ichkiridiki 200 din artuq aliy mektep shinjang uyghur aptonom rayonluq maarip nazariti bilen ‹‹12–besh yil››liq pilan mezgilide az sanliq millet ixtisas igilirini terbiyelesh toghrisida këlishim imzalidi

    yighin meydanidin bir körünüsh

    öz muxbirimiz buayshem raxman xewiri , Fotosi : merkezning shinjang xizmiti söhbet yighini we memliketlik maarip xizmiti yighinining rohini izchillashturush üchün , Maarip ministirliqi , Döletlik milletler ishliri komitëti , Shinjang uyghur aptonom rayonluq xelq hökümiti birlikte 1–dëkabir ürümchi shehiride , Ichkiridiki aliy mekteplerning shinjangda ixtisas igilirini terbiyeleshke yardem bërish xizmet yighini achti .

    yighin'gha shinjang uyghur aptonom rayonluq partkom daimiy komitëtining ezasi erkinjan turaxun , Maarip ministirliqi milliy maarip mehkimisining bashliqi abdulla , Döletlik milletler ishliri komitëti maarip mehkimisining muawin bashliqi byen jing we maarip ministirliqi qatarliq sekkiz ministirliq , Komitët , Bëyjing qatarliq shinjanggha yardem bëridighan ölke , Aptonom rayon , Biwaste qarashliq sheherdiki maarip xizmitige mesul rehberler , Bir qisim aliy mekteplerning mesulliri qatnashti .

    erkinjan turaxun yighin'gha qatniship muhim söz qildi

    yighinda shinjang uyghur aptonom rayonluq partkom daimiy komitëtining ezasi erkinjan turaxun aptonom rayonimizning asasiy ehwali we aptonom rayonimizning maarip tereqqiyatini tonushturup mundaq dëdi : partiye merkiziy komitëti , Gowuyüen shinjangning her qaysi jehettiki xizmetlirige köngül bölüp këliwatidu . islahat , Ishikni ëchiwëtish siyasiti yolgha qoyulghandin buyan , Dölet shinjangning maarip ishlirini tereqqiy qildurush üchün bir qatar alahide siyasetlerni otturigha qoydi . bolupmu , 1989–yilidin buyan , Shinjangni maarip , Pen–tëxnika bilen güllendürüsh we ixtisasliqlar rayoni istratëgiyesini yolgha qoyup , Shinjangdiki her millet ixtisas igilirini terbiyelesh qedimini tëzlitish üchün , Ichkiridiki aliy mekteplerning shinjang bilen hemkarliq munasiwiti ornitish toghrisidiki besh qararliq hemkarliq pilanini yolgha qoydi . 2010–yili 9–aygha qeder , Ichkiridiki aliy mektepler bu pilan'gha asasen , Shinjangdiki herqaysi milletlerdin 25 ming ademni qobul qilip , 12mingdin artuq aliy mektep oqughuchisini terbiyelep berdi . nöwette , Bu oqughuchilar tayanch küchke aylinip , Shinjangning iqtisadiy , Jemiyet tereqqiyati we ebediy eminliki üchün zor töhpilerni qoshmaqta . ichkiridiki aliy mekteplerning shinjanggha yardem bërish pilani yolgha qoyulghandin buyan , Shinjangdiki her millet xelqi bilen ichkiri ölkilerdiki xelqlerning dostluq alaqisi qoyuqlashti .

   yighin meydanidin bir körünüsh

    yighinda , Yëngi weziyette shinjang xizmiti yighinining alahide muhimliqi tekitlinip , Maarip xizmitide shinjanggha yardem bërishning siyasiy mesuliyiti we tarixiy ehmiyiti toluq chüshendürülüp , Döletning siyaset meblighidin toluq paydilinip , Shinjangning maarip tereqqiyatini tëzlitish , Bolupmu nuqtiliq aliy mekteplerning shinjanggha yardem bërip , Ixtisas igilirini terbiyelep yëtishtürüsh jehette yëngiliq yaritishi telep qilindi .

    shang'hey maarip tarmaqlirining mesuli yighinda muhim söz qildi

    yighinda döletlik sanaet we uchur ministirliqi , Shang'hey sheherlik maarip komitëti , Xëxey uniwërsitëti , Junggo kömür sanaiti uniwërsitëti , Gherbiy jenub milletler uniwërsitëti , Lenju qatnash uniwërsitëti hemde munewwer aliy mektepni pütküzgen oqughuchilar wekilliri söz qilip , Özining üginish tejribilirini köpchilikke tonushturdi .

    yighin axirida , Shinjang uyghur aptonom rayonluq maarip nazariti munasiwetlik idare , Organlar , Yerlik orunlar we ichkiridiki 200 din artuq aliy mektep bilen az sanliq millet ixtisas igilirini terbiyelesh toghrisida 6–qararliq këlishim pilan mesuliyetnamisini imzalidi .