Qurghaqchiliqqa taqabil turush tedbirlirini emeliyleshtürüp, Qurghaqchiliqqa taqabil turush kürishini yaxshi élip barayli

      Shinxua agéntliqi, Béyjing, 5 – féwral télégrammisi. Bultur qish kirgendin buyan, Élimizning küzlük bughday köp térilidighan rayonlirida éghir qurghaqchiliq boldi, Qurghaqchiliq ehwali dawamliq éghirlashmaqta, Yazliq ashliq ishlepchiqirishi köp yillardin buyan az körülgen intayin keskin xirisqa duch kelmekte. Partiye merkiziy komitéti, Gowuyüen hazirqi qurghaqchiliqning yüzlinishi we qurghaqchiliqqa taqabil turush xizmitige yüksek ehmiyet berdi. Yéqinda j k p merkiziy komitétining bash shujisi, Dölet reisi, Merkiziy herbiy komitétning reisi xu jintaw, J k p merkiziy komitét siyasiy byurosi daimiy komitétining ezasi, Gowuyüen zunglisi wén jyabaw, J k p merkiziy komitét siyasiy byurosi daimiy komitétining ezasi, Gowuyüenning muawin zunglisi li kéchyang muhim testiqiy yolyoruq bérip, Her derijilik rehberlerdin bu ishqa yüksek ehmiyet bérip, Barliq küchni teshkillep we seperwer qilip, Türlük qurghaqchiliqqa taqabil turush tedbirlirini emeliyleshtürüp, Küchep taqabil turushni; Qurghaqchiliq éghir rayonlarning qurghaqchiliqqa taqabil turush xizmitini qollash salmiqini ashurup, Qurghaqchiliqqa taqabil turush sélinmisini köpeytip, Qurghaqchiliq bolghan rayonlarning qiyinchiliqni yéngishigha yardem bérip, Yazliq ashliq, Shundaqla pütün yilliq ashliqtin mol hosul élishni qolgha keltürüp, Bu yil iqtisadni dawamliq siliq, Tézrek ashurushqa puxta asas sélishni telep qildi.

     J k p merkiziy komitét siyasiy byurosining ezasi, Gowuyüenning muawin zunglisi xuy lyangyüning riyasetchilikide 5 – féwral gowuyüenning mexsus yighini échilip, Merkezdiki rehbiriy yoldashlarning testiqiy yolyoruqlirining rohi izchillashturuldi, Hazirqi qurghaqchiliq ehwali, Maysilarning ösüsh ehwali we yéza igilik ishlepchiqirish weziyiti omumyüzlük tehlil qilindi, Yéza igilikide qurghaqchiliqqa taqabil turup maysini saqlap qélish we orman, Otlaq ot apitining aldini élish qatarliq xizmetler yenimu ilgirilep orunlashturuldi. Xuy lyangyü munularni tekitlidi: Alaqidar rayon we tarmaqlar, Bolupmu apet bolghan rayondiki her derijilik rehberler, Hazirqi qurghaqchiliqning xewipi we qurghaqchiliqqa taqabil turush xizmitining muhimliqini choqum omumiyet we istratégiyilik yükseklikide turup toluq tonup, Mesuliyet tuyghusi, Texirsizlik tuyghusini yenimu kücheytip, Éghir qurghaqchiliqqa taqabil turush, Etiyazliq térilghuni ilgiri sürüsh, Mol hosulni qolgha keltürüshni hazirqi yéza, Yéza igiliki, Déhqanlar xizmitidiki eng texirsiz wezipe; Merkezning 1 – nomurluq höjjitining rohini izchillashturush, Ashliq hosulini muqimlashturush, Kirimni ashurush, Ulni mustehkemlesh, Xelq turmushigha ehmiyet bérishtiki eng muhim tedbir; Éshishqa kapaletlik qilish, Xelq igilikining siliq, Tézrek tereqqiyatini ilgiri sürüshtiki eng asasiy xizmet qilip, Bash bahardin kéyinki bughday maysisining ösüsh ehwali we hosulgha asas sélinidighan achquchluq mezgilni ching tutup, Jiddiy heriketke kélip, Tézdin qurghaqchiliqqa taqabil turush merkez qilin'ghan etiyazliq perwishi dolqunini qozghap, Qurghaqchiliq apitining ziyinini barliq chare - amallar bilen azaytip, Yazliq ashliq, Yaghliq dandin mol hosul élish, Bu yil yéza igilikini muqim rawajlandurush üchün tirishishini telep qildi.
