki maharet meshghulati we mulazimet kapaliti qatarliq ish orunliri omumen shu orundiki omumiy ish ornining %50idin kem bolmaydu.

    kespiy orunlardiki asasliq ish orunliridin bashqa ish orunlirining muwapiq qurulma nisbitini saqlap qëlish kërek.

    17 – madda kespiy orunlarning ëniq mesul tarmiqi bolushi kërek. mesul tarmaq kespiy orunlarni omumiy jehettin pilanlash, Siyaset jehette yëteklesh, Saheler boyiche qëliplashturush, Nazaret qilip tekshürüsh qatarliq jehetlerde bashqurushi kërek.

    18 – madda kespiy orunlarda töwendiki ehwallarning biri körülse, Uning mesul tarmiqi apparat – ishtat bashqurghuchi organ'gha uni özgertish heqqide iltimas sunidu:

    (1) nami, Tewelik munasiwiti, Apparat derijisi, Mesuliyiti, Wezipisi, Ichki apparatliri, Ishtat sani, Xadimlar qurulmisi, Rehber sani we xirajet sheklini özgertishke toghra kelse yaki özgergen bolsa;

    (2) apparatlar qoshulup yaki ayrilip ketken bolsa;

    (3) bashqa sewebler bilen özgertishke toghra kelse.

    19 – madda kespiy orunlarda töwendiki ehwallarning biri körülse, Uning mesul tarmiqi apparat – ishtat bashqurghuchi organ'gha uni emeldin qaldurush heqqide iltimas sunidu:

    (1) mesul tarmaq emeldin qaldurushni qarar qilghan bolsa;

    (2) mesuliyiti we wezipisi qalmighan bolsa;

    (3) apparatning xaraktëri özgergen bolsa;

    (4) emeldin qaldurushni qanun – nizamda belgilen'gen we uni dölet we aptonom rayon belgiligen bolsa.

    aldinqi tarmaqta ëytilghan ehwallarning biri körülgen kespiy orunlarning mesul tarmiqi emeldin qaldurushni iltimas qilmisa, Apparat – ishtat bashqurghuchi organ emeldin qalduridu.

    20 – madda kespiy orunlar qurulghan, Özgertilgen, Emeldin qaldurulghandin këyin, Apparat – ishtat, Maliye, Adem bayliqi we ijtimaiy kapalet tarmaqlirigha waqtida bërip, Alaqidar resmiyetlerni ötishi kërek.

    3 – bab testiqlash hoquq dairisi we tertipi

    21 – madda kespiy orunlarning apparat – ishtatida mexsus testiqlitish tüzümi yolgha qoyulidu. kespiy orunlarning apparat – ishtati testiqlan'ghan haman, Herqandaq kespiy orunning uni öz bëshimchilik bilen özgertishige yol qoyulmaydu.

    22 – madda kespiy orunni qurush, Özgertish we emeldin qaldurushta, Apparat – ishtat bashqurghuchi organ'gha yazma iltimas sunush kërek. iltimasning mezmuni apparatni qurush, Özgertish we emeldin qaldurushning sewebi, Meqsiti, Apparat nami, Tewelik munasiwiti, Apparat derijisi, Mesuliyet – wezipisi, Ichki apparatliri, Ishtat sani, Xadimlar qurulmisi, Rehber sani, Xirajet shekli, Shuningdek asaslinidighan alaqidar matëriyal qatarliqlarni öz ichige ëlishi kërek.

    kespiy orunni emeldin qaldurushta, Xadimlarni tarqaqlashturush, Heqdarliq – qerzdarliq ishlirini ëniqlash we mülükni bir terep qilish ehwallirini chüshendürüsh kërek.

    23 – madda kespiy orunni qurush yaki uning apparati we ishtatini tengshesh töwendiki tertip boyiche testiqlinidu:

    (1) aptonom rayon'gha qarashliq kespiy orunlarni qurush we uning apparati – ishtatini tengsheshni aptonom rayonluq apparat – ishtat bashqurghuchi organ testiqlaydu yaki aptonom rayonluq apparat – ishtat komitëtigha testiqlitidu;

    (2) oblast, Sheher (wilayet)ge qarashliq muawin nahiye (bashqarma) derijiliktin yuqiri we (nahiye sheher, Rayon) ge qarashliq muawin bölüm derijiliktin yuqiri kespiy orunlarni qurush we uning apparat – ishtatini tengshesh heqqide shu derijilik apparat – ishtat komitëti layihe qoyup, Bir derije yuqiri apparat – ishtat bashqurghuchi organ'gha testiqlitidu;

    (3) bashqa kespiy orunlarni qurush, Ularning apparati we ishtatini tengsheshni shu derijilik apparat – ishtat bashqurghuchi organ yaki apparat – ishtat komitëti dölet we aptonom rayonning testiqlashni bashqurush hoquq dairisi toghrisidiki belgilimisi boyiche ijra qilidu.

    kespiy orunlarni emeldin qaldurushqa aldinqi tarmaqtiki belgilime tetbiqlinidu.

    24 – madda apparat – ishtat bashqurghuchi organlar qanun – nizam we alaqidar belgilimiler boyiche, Kespiy orunlarni qurush we uning apparat – ishtatini tengsheshni tekshürüp tetqiq qilip we delillep, Alaqidar tereplerdin keng dairide pikir ëlishi we zörür tëpilghanda ispat anglishi kërek.

