Shinxua agëntliqi, Bëyjing, 14 – noyabir tëlëgrammisi. sehiye ministirliqining muawin ministiri, Dölet junggo tëbabiti dorilirini bashqurush idarisining bashliqi wang gochyang 14 – noyabir, Junggo milliy tëbabetchilik – dorigerlik ilmiy jemiyitining 2 – qëtimliq memliketlik qurultiyida: dölitimiz milliy tëbabetchilik – dorigerlikni qutquzush xaraktëride qëzip retlewatidu, Dëdi.

Wang gochyang tonushturup mundaq dëdi: yëqinqi yillardin boyan, Dölitimizdiki alaqidar tarmaq, Teshkilatlar zangzu, Mongghul, Uyghur, Deyzu, Myawzu, Yizu qatarliq 19 milletning 83 xil tëbabetchilik – dorigerlik esirini qëzip retlidi, Buning ichide chyangzu, Dungzu, Mawnen qatarliq az sanliq milletlerning tëbabetchilik – dorigerlik eserlirini qëzip retlishi yëngi junggo qurulghandin buyanqi 1 – qëtimliq ish hësablinidu. hazirgha qeder, 35 millet öz millitining tëbabetchilik matiriyallirini qëzip retlidi.

Melum bolushiche, Hazir dölitimizde yette xil milliy tëbabet dorisini öz ichige alghan milliy tëbabet dorisi ishlepchiqiridighan karxanidin 156si, Ishlepchiqiridighan doridin 906 xili bolup, Bir türküm dangliq milliy tëbabet dorisi ishlepchiqiridighan karxana shekillen'gen. dora matëriyalliri menbesini ünümlük qoghdash we ëchip paydilinishqa ehmiyet bërilip, Dora matëriyalliri menbesini omumyüzlük tekshürüsh asasida, Yoqilish aldidiki haywanat – ösümlüklerning doriliq menbesni qoghdash kücheytilgen. bezi rayonlarda, Milliy tëbabet dorigerlik kespi iqtisadni ashurushning yëngi nuqtisigha aylan'ghan, Dora matëriyallirini tërip östürüsh dëhqan – charwichilar kirimining ëshishining bir muhim menbesi bolup qalghan.