Xu jintaw yighinning 1–basquchluq yighinigha qatnashti hem muhim sözqildi

Shinxua agëntliqi, Yokoxama (yaponiye), 13 – noyabir tëlëgrammisi. asiya – tinch okyan rayoni iqtisadiy hemkarliq teshkilatigha eza döletler bashliqlirining 18 – qëtimliq biresmiy yighini 13 – noyabir yaponiyening yokoxama shehiride ötküzüldi. dölet reisi xu jintaw shu küni ötküzülgen 1 – basquchluq yighin'gha qatnashti hem muhim söz qildi.

Xu jintaw mundaq dëdi: asiya – tinch okyan rayonining omumiy iqtisadiy tereqqiyat weziyiti birqeder yaxshi bolup, Dunya iqtisadining imkaniyetlik sijil eslige këlishi we ëshishidiki asasliq türtkilik küchke aylandi. shuning bilen bille, Bu rayonning iqtisadiy tereqqiyatimu bezi qiyin mesile we xirislargha duch keldi. iqtisadiy tereqqiyat netijilirini qoghdash üchün japagha chidap tirishishqa toghra këlidu. biz dunya we rayon iqtisadiy weziyitining özgirishige masliship, Asiya – tinch okyan rayoni iqtisadini tëximu yuqiri sewiye, Tëximu yuqiri qatlam boyiche hem yaxshi, Hem tëz tereqqiy qildurushimiz kërek. buning üchün töwendikidek tirishishimiz kërek:

(1) tengpung ëshishni ilgiri sürüp, Iqtisadning kelgüsi tereqqiyati üchün sharait yaritish kërek. biz hem eza döletlerning ichki qismidiki oxshash bolmighan rayon, Oxshash bolmighan kesipler iqtisadining tengpung ëshishini, Hem oxshash bolmighan eza döletler iqtisadining tengpung ëshishini tiriship ishqa ashurushimiz, Shuning bilen bille, Sëlinmini ashurup, Tereqqiy qiliwatqan eza döletlerning toluq tereqqiyatigha yardem bërip, Jenub bilen shimalning tereqqiyatidiki perqni azaytishimiz kërek.

(2) hemme ademge barawer purset yaritip bëridighan ëshishni teshebbus qilip, Iqtisadiy tereqqiyatning ichki hayatiy küchini ashurush kërek. iqtisadni yükseldürüsh, Ijtimaiy adilliq we heqqaniyet, Ademni asas qilishta ching turushimiz, Barliq dölet we rayon, Barliq xelqni iqtisadni dunyawilashturush we iqtisadiy tereqqiyat netijiliridin menpeetlendürüshimiz kërek.

(3) imkaniyetlik sijil ëshishni ilgiri sürüp, Iqtisadning uzaq muddetlik tereqqiyatini tiriship ishqa ashurush kërek. biz imkaniyetlik sijil ëshishni saqlashqa ehmiyet bërip, Bayliq muhitining imkaniyetlik sijilliqinila emes, Maliye, Pul, Soda, Kesip qatarliq siyasetning imkaniyetlik sijilliqinimu saqlap, Makro igilikning dawalghushi we xewpini azaytishimiz kërek.

(4) ëshishta yëngiliq yaritishqa ilham bërip, Iqtisadiy tereqqiyatqa heriketlendürgüch menbe yaritip bërish kërek. biz musteqil yëngiliq yaritish arqiliq tereqqiyatqa tirek bolush, Kelgüsige yëtekleshte ching turup, Yëngiliq yaritishqa ilham bëridighan muhit berpa qilip, Tëxnikida yëngiliq yaritish sistëmisini mukemmelleshtürüp, Tetqiq qilip yaritish sëlinmisini ashurup, Pütkül jemiyette yëngiliq yaritish eqil – parasitini ewj aldurushimiz, Herqaysi terepte yëngiliq yaritidighan ixtisasliqlarni köplep meydan'gha chiqirishimiz kërek.

(5) bixeter ëshishni ishqa ashurup, Iqtisadiy tereqqiyat netijilirini qoghdash kërek. biz ittipaqliship hemkarliship, Tërrorluqqa qarshi turush, Apetning aldini ëlish, Apet ziyinini azaytish, Ashliq bixeterliki, Ënërgiye bayliqi bixeterliki, Jamaet saghlamliqi bixeterliki qatarliq sahelerdiki alaqe we hemkarliqni kücheytip, Siyasetni maslashturup we söhbetliship, Tejribe almashturush we tëxnika yardimini kücheytip, Eneniwi bolmighan bixeterlik tehditige paal taqabil turup, Bu rayonning iqtisadiy, Ijtimaiy tereqqiyati we xelq turmushigha bixeter, Paydiliq, Qolay muhit yaritip, Bu rayon xelqining bixeterliki we bext saaditige ortaq kapaletlik qilishimiz kërek.

1 – basquchluq yighin axirlashqandin këyin, Xu jintaw herqaysi eza dölet rehberlirining asiya – tinch okyan rayoni iqtisadiy hemkarliq teshkilati soda – sanaet meslihet bërish këngishi wekilliri bilen söhbetlishishke qatnashti. xu jintaw asiya – tinch okyan rayoni erkin soda rayoni, Ottura, Kichik karxanilarning tereqqiyati, Ashliq bixeterliki, Ënërgiye bixeterliki qatarliq mesililer toghrisida wekiller bilen pikir almashturdi.