    25 – madda apparat – ishtat bashqurghuchi organning kespiy orunni qurush, Özgertish we emeldin qaldurush toghrisidiki testiqiy jawabining mezmuni apparat nami, Tewelik munasiwiti, Apparat derijisi, Mesuliyet we wezipe, Ichki apparatliri, Ishtat sani, Xadimlar qurulmisi, Rehber sani, Xirajet shekli we aydinglashturushqa tëgishlik bashqa ishlarni öz ichige ëlishi kërek.

    4 – bab nazaret qilip bashqurush

    26 – madda kespiy ishtat bëkitilgendin këyin, Apparat – ishtat bashqurghuchi organ ‹‹ishtat ishlitish uqturush qeghizi››ni tarqitidu. kespiy orunlar ‹‹ishtat ishlitish uqturush qeghizi››diki ishtat sani boyiche, Yëngidin köpeytilidighan xadimlarning resmiyitini öteydu.

    27 – madda kespiy ishtatni memuriy ishtat bilen arilashturup ishlitishke bolmaydu. dölet organliri we bashqa tekshilatlarning kespiy ishtatni igiliwëlishigha yol qoyulmaydu. kespiy orunlarning ishtatni, Rehber sanini we nisbet boyiche seplinidighan kishilerning sanini ashuruwëtishige yol qoyulmaydu.

    yuqiri derijilik kespiy tarmaqning töwen derijilik xelq hökümiti yaki uninggha qarashliq bashqa tarmaqlardin öz kespige mas kelmeydighan apparatlarni qurushni telep qilishigha, Töwenning apparat – ishtat ishliri heqqide konkrët belgilime chiqirishigha yol qoyulmaydu.

    28 – madda kespiy orunlar shu derijilik apparat – ishtat bashqurghuchi organ'gha apparat – ishtat bashqurush we ijra qilish heqqide her yili birinchi pesilde doklat sunushi hemde apparat – ishtatqa alaqidar istatistika matëriyallarni bërishi kërek.

    29 – madda apparat – ishtat bashqurghuchi organlar kespiy orunlarni tizimlash, Apparat – ishtatni istatistika qilish we kündilik nazaret qilip bashqurushqa birleshtürüp, Kespiy orunlarning apparat – ishtat bashqurush we ijra qilish ehwalini bahalaydu hemde bahalash netijisige qarap, Kespiy orunlarning apparati we ishtatini tengsheydu.

    30 – madda apparat – ishtat bashqurghuchi organlar bashqurush hoquq dairisi ichide, Memuriy teptish tarmiqi qatarliq alaqidar tarmaqlar bilen birlikte, Kespiy orunlarning apparat – ishtat bashqurush we ijra qilish ehwalini nazaret qilip tekshüridu.

    tekshürülgüchi orunlar apparat – ishtat bashqurghuchi organ'gha masliship nazaret qilip, Bashqurush mesuliyitini qanun boyiche ada qilishi kërek.

    tekshürülgüchi orunlarning tekshürüp tëpilghan mesililer heqqide izahat bërish mejburiyiti hemde bayan qilish, Aqlinish we bir terep qilish qarari heqqide erz qilish hoquqi bar.

    5 – bab qanun jawabkarliqi

    31 – madda töwendiki heriketlerning biri körülgenlerni apparat – ishtat bashqurghuchi organ möhlet ichide tüzitishke buyrushi; möhlet ötkiche tüzetmise, Alaqidar tarmaq biwasite jawabkarliqi bar mesul xadimgha we biwasite jawabkarlargha qanun boyiche memuriy chare körüshi kërek:

    (1) kespiy orunni öz bëshimchiliq bilen qurghan, Emeldin qaldurghan we qoshuwetkenler;

    (2) kespiy orunning apparat namini öz bëshimchiliq bilen özgertkenler;

    (3) kespiy orunning tewelik munasiwitini öz bëshimchiliq bilen özgertkenler;

    (4) kespiy orunning apparat derijisini öz bëshimchiliq bilen özgertkenler;

    (5) kespiy orunning mesuliyiti we wezipisini öz bëshimchiliq bilen tengshigenler;

    (6) kespiy orunning ichki apparatlirini öz bëshimchilik bilen tengshigenler;

    (7) xadimlarni ishtattiki sanidin ashurup tengshigen yaki ishtat sirtidikilerge xirajet ajratqan, Ijtimaiy kapalet resimiyiti ötigenler;

    (8) xadimlarning qurulma nisbiti boyiche adem sepleshte belgilimige emel qilmighanlar;

    (9) rehberlerni rehber sanidin ashurup sepligenler;

    (10) kespiy orunning apparat – ishtat ehwalini yollighanda saxtipezlik qilghanlar;

    (11) töwen derijilik kespiy tarmaqning apparat qurushigha we xadimlar ishtatigha arilashqanlar;

    (12) mushu charige xilap bashqa heriketler.

    32 – madda apparat – ishtat bashqurghuchi organ xadimliridin xizmet hoquqidin kelse – kelmes paydilinip, Xizmet ornida biperwaliq qilip, Nepsaniyetchilik qilip, Ëghir aqiwet peyda qilghanlirigha qanun boyiche memuriy chare körülidu; jinayet shekillendürgenliri qanun boyiche jinayi jawabkarliqqa tartilidu.

    6 – bab qoshumche pirinsip

    33 – madda mushu chare yolgha qoyulushtin burun qurulup, Memuriy funiksiyeni üstige alghan kespiy orunlar, Shuningdek ishlepchiqirish we tijaret bilen shughullan'ghan kespiy orunlarning apparati we ishtati döletning we aptonom rayonning kespiy orunlarni türge ayrip islah qilish toghrisidiki belgilimisi boyiche bashqurulidu.

    34 – madda bu chare 2011 – yil 7 – ayning 1 – künidin bashlap yolgha qoyulidu.