‹‹12 – besh yil››gha nezer salsaq, Junggo tereqqiyatta yëngi pursetni kütüwalidu. mushundaq yaxshi pursetni ching tutush üchün, Muhim istratëgiyelik purset mezgilining tashqi amiligha mohtaj bolghandin bashqa, Tereqqiyat endiziside yëngiliq yaritishtek ichki amilni tirek qilishqimu mohtaj bolimiz.

    j k p 17 – nöwetlik merkiziy komitëtining 5 – omumiy yighinida mundaq dëyildi: hazirqi junggoda tereqqiyat ching qaide deydighan qarashta ching turushning mahiyetlik telipi ilmiy tereqqiyatta ching turup, Ademni asas qilishqa tëximu ehmiyet bërip, Imkaniyetlik sijil tereqqiyatni omumyüzlük maslashturushqa tëximu ehmiyet bërip, Bir tutash pilanlap teng ëtibar bërishke tëximu ehmiyet bërip, Xelq turmushini yaxshilash we kapaletlendürüshke tëximu ehmiyet bërip, Ijtimaiy adalet, Heqqaniyetni ilgiri sürüshtin ibaret. bu ‹‹töt ehmiyet bërish›› del junggoning tereqqiyat endiziside tiriship yëngiliq yaritishtiki ëniq yönilishtur.

    tereqqiyat endiziside yëngiliq yaritishta aldi bilen muhim küchesh nuqtisini tëpip chiqish kërek. j k p 17 – nöwetlik merkiziy komitëtining 5 – omumiy yighinida bu küchesh nuqtisi ademni asas qilish, Dep ëniq belgilen'gen. tarix shuni yene bir qëtim ispatlidiki, Iqtisad, Jemiyetning her qëtimliq islahati xelqning menpeetini asas qilishni ölchem qilidu. junggogha nisbeten iqtisad, Jemiyetning tereqqiyat meqsiti noqul bayliq toplash emes, Belki xelqqe üzlüksiz bext yaritishtin ibaret.

    tereqqiyat endiziside yëngiliq yaritishning muhim küchesh nuqtisi bëkitilgendin këyin, Tereqqiyatning asasliq yönilishi bëkitilidu, U bolsimu omumyüzlük, Mas, Imkaniyetlik sijil tereqqiyattin ibaret, Uning yadrosi iqtisadiy tereqqiyat usulini özgertishni tëzlitishtur.

    iqtisadiy tereqqiyat usulini özgertishni tëzlitish ëlimizning iqtisadiy, Ijtimaiy sahesidiki bir qëtimliq chongqur islahat bolup, Bu, ‹‹12 – besh yil››diki iqtisadiy, Ijtimaiy tereqqiyatning omumiy musapisi we her qaysi sahesi boyiche izchillashturulidu. tereqqiyat endiziside yëngiliq yaritip, Eng axirida tereqqiyatni ishqa ashurushta bir tutash pilanlap teng ëtibar bërishke ehmiyet bërish kem bolsa bolmaydu. ëlimiz iqtisadiy omumiy miqdarining üzlüksiz zoriyishi we xelqaradiki riqabetning üzlüksiz chongqurlishishigha egiship, Bayliq, Muhit cheklimisi kücheydi, Meblegh sëlish bilen istëmalning munasiwiti tengpungsizlashti, Kirim teqsimat perqi zoraydi, Xilmu xil hadisilerning hemmiside tereqqiyattiki tekshisizlik, Maslashmasliq, Imkaniyetlik sijil bolmasliqtek mesililer körüldi.

    emeliyette, Tereqqiyat endiziside yëngiliq yaritish tëgi – tektidin ëytqanda qandaq qilip xelq turmushini yaxshilash we kapaletlendürüsh mesilisidur, Buningda xelq turmushini yaxshilash we kapaletlendürüshke dair tüzüm orunlashturulmilirini mukemmelleshtürüp, Ijtimaiy ishlarning tereqqiyatini tëzlitip, Asasiy jamaet mulazimitini tengpunglashturushni ilgiri sürüp, Kirim teqsimatini tengshesh salmiqini zoraytip, Ortaq bëyish yoligha mëngishta ching turup, Xelqni tereqqiyat netijisidin behrimen qilip, Ijtimaiy adalet, Heqqaniyetni ishqa ashurushqa toghra këlidu.

    ‹‹junggoning tereqqiyat ulughwar pilanini etrapliq tüzüsh jeryanida, Xelq turmushini yaxshilashni gewdilik orun'gha qoyushi tereqqiyatimizdiki xelq turmushining esliy orni, Asasiy yëtekchi idiyesini toluq namayan qildi, Mana bu zor tereqqiyattur››, Dëdi wuxen uniwërsitëti istratëgiyelik bashqurush tetqiqat yurtining bashliqi gu shëngzu.

    tereqqiyat endiziside omumyüzlük yëngiliq yaritish tereqqiyat jeryanida yoluqqan ziddiyet we mesililerni hel qilishtiki ‹‹achquch››. tereqqiyat ching qaide deydighan isratëgiyelik idiyede ching turup, Iqtisadiy tereqqiyat usulini özgertishni tëzlitishtiki angliqliq, Teshebbuskarliq, Ijadkarliqni üzlüksiz kücheytip, Tereqqiyatning omumyüzlüklüki, Masliqi, Imkaniyetlik sijilliqini östürgendila, Junggo jezmen ‹‹12 – besh yil››diki ilmiy tereqqiyatta yëngi netijige ëriship, Pütkül xelqqe nep yetküzidighan tëximu yuqiri sewiyelik omumyüzlük halliq jemiyet berpa qilish üchün mustehkem asas salalaydu.

    shinxua agëntliqi