shinjang uyghur aptonom rayonluq xelq hökümitining permani

    167 – nomurluq

    2011 – yil 23 –mart shinjang uyghur aptonom rayonluq 11 – nöwetlik xelq hökümitining 20 – qëtimliq daimiy yighinida ‹‹shinjang uyghur aptonom rayonining köchme ahalige mulazimet qilish we ularni bashqurush charisi›› muzakire qilinip maqullandi, Buni ëlan qilduq, 2011 – yil 1 – öktebirdin bashlap yolgha qoyulsun.

    shinjang uyghur aptonom rayonining reisi nur bekri

    2011 – yil 4 – aprël

    1 – bab omumiy pirinsip

    1 – madda bu chare köchme ahalige mulazimet qilish we ularni bashqurushni kücheytish, Köchmen ahalining qanunluq hoquq – menpeitini qoghdash, Jemiyet inaqliqi, Muqimliqini saqlash, Iqtisadiy we ijtimaiy ishlarning saghlam tereqqiyatigha kapaletlik qilish meqsitide alaqidar qanun – nizamlargha asasen, Aptonom rayonimizning emeliyitige birleshtürüp tüzüp chiqildi.

    2 – madda bu chare aptonom rayonning memuriy rayon tewelikidiki köchme ahalige mulazimet qilish we ularni bashqurushta tetbiqlinidu.

    3 – madda bu charide dëyilgen köchme ahale nopusi turushluq jaydiki nahiye derijilik memuriy rayondin ayrilip bashqa memuriy rayonda olturaqlashqanlarni körsitidu. emma özi turushluq sheherge qarashliq rayondin ayrilip shu sheherge qarashliq bashqa rayonda olturaqlashqanlar buning sirtida.

    4 – madda köchme ahalige mulazimet qilish we ularni bashqurushta barawer, Adil bolush, Ela mulazimet qilish, Muwapiq yëteklesh we qëliplashturup bashqurush fangjënida ching turup, Tewe jay boyiche bashqurush bilen derije, Tarmaq boyiche bashqurushni birleshtürüsh pirinsipi yolgha qoyulidu.

    5 – madda köchme ahale qanunda belgilen'gen mejburiyitini angliq ada qilip, Jemiyet tertipini saqlap, Jemiyet exlaqigha riaye qilip, Alaqidar tarmaqlarning bashqurushigha boysunushi lazim.

    6 – madda köchme ahalige mulazimet qilish we ularni bashqurushtiki asasliq wezipiler:

    1) ishqa orunlishishqa dair siyaset, Nizamdin meslihet bërish, Ishqa orunlishish uchuri, Kesip jehettin yëteklesh we ishqa orunlishish boyiche tizimlash mulazimiti bilen teminlesh;

    2) pilanliq tughut, Yuqumluq këselning aldini ëlish – dawalash we waqitliq qutquzush – yardem bërish mulazimiti bilen teminlesh;

    3) oqush yëshidiki balilarning mejburiyet maaripini qobul qilishigha kapaletlik qilish;

    4) saghlamliq, Saqliq saqlash we qanunchiliq teshwiqat – terbiyesini qanat yaydurush;

    5) turushluq ornini tizimlash, Öyni ijarige bërish ishlirini bashqurush;

    6) köchme ahalining qanunluq hoquq – menpeitini qoghdash;

    7) qanun, Nizam, Qaidide belgilen'gen bashqa wezipilerni ada qilish.

    7 – madda nahiye derijiliktin yuqiri xelq hökümetliri köchme ahalige mulazimet qilish we ularni bashqurush xizmitige bolghan rehberlikni kücheytip, Köchme ahalige mulazimet qilish we ularni bashqurush xizmitini xelq igiliki we ijtimaiy tereqqiyat pilanigha kirgüzüshi hemde jemiyet amanliqini her tereplime tüzeshni nishanliq bashqurush sistëmisigha kirgüzüp, Asasiy jamaet mulazimitide barawerlikni tedrijiy ishqa ashurushi, Këterlik xirajetni shu derijilik maliyening yilliq xamchotigha kirgüzüshi hemde xelq igiliki we ijtimaiy ishlarning tereqqiyatigha egiship munasip halda ashurushi lazim.

    8 – madda nahiye derijiliktin yuqiri xelq hökümetlirining köchme ahalige mulazimet qilish we ularni bashqurush apparati mushu chare we döletning alaqidar belgilimisige asasen, Alaqidar tarmaqlarning köchme ahalige mulazimet qilish we ularni bashqurush xizmitini teshkillesh, Maslashturush, Yëteklesh we uninggha heydekchilik qilishqa mesul bolidu.

    kocha ish bashqarmiliri, Yëza (bazar) liq xelq hökümetliri köchme ahalige mulazimet qilish we ularni bashqurush xizmitini konkrët teshkillep yolgha qoyidu.

    j x, Adem bayliqi we ijtimaiy kapalet, Soda – sanaet memuriy bashqurush, Nopus we pilanliq tughut, Xelq ishliri, Sehiye, Turalghu we sheher – yëza qurulushi, Edliye, Maliye, Maarip qatarliq alaqidar tarmaqlar öz mesuliyet dairisi ichide köchme ahalige mulazimet qilish we ularni bashqurushqa alaqidar xizmetlerge mesul bolidu; ishchilar uyushmisi, Kommunistik yashlar ittipaqi, Ayallar birleshmisi we sheher mehelle bashqurush apparati, Kent ahale komitëti köchme ahalige mulazimet qilish we ularni bashqurush xizmitige hemkarlishishi lazim.

    9 – madda köchme ahalining qanunluq hoquq – menpeiti qanun boyiche qoghdilidu, Qanunluq hoquq – menpeiti ziyan'gha uchrighanlarning alaqidar tarmaqqa pash qilish, Erz – shikayet qilish hoquqi bolidu. pash qilish uchuri we erz – shikayet qobul qilghuchi tarmaqlar waqtida bir terep qilishi; öz tarmiqining bashqurushigha tewe bolmighan ishlarni bir terep qilish hoquqigha ige tarmaqqa waqtida ötküzüp bërishi lazim.

    10 – madda köchme ahalining ishqa orunlishishigha kemsitish xaraktëridiki chek qoyush; adem ishletküchi orunlarning köchme ahalini qanunluq qobul qilip ishlitishige arilishish; köchme ahalining ishqa orunlishishi yaki adem ishletküchi orunlarning köchme ahalini qobul qilip ishlitishige heq ëlish türini tesis qilish meni qilinidu.

    11 – madda her derijilik xelq hökümetliri yaki alaqidar tarmaqlar köchme ahalige mulazimet qilish we ularni bashqurush xizmitide körünerlik netije yaratqan orun we shexslerni mukapatlishi we teqdirlishi lazim.

    2 – bab köchme ahalige mulazimet qilish

    12 – madda nahiye derijiliktin yuqiri xelq hökümetliri köchme ahalining hoquq – menpeitini kapaletlendürüsh mëxanizmi, Ijtimaiy kapalet sistëmisi we jamaet mulazimet torini berpa qilip we mukemmelleshtürüp, Sheher – yëza yirik pilanini tüzüsh, Jamaet eslihelirini qurushta emgek we ishqa orunlashturush, Ijtimaiy sughurta, Mejburiyet maaripi, Kësellikning aldini ëlish – tizginlesh, Ana – balilar saqliqni saqlash, Pilanliq tughut we qanun mulazimiti qatarliq jamaet siyasiti jehette köchme ahalining qanunluq hoquq – menpeitige kapaletlik qilishi kërek.

    13 – madda nahiye derijiliktin yuqiri xelq hökümitining jamaet ishqa orunlashturush mulazimitige mesul apparati qanunda belgilen'gen emgek qilish yëshi ichidiki emgek iqtidarini hazirlighan we ishqa orunlishish arzusi bar köchme ahalini ishqa orunlishishqa dair siyaset, Nizamdin meslihet bërish, Ishqa orunlishish uchuri, Kesip jehettin yëteklesh we ishqa orunlashturush boyiche tizimlash qatarliq mulazimet bilen heqsiz teminlishi lazim.

    köchme ahale alaqidar belgilimige asasen, Hazir turushluq jayda kespiy tëxnika wezipisige teyinlinish salahiyet imtihani, Kesip (kesip bilen shughullinish) salahiyet imtihani yaki salahiyet bëkitishke qatnashqanda, Kespiy terbiyelesh we kesip bilen shughullinish salahiyitini bëkitish bahalash yardem pulidin behrimen bolidu. imtihan alghuchi, Salahiyet bëkitküchi apparatining iqtisadiy qiyinchiliqi bar köchme ahalining imtihan we salahiyet bëkitish heqqini kechürüm qilishigha ilham bërilidu.

    14 – madda nahiye (sheher) derijiliktin yuqiri adem bayliqi we ijtimaiy kapalet tarmiqi köchme ahale boyiche adem bayliqini bashqurush bilen ishqa orunlashturush mulazimitige mesul bolidu. ishqa orunlishish uchuri, Ishqa orunlishishqa yëtekchilik qilish, Tizimlash we ijtimaiy sughurta qatarliq mulazimetler bilen teminleydu. adem ishletküchi orunlar bilen köchme ahale otturisidiki emgek majiralirini hemde adem ishletküchi orunlarning köchme ahalining emgek kapaliti boyiche qanunluq hoquq – menpeitige chëqilish qilmishini qanun boyiche bir terep qilidu.

    15 – madda nahiye (sheher) derijiliktin yuqiri nopus we pilanliq tughut tarmiqi tughut yëshidiki köchme ahale arisida nopus we pilanliq tughutqa dair siyaset, Nizam, Hamilidarliqtin saqlinish, Tughut cheklesh, Köpiyish sistëmisining saqliqni saqlash, Süpetlik tughush we terbiyelesh bilimlirini teshwiq qilip, Tughut yëshidiki köchme ahalini daimiy turushluq ahale bilen oxshash pilanliq tughut mulazimiti bilen teminlishi lazim.

    16 – madda nahiye (sheher) derijiliktin yuqiri sehiye memuriy tarmiqi köchme ahale ichide ayallar – balilar saghlamliqi terbiyesi we eydiz, Tubërkulyuz qatarliq ëghir yuqumluq këselning aldini ëlish – dawalash xizmitini qanat yaydurup, Köchme ahalini daimiy turushluq ahale bilen oxshash immunitëtlash we yuqumluq këselning aldini ëlish – dawalash mulazimiti bilen teminlishi hemde köchme ahale merkezleshken jamaet sorunlirining taziliqini qerellik nazaret qilip tekshürüshi lazim.

    17 – madda nahiye (sheher)derijiliktin yuqiri xelq ishliri tarmiqi köchme ahale ichidiki qiyinchiliqi barlargha waqitliq qutquzush – yardem bërishni sheher – yëza ijtimaiy qutquzush – yardem bërish sistëmisigha kirgüzüp, Turmushta chiqish yoli yoq köchme ahalini waqitliq qutquzush – yardem bërish mulazimiti bilen teminlishi kërek.

    18 – madda nahiye (sheher) derijiliktin yuqiri turalghu we sheher – yëza qurulushi tarmiqi köchme ahalining asasiy turalghu kapalitini kapaletlik turalghu qurulushi yirik pilanigha kirgüzüp, Iqtisadiy we ijtimaiy tereqqiyat emeliyitige birleshtürüp, Alaqidar siyasetlerni mukemmelleshtürüp, Jamaet ijare turalghu qurulushi qatarliq kapaletlik turalghu qurulushini yolgha qoyushi lazim.

    19 – madda nahiye (sheher) derijiliktin yuqiri maarip tarmiqi köchme ahalini öz jayining maarip tereqqiyat yirik pilanigha kirgüzüp, Köchme ahale ichidiki oqush yëshidiki balilar maaripini bashqurush xizmitini kücheytip, Ottura – bashlan'ghuch mekteplerning köchme ahale mejburiyet maaripi xizmitini yaxshi ishleshke yëtekchilik we heydekchilik qilip, Köchme ahalining mejburiyet maaripini daimiy turushluq ahale bilen barawer qobul qilish hoquqigha kapaletlik qilishi lazim.

    20 – madda nahiye (sheher) derijiliktin yuqiri soda – sanaet memuriy bashqurush tarmiqi ishlepchiqirish – tijaret bilen shughullinidighan köchme ahalini tizimlap, Nazaret qilip we bashqurup, Köchme ahalining qanunluq ishlepchiqirish – tijaret bilen shughullinishigha kapaletlik qilishi lazim.