Wën jyabaw bu nöwetlik asiya tenheriket musabiqisining bashlan'ghanliqini jakarlidi

Shinxua agëntliqi, Guangju, 12 – noyabir tëlëgrammisi. 16 – nöwetlik asiya tenheriket musabiqisi bügün kechte guangjuda daghdughiliq bashlandi, Gowuyüen zunglisi wën jyabaw bashlinish murasimigha qatnashti hem bu nöwetlik asiya tenheriket musabiqisi ning bashlan'ghanliqini jakarlidi. bu asiyaning xelqara pul muamile kirizisining asaritidin qutulup, Jasaret bilen ilgirilesh yolida basqan yene bir mezmut qedimi!

Bügün këche jujyang deryasidiki xeyshinshya arili renggareng chiragh nurida ajayip güzel tüs ëlip, Dunyawi sehnige aylandi. guangju asiya tenheriket musabiqisi ning bashlinish murasimini bu jayda ötküzüsh orunlashturuldi. bu, Olimpik tenheriket musabiqisi , Asiya tenheriket musabiqisi tarixida tunji qëtim tenterbiye meydani sirtida ötküzülgen bashlinish murasimi.

30 mingche tamashibin ottek qizghinliqi bilen bashlinish murasimigha teqezza boldi. özgiche ‹‹jujyang deryasi seylisi›› bashlandi, ‹‹asiya olimpik këngishi chong ailisi›› namliq bëzek paraxotning bashlamchiliqida, Musabiqige qatnishidighan 45 wekiller ömikining bëzek paraxotliri jujyang deryasi ëqinini boylap sherqqe yürüp, Xeyshinshya arili meydanigha yol aldi.

Bu, 1990 – yili bëyjing 11 – nöwetlik asiya tenheriket musabiqisi ni ötküzgendin këyin, Asiya tenheriket musabiqisi katta murasimining 20 yildin këyin junggoda yene ötküzülüshi, Shundaqla 2008 – yilliq bëyjing olimpik tenheriket musabiqisi din këyin, Junggo ötküzgen yene bir chong tiptiki uniwërsal tenheriket musabiqisi. asiya olimpik këngishining reisi shahzade ehmed, Xelqara olimpik komitëtining reisi rogër we asiyadiki her qaysi döletlerdin kelgen eziz mëhmanlar bashlinish murasimigha qatniship, Neq meydandiki amma we dunyadiki tëlëwizor körgüchiler bilen bille kishi qelbini lerzige salidighan bu deqiqilerge shahit boldi.

Saet 19din 58 minut ötkende, Wën jyabaw we ehmed qatarliq junggoluq we chet ellik eziz mëhmanlar shadiyane muzika sadasi ichide reis sehnisige chiqip, Ammigha qol ishariti qilip ëhtiram bildürdi. pütün meydanda uzaqqiche qizghin chawak sadasi yangridi.

10, 9, 8, 7, 6, 5, 4, 3, 2, ...1 tetür sanaq san neq meydandiki chong ëkranda körsitildi, Guangju shehirining simwoli bolghan bombaks güli sheklidiki salyot yëngi guangju tëlëwiziye munarining astinqi qewitidin chember shekilde peydinpey yuqirigha örlep ëtildi. saet 20din ashqanda, Neq meydandiki tamashibinlarning alqish sadasi ichide ‹‹bombaks güli›› 600 mëtir ëgizliktiki munar choqqisida ‹‹poreklep ëchildi››, Közni qamashturghidek walildap yan'ghan chiraghlar simasida bashlinish murasimi resmiy bashlandi.

Saet 20din 6 minut ötkende, Herbiy orkistër jung'hua xelq jumhuriyitining dölet shëiri muzikisini orundidi, Chaqnap turghan besh yultuzluq qizil bayraq asta – asta kötürüldi. neq meydandiki amma dölet shëirini hayajan ilkide teng oqup, Xeyshinshya arilini kökke kötürdi.

Bashlinish murasimining ‹‹ su›› asasiy tëma qilin'ghan chong tiptiki edebiyat – senet këchiliki ››yolgha chiqish‹‹ nomuri bilen bashlandi. nomur birinchi bölüm‹‹ zëmin süyi ›› we ‹‹ dëngiz këmisi ›› , Ikkinchi bölüm ‹‹ aq bulut yelkini›› , Üchinchi bölüm ‹‹gül shehiri teklipi ›› boyiche orundilip, Suningjenubiy fujyen medeniyitidiki chongqur mezmuni eks ettürüp bërildi.

Edebiyat – senet këchilikide yëshil, Muhit asrash mezmun qilin'ghan nomur ‹‹ yëshil bir minut ›› orundaldi. bu nomurni neq meydandiki artislar, Amma we sheher ahalisi ortaq orundidi. guangju munari chiragh nurida yëshil asiyadiki bulutqa taqashqan hayatliq derixi tüsige kirgüzüldi, Xeyshinshya arili we jujyang deryasining ikki yaqisidiki asasliq imaretler közni yumup – achquche yëshil rengge boyaldi, Nurghun sheher ahalisi öyliridiki gül – giyahlirini balikon'gha ëlip chiqip, Uni yultuzluq asman'gha, Dunyagha körsetmekchi boldi... saet 21din 13 minut ötkende, Tenheriketchilerning meydan'gha kirish murasimi bashlandi. asiya olimpik këngishidiki 45 dölet we rayon wekilliri in'glizche herp tertipi boyiche arqa – arqidin meydan'gha kirip, Asiya tenheriket musabiqisi ning katta jem bolush xushalliqidin ortaq behrilendi. arqa – arqidin meydan'gha kirgen tenheriketchiler tamashibinlargha külümsiriginiche qol pulanglitip ëhtiram bildürdi, Meydandiki tamashibinlar qizghin alqish sadaliri bilen ularni qarshi aldi. buningdin këyinki 15 künde, Asiyaning her qaysi jayliridin kelgen 9700din köp tenheriketchi 42 chong tür, 476 kichik türde musabiqilishidu, Musabiqige qatnishish kölimi jehette ilgiriki asiya tenheriket musabiqisi lirige sëlishturghanda eng chong bolushtek rëkort yaritildi.

Sahibxan junggo wekiller ömiki meydan'gha eng axirida kirdi, Bëyjing olimpik tenheriket musabiqisi ayallar musabiqe kartëri chëmpiyoni jin ziwëy bayraq kötürgüchi boldi. junggo tenterbiye wekiller ömiki 1454 kishidin teshkillen'gen, Buning ichide musabiqige qatnishidighanlar 977 kishi bolup, Musabiqige qatnashquchilar ilgiriki asiya tenheriket musabiqisi lirige sëlishturghanda eng köp bolushtek rëkort yaritildi, Junggo wekiller ömiki yene bu nöwetlik asiya tenheriket musabiqisi ge qatnashqan tenheriketchisi eng köp bolghan wekiller ömiki.

Guangju asiya tenheriket musabiqisi teshkiliy komitëtining ijraiye reisi xuang xuaxua bashlinish murasimida tebrik sözi qildi, U guangju asiya tenheriket musabiqisi teshkiliy komitëti we guangdung ölkisidiki xelqqe wakaliten asiyadiki döletler, Rayonlardin kelgen tenheriketchiler, Tirënërlar we mëhmanlarni qizghin qarshi aldi. u mundaq dëdi: guangju shehiri asiya tenheriket musabiqisi ni ötküzüshni iltimas qilip muweppeqiyet qazan'ghandin buyan, Junggo merkiziy hökümitining toghra rehberliki hem asiya olimpik këngishining yëtekchiliki we yardimide, Hayajanliq katta murasim, Inaq asiya idiyesige emel qilip, Türlük teyyarliq xizmetlirini ölkining barliq küchini merkezleshtürüp ilgiri sürüp, Asiya xelqige bergen tentenilik wedisige qetiy emel qilip, Asiya tenheriket rohini bipayan jung'hua zëminida keng tarqatti.

Guangju asiya tenheriket musabiqisi teshkiliy komitëtining reisi lyu pëng, Asiya olimpik këngishining reisi ehmed ëchilish murasimida söz qildi.

Saet 22din 9 minut ötkende, Gowuyüen zunglisi wën jyabaw: 16 – nöwetlik asiya tenheriket musabiqisi bashlandi! dep jakarlidi. shu haman közni chaqnitidighan salyotlar këche asminini yorutti, Hayajanliq mëlodiye meydanni zilzilige keltürdi, Alqish sadaliri uzaqqiche peseymidi.

Tenterbiye sahesidiki munewwer wekillerdin li shyawpëng, Yang boyung, Mëng guenlyang, Xuang jyen'gang, Wang liping, Lu yüenshëng, Gaw jün, Jya jenbolar asiya olimpik këngishining bayriqini kötürginiche meydan'gha kirdi. meydanda asiya olimpik këngishi naxshisi yangridi. asiya olimpik këngishining bayriqi asta – asta kötürülüp, Besh yultuzluq qizil bayraq bilen birlikte yighin meydanida lepildidi.

Junggoluq tenheriketchi fu xeyfëng, Junggoluq rëpir yen ninen musabiqige qatnishidighan tenheriketchiler, Rëpirlargha wakaliten asiya olimpik këngishining bayriqi aldida qesem berdi.

Saet 22din 19 minut ötkende, Seddichin sëpilidiki jüyungguende tutashturulghan asiya tenheriket musabiqisi muqeddes oti bashlinish murasimi ötküzülgen meydan'gha ëlip këlindi. asiya tenheriket musabiqisi ejdiha qolwaq türining mahiri wu gochung asiya tenheriket musabiqisi meshilini su këchip xeyshinshya ariligha ëlip keldi. arqidin meshel chën yibing, Rung jixang, Dëng yaping arqiliq, Axirqi meshelchi xë chunggha yetküzüldi, Xë chung meshelni asasiy meydandiki meshel supisi astigha ëlip keldi.

Xë chung ikki bala bilen birlikte meshel supisi astigha qoyulghan junggoning eneniwi bayramliq pojangzisini tutashturdi, Pojangzidin chiqqan ot uchquni meshel supisidiki muqeddes otdanda tutiship, Asasiy meshel birdinla yalqunjidi, Pütkül meydan qaynam – tashqinliqqa chömdi.

Renggareng salyot, Shadiyane küy, Qulaqni yëriwetküdek alqish sadasi meydan keypiyatini ewjige kötürdi.

Bashlinish murasimigha chet el rehberliridin pakistan zungtungi zerdari, Tayland zunglisi abxist, Iranning muawin zungtungi seidlu, Sin'gaporning muawin zunglisi jang jishyen, Sherqiy tëmorning muawin zunglisi gutërrës, Wyëtnamning muawin zunglisi jang yungjung, Butan shahzadisi jigyër, Birunëy shahzadisi sufri, Ereb birleshme xelipilikining shahzadisi ehmed we asiya olimpik këngishining emeldarliri qatarliqlar qatnashti.