‹‹ j k p merkiziy komitëtining xelq igiliki we ijtimaiy tereqqiyatning 12–besh yilliq yirik pilanini tüzüsh toghrisidiki teklipi››de junggoning këyinki besh yilliq tereqqiyat yoli ixcham we roshen sherhlen'gen bolup, Kishilerge xelq turmushi sahesidiki islahat toghrisida ümid bëghishlidi.

    maaripta: ‹‹adilliq tügüni››ni yeshkili bolamdu – yoq?

    sheherdiki ata – anilar perzentlirige mektep tallash bilen aldirash bolsa , Yëza–qishlaqtiki ata–anilar balilarni sheherdiki mekteplerge kirgüzüsh helekchilikide bolmaqta... maarip bayliqining tengpung bolmasliqi sewebidin nurghun ata – ana xëli köp herej tartti. ‹‹maarip adilliqini ilgiri sürüsh›› islahat nishani 12 – besh yilliq yirik pilanni tüzüsh teklipige kirgüzüldi.

    maarip adilliqi mesilisini hel qilishta yëzilar muhim nuqta. 12–besh yilliq yirik pilanni tüzüsh teklipide ‹‹yëza mejburiyet maaripining süpiti we tengpung rawajlinish sewiyesini östürüsh››, ‹‹ammiwi maarip bayliqini muwapiq teqsimleshte yëzilargha, Chet, Yiraq, Namrat, Az sanliq millet rayonlirigha nuqtiliq mayillishish›› otturigha qoyuldi.

    dawalinish jehette: ‹‹doxturxanini dora bilen bëqish›› endizisini qandaq qilghanda özgertkili bolidu?

    12–besh yilliq yirik pilanni tüzüsh teklipining dawalash–saqliq saqlash ishliri islahati, Tereqqiyatini tëzlitish bölikide ‹‹maliye sëlinmisini ashurush›› aldinqi orun'gha qoyuldi. yirik pilan teklipide yene omumiy xelqni asasiy dawalash – saqliq saqlash tüzümidin ammiwi mehsulat süpitide behrimen qilish, Döletning asasiy dora tüzümini asas qilghan dora bilen teminleshke kapaletlik qilish sistëmisini berpa qilish otturigha qoyuldi.

    bir kesip ehli mundaq dëdi: dora bahasining ziyade yuqiri bolushi ‹‹doxturxanini dora bilen bëqish›› tüzülmisige munasiwetlik bolup, ‹‹doxturxanini dora bilen bëqish›› maliye sëlinmisning yëterlik bolmasliqigha chëtilidu. shunga asasiy dora tüzümi yolgha qoyulghandin këyin, Asasiy qatlamdiki doxturxana we shipaxanilar ‹‹chirayliq nam bilen heq ëlish›› qilmishini axirlashturamdu – yoq? bu yenila mueyyen derijide maliye sëlinmisining emeliylishish – emeliyleshmeslikige baghliq.

    ishqa orunlishish jehette: her yili 10 milyondin köprek kishini ishqa orunlashturush mesilisige qandaq taqabil turush kërek?

    tëximu aktip ishqa orunlashturush siyasitini yolgha qoyup, Emgek köjümleshken kesip, Mulazimet kespi we kichik, Mikro karxanilarni zor küch bilen rawajlandurup, Köp xil yol arqiliq ish orunlirini köpeytish, Öz aldigha igilik tikleshke righbetlendürüp, Toluq ishqa orunlishishni ilgiri sürüsh kërek bu, 12 – besh yilliq yirik pilanni tüzüsh teklipide otturigha qoyulghan ishqa orunlashturush yollirini köpeytish toghrisidiki yëngi telep.

    junggo xelq uniwërsitëtining pirofëssori, Junggo ijtimaiy kapalet tetqiqat merkizining mudiri jën gung mundaq dëdi: këyinki besh yilda dölet maliyedin yardem bërish, Bajni këmeytish qatarliq tedbirler arqiliq öz aldigha igilik tikleshke righbetlendüridu, Aliy mektepni pütküzgenler, Dëhqan ishlemchiler, Ishqa orunlishishi tes bolghanlar ishqa orunlishish yardimige ëriship, Tëximu ongay ish tapalaydu.

    teqsimat jehette: qandaq qilghanda ‹‹döletni bëyitish››tin ‹‹xelqni bëyitish››qa yüzlen'gili bolidu?

    ‹‹döletni bëyitish››tin ‹‹xelqni bëyitish››qa yüzlinish këyinki besh yilliq tereqqiyatta taqabil turidighan keskin xiris. kirimni köpeytish ‹‹tëzrek›› bolupla qalmay ‹‹omumyüzlük›› bolushi kërek. 12 – besh yilliq yirik pilanni tüzüsh teklipide qayta teqsimatta ‹‹adilliq››qa tëximu ehmiyet bërish tekitlen'gen, Bu, Döletning tedbir qollinish arqiliq tëximu köp kishini iqtisadiy tereqqiyat netijisidin behrimen qilidighanliqidin dërek bëridu.

    mutexessisler mundaq qaridi: kirim teqsimati islahatida meshghulat qilishqa qolayliq mustehkem pishang, Cheklesh küchige ige körsetküch we mesuliyetni sürüshtürüsh mëxanizmini tëximu konkrëtlashturghan we inchikileshtürgendila nishan'gha yëtishke kapaletlik qilghili bolidu.

    kütünüsh jehette: qandaq qilghanda sheher – yëzilarni qaplighan ‹‹mulazimet tori››ni berpa qilghili bolidu?

    dölet tereqqiyat we islahat komitëti ijtimaiy ishlar mehkimisining alaqidar mesuli ëlimizning kelgüsi kütünüsh endizisini mundaq teswirlidi: ailide kütünüshni asas,Mehelle mulazimitini tayanch, Apparatlarda kütünüshni tirek qilghan sheher – yëzilarni qaplighan kütünüsh mulazimiti tori berpa qilinidu.

    kütünüsh torini mukemmelleshtürüsh üchün, Xangju sheherlik siyasiy këngeshning reisi sün jung'huen qatarliqlar mundaq teklip berdi: apparatlarda kütünüshni dölet we yerlikning iqtisadiy, Ijtimaiy tereqqiyatining uzaq mezgillik yirik pilanigha kirgüzüp, Mehelle, Kochidin ibaret ikki derijilik teshkilatning yilliq xizmet yirik pilanida emeliyleshtürüsh, Buningdin këyin, Doxturxana, Yesli qatarliq jamaet eslihelirini pilanlighan'gha oxshash mehelle pilani yashan'ghanlar mulazimet eslihelirini öz ichige ëlishi kërek. uningdin bashqa, Kütüsh xadimlirini terbiyileshni kücheytish kërek.

    shinxua agëntliqi