Amérikining yéngidin wezipige teyinlen'gen dölet ishliri katipi hilari kilinton 20 – féwral kechte mexsus ayropilan bilen béyjinggha yétip kélip , Junggodiki dölet ishliri ziyaritini bashlidi . Junggo diplomatiye ministiri yardemchisi lyu jyé kütüwélishqa chiqti . Junggo hilarining bu qétim asiyada qilghan ziyaritining eng axirqi békiti hésablinidiken .

Junggoluq oqughuchilar hilarigha gül sowgha qilmaqta  

     Hilari kilnton junggogha yat emes , U 1995 – yili ömek bashlap junggogha kélip , 4 – nöwetlik xelqara ayallar yighinigha qatnashqan , 1998 – yili , Amérikining 1 – xanimi bolush süpiti bilen amérikining sabiq zungtungi kilinton'gha hemrah bolup , Junggogha ziyaretke kelgen .

    Hilari kilinton ayrodromdin udul bultur olimpik tenheriket musabiqisida amérikining sabiq zungtungi bush chüshken méhmasaray — wésding méhmansariyigha qarap yürüp ketti . Méhmansarayning xizmetchi xadimlirining ashkarlishiche , Uning bu méhmansaraygha chüshüshi adettiki méhmanlargha oxshash bolup , Méhmansaray bu mezgilde héchqandaq tesirge uchrimaydiken .

    Hilari 21 – féwral , Junggoning dölet reisi xujintaw , Junggo gowuyüenining zunglisi wén jyabaw , Dölet ishliri komissari dey binggolar bilen körüshti , Yene junggo diplomatiye  ministiri yang jyéchi bilen söhbet élip bardi . Buningdin bashqa , U 22 – féwral chüshtin burun , Béyjing xeydiyen chirkawigha bérip , Ibadet qildi hemde amérikining junggoda turushluq elchixanisidiki xadimlar we junggoning ayallar sahesidiki erbabliri bilen körüshti .

    Axbarat wastilirining ashkarlishiche , Hilari kilinton bu qétimqi ziyaritide , Junggo terep bilen xelqara pul – muamile kirizisi , Kilimat özgirishi , Énérgiye qatarliq mesililer we bush zungtung waqtidiki junggo – amérika istiratégiyilik iqtisadiy söhbet ramkisini téximu kéngeytish qatarliq mesililer üstide muzakire élip baridiken .