söhbet yighinidin körünüsh

    lu penpen xewiri: jung'hua memliketlik bash ishchilar uyushmisi 26 – noyabir aptonom rayonimizda pütün memlikettiki ishchilar uyushmilirining shinjanggha saheler boyiche yardem bërish xizmiti söhbet yighini ötküzdi, Yighinda pütün memlikettiki ishchilar uyushmilirining shinjanggha saheler boyiche yardem bërish xizmiti muzakire qilindi we orunlashturuldi.

    aptonom rayonluq partkomning shujisi jang chünshyen, Jung'hua memliketlik bash ishchilar uyushmisining muawin reisi, Shujichusining 1 – shujisi wang yüpu yighin'gha qatnashti.

    aptonom rayonluq partkomning muawin shujisi, Aptonom rayonning daimiy muawin reisi yang gang söz qildi, Yighin'gha jung'hua memliketlik bash ishchilar uyushmisining muawin reisi, Shujichusining shujisi wang jyung riyasetchilik qildi.

    wang yüpu tekitlep mundaq dëdi: hazir we buningdin këyinki bir mezgilde, Idiyeni birlikke keltürüp, Tonushni östürüp, Wezipini aydinglashturup, Etrapliq teshkillep, Ishchilar uyushmilirining shinjanggha saheler boyiche yardem bërish xizmitini puxta ilgiri sürüshimiz kërek. ixtisasliqlar bilen shinjanggha yardem bërish, Shinjangning omumyüzlük qurush, Keng ëchiwëtish, Zor tereqqiyatigha eqliy iqtidar jehettin yardem bërishni gewdilendürüsh kërek; shinjangdiki ishchilar uyushmisi kadirlirini terbiyelesh, Yëtishtürüsh xizmitige yardem bërishni kücheytish kërek, 2011 – yilidin bashlap, Jung'hua memliketlik bash ishchilar uyushmisi her yili junggo emgek munasiwiti institutida bir qarardin ikki qararghiche shinjangning ishchilar uyushmisi rehbiriy kadirlirini terbiyelesh kursi achidu, Aptonom rayonluq bash ishchilar uyushmisi kadirlar mektipining oqutquchilirini terbiyeleshke zor küch bilen yardem bërip, Üch yil ichide bu mektepning oqutquchilirini bir qëtim nöwetleshtürüp terbiyeleydu; shinjanggha saheler boyiche yardem bërishke teshkilleshni gewdilendürüp, Shinjangdiki her millet ishchi – xizmetchilirini ishchilar uyushmisi etrapigha eng keng dairide uyushturush kërek; xelq turmushi boyiche shinjanggha yardem bërishni gewdilendürüp, Shinjanggha saheler boyiche yardem bëridighan ölke, Biwasite qarashliq sheherlerning ishchilar uyushmisi bilen shinjangdiki ishchilar uyushmilirining saheler boyiche emgek mulazimiti hemkarliq mëxanizmini ornitip we takamullashturup, Ishqa orunlishish, Igilik tikleshke yëtekchilik qilish mulazimitini kücheytip, Ishchi – xizmetchiler qoshunining muqimliqigha türtke bolush kërek; medeniyet sahesidin shinjanggha yardem bërishni gewdilendürüp, Shinjangning karxana medeniyiti we ishchi – xizmetchiler medeniyitining ewj ëlishini ilgiri sürüp, Shinjangdiki her millet ishchi – xizmetchilirining kündin – kün'ge ëshiwatqan medeniyet ëhtiyajigha masliship, Shinjangdiki nahiye (sheher)lik ishchilar uyushmisi we ishlepchiqirish – qurulush bingtuenidiki 12 shining tuen – meydan ishchilar uyushmilirida ‹‹ishchi – xizmetchiler kutupxanisi›› qurup, Yürüshlük üsküne we kitablarni seplesh kërek; eslihe qurulushida shinjanggha yardem bërishni gewdilendürüp, Qiyinchiliqi bar ishchi – xizmetchilerge yardem bërish merkizi, Ishchi – xizmetchiler mektipi, Ishchilar uyushmisi kadirliri mektipi, Ishchilar medeniyet sariyi, Ishchi – xizmetchiler sanatoriyesi qatarliq ishchilar uyushmisi bazisi qurulushigha meblegh jehettin yardem bërish salmiqini ashurup, Yardem qilinidighan jayning ishchilar uyushmisining xizmet sharaiti we uchurlashturush qurulushini yaxshilashqa yardem bërip, Besh yilda shinjangdiki nahiye (sheher) we bingtuen qarimiqidiki shilarning ishchilar uyushmisi ezaliri paaliyet orunlirining ul eslihe sharaitini tiriship yaxshilash kërek. mesuliyetni kücheytip, Birikme küch shekillendürüp, Saheler boyiche shinjanggha yardem bërish xizmitini yuqiri pelle, Yuqiri ölchemde ching tutup yaxshi ishlep, Ishchilar uyushmisi sistëmisining saheler boyiche shinjanggha yardem bërish xizmitide emeliy ünüm hasil qilishqa kapaletlik qilish kërek.

    yang gang yighin'gha qatnashqan wekillerge shinjangning iqtisadiy, Ijtimaiy tereqqiyat weziyitini tonushturghandin këyin mundaq dëdi: bu qëtimqi yighinning ëchilishi pütün memlikettiki ishchilar uyushmisi sistëmisining shinjanggha yüksek ehmiyet bëridighanliqi we shinjangdiki her millet xelqige chongqur muhebbiti barliqini eks ettürüp berdi. hazir shinjang islahat, Ëchiwëtish we zamaniwilashturush qurulushining achquchluq mezgilige qedem qoydi. yëngi tarixiy bashlinish nuqtisida turup, Ilmiy halqip, Aldinqilardin ëship, ‹‹12 – besh yil››liq yirik pilandiki nishan – wezipilerni omumyüzlük orundash zimmimizge yüklen'gen yüksek burch, Shundaqla shinjangdiki her millet ishchi – xizmetchiliri we ammisining köngül arzusi. memliketlik bash ishchilar uyushmisining toghra rehberliki we qërindash ölke, Aptonom rayonluq ishchilar uyushmilirining xalis yardimide aptonom rayonimizdiki ishchilar sinipi we emgekchan amma tereqqiyatni wezipe dep bilip, Ilmiy tereqqiy qilish, Ilmiy halqishta ching turup, Zamaniwilashturush qurulushigha paal atlinip, Dewrge yüz këleleydighan shanliq netijilerni qolgha keltüridu.

    aptonom rayonluq bash ishchilar uyushmisi we bingtuen ishchilar uyushmisi rehberliri xizmet ehwallirini tonushturdi, Bëyjing sheherlik bash ishchilar uyushmisining rehbiri shinjanggha yardem bëridighan ölke, Biwasite qarashliq sheherlerning ishchilar uyushmilirigha wakaliten söz qildi